Rita Borsellinu
Rita Borsellinu (o Rita Borsellino) (Palermu, 2 di giugnu 1945) è na donna pulìtica siciliana.
Biugrafia
[cancia | cancia la surgenti]Soru dû maggistratu Paulu Borsellinu, ntô 1967 si lauriau 'n farmacìa a l'Universitati di Palermu, esircitannu lu travagghiu di farmacista ntâ cità pi certiduni anni. Addivinìu, 'n sècutu a la morti di sò frati, tistimoni dâ lotta â dilinquenza urganizzata. Ntô 1995 addivinìu vici-prisidenti di Libera, assuciazzioni anti-mafia funnata di don Luigi Ciotti, ntî chista vinni numinata prisidenti unuraria ntô 2005.
Cu Libera cuntribbuìu 'n manera ditirminanti a l'appruvazzioni dâ liggi 109/96 supra l'usu suciali dê beni mmòbbili cunfiscati ê mafi e susteni attivamenti lu pruggettu Libera Terra.
Dû 1992 è mpignata attivamenti ntâ sucità civili ntâ rama di l'aducazzioni â ligalità dimucràtica, ntô spàrgiri na cultura di justizzia e sulidarità, nun sulu pi tiniri vivu lu ricordu dû frati e di tutti li vìttimi dâ mafia, ma suprattuttu picchì 'n particulari li novi ginirazzioni attraversu la canuscenza dê fatti pìgghianu cunzapivalizza dê sò diritti, dû valuri dâ ligalità e dâ dimucrazzìa, na cuscienza crìtica e rispunzàbbili ca, na vota crisciuti, cunzenti a iddi di fari dicisioni giusti pô sò beni e pi chiddu dâ sucità unni sunnu chiamati a stari.
Dû 1994, nzemi a l'ARCI Sicilia e 'n sècutu câ cullabburazzioni di Libera, cuntribbuisci â idiazzioni e â crisciuta di la nizziativa "La Caruvana Anti-Mafìi", na spirienza uramai di caràttiri ntirnazziunali ca talìa a purtari pi tutti li strati la spirienza di n'anti-mafia pusitiva ca voli ncìdiri pusitivamenti 'n capu la riartà ecunòmica, suciali, amministrativi dê lochi ca attraversa strincennu ntrizzi sulidali e ètici ntra li citadini, li stituzzioni e li diversi riartà dâ sucità civili urganizzata prisenti ntê tirritori.
Dû 1998 è prisidenti dâ "Associazione Piera Cutino - guarire dalla talassemia", assuciazzioni senza fini di guadagnu ca prumovi la ricerca contru la talassimìa.
Nummirusi foru li sò nizziativi contru li attività mafiusi e l'emancipazzioni dê fìmmini. Ntra li sò òpiri, chini propiu di sti timàtichi, s'arricòrdanu: Nonostante Donna. Storie civili al femminile (1996), La fatica della legalità (1999), I ragazzi di Paolo. Parole di resistenza civile (2002), Fare memoria. Per non dimenticare e per capire (2003), Rita Borsellino - Il sorriso di Paolo (2005).
 fini dû 2005 si fici forti lu sò mpegnu pulìticu accittannu la pruposta, jittata dâ cualizzioni di centru-manca, di candidàrisi â prisidenza dâ Riggiuni Sicilia ntê amministrativi dâ primavera dû 2006. La sò candidatura vinni tistata dû svurgimentu dê elizzioni primari (lu 4 di dicèmmiru), unni la Borsellinu pigghiau lu 66,9% dê prifirenzi supirannu lu sò cuntinnenti Firdinannu Latteri, ritturi di l'Universitati di Catania.
Elezzioni
[cancia | cancia la surgenti]La candidatura di Rita Borsellinu fu sustinuta, 'n urìggini, suprattuttu dê partiti "minuri" dû centru-manca (SDI, Rifunnazzioni Cumunista, Fidirazzioni dê Virdi, Partitu dê Cumunisti Taliani, Italia dê Valuri e àutri), a chisti prestu si juncieru macari li Dimucràtici di Manca. Ntî l'àutru fronti c'era la Margherita cu Firdinannu Latteri. Vinni disignata dunqui a sfidari lu prisidenti sicilianu niscenti, Totò Cuffaru, candidatu dâ Casa dî Libbirtà.
Li risurtati dû spogghiu la vìdinu pigghiari lu 41,63% dê prifirenzi contru lu 53,08% di Cuffaru ca veni rieliggiutu. Lu risartatu macari si porta na scunfitta è tutt'àutru ca diludenti cunzidirannu ca lu sò avvirsariu cinqu anni prima avìa vinciutu cu lu 59,1% e lu centru-manca s'avìa firmatu a lu 36,6%. Â fini li prifirenzi pâ candidata Borsellinu arrisùrtanu supiriuri â summa dê prifirenzi pê partiti dâ sò lista, ô cuntrariu di l'avvirsariu.
Vita privàta
[cancia | cancia la surgenti]Rita Borsellinu è spusata dû 1969 e havi tri figghi.