Regionaln Planungsvaband
| Der Artikl is im Dialekt Westmittlboarisch gschriem worn. |
Regionoi Planungsvabänd san Organisationnan, de ois Träga vo da Regionoiplanung de räumliche Entwicklung von ana Region koordiniern. Sie zähn im Freistaat Bayern zua de Keapaschaft vom eaffantlichn Recht. In de Planungsregionan Bayern san sie ois Zammaschluss vo de Gmoa und Landkroas ana Region de Träga vo da Regionoiplanung im ibatrongna Wiakungskroas. De Regionoin Planungsvabänd san in Bayern am 1. Aprui 1973 aaf Grundlog vom Boarischn Landesplanungsgsetz vo 1970 entstandn.
Regionoi Planungsvabänd mit ähnlicha Funktion gibt's aa in andane deitsche Bundeslända, z. B. in Sachsn und Mecklenbuag-Voapomman, sowia in da Schweiz und Eastareich. In Bodn-Wiattmbeag gibt's analog de Regionoivabänd.
Beispuihafta Aafbau
[Werkeln | Am Gwëntext werkeln]Noch Art. 7 Ab. 1 vom Landesplanungsgsetz bstehnan in Baiern foigande Organe vom Regionoin Planungsvaband:
- de Vabandsvasammlung
- da Planungsausschuss und
- da Vabandsvoasitzande
Weitare Planungsbeteiligte san:
- de Gschäftsstöj mit'm Gschäftsfiahra sowia
- da Regionsbeaaftrogte fia de Region bei da jeweilign Beziaksregierung