Rosende, Sober

Rosende
	Igrexa parroquial
Concello	Sober
Provincia	Lugo
Coordenadas	42°27′34″N 7°37′01″O / 42.45953, -7.61702
Área	2,76 km²
Poboación	90 hab. (2017)
Densidade	32,61 hab./km²
Entidades de poboación	21
	[ editar datos en Wikidata ]

Para outras páxinas con títulos homónimos véxase: Rosende.

San Miguel de Rosende é unha parroquia do concello de Sober, na comarca de Terra de Lemos, na provincia de Lugo. Segundo o IGE, no ano 2007 tiña unha poboación de 105 habitantes.

Atópase a 3 km ao oeste da vila de Sober, a uns 673 m de altura, na beira esquerda do río Cabe.

Xentilicio

O seu xentilicio é rosendino^[2].

Economía

O sector primario, dedicado á gandaría bovina criada para consumo e a cría porcina, xunto coa agricultura orientada ao cultivo da vide, son as fontes de ocupación da poboación. En Rosende hai unha adega destinada a elaborar viños mencía e godello, incluídos no consello da denominación de Orixe Ribeira Sacra e clasificados na subzona regulada da ribeira do Miño.

Outras actividades do sector dos servizos están asociadas á Escola de Hostelería da Fundación Belarmino Fernández, no pazo de Ribas, ou á Casa Grande de Rosende, establecemento de turismo rural integrado na rede Pazos de Galicia.

Patrimonio

A igrexa parroquial foi reconstruída en diversas ocasións. O edificio orixinal pertencía ao mosteiro de San Miguel de Rosende, da orde de San Bieito e existente polo menos desde 1246, dependente como priorado do mosteiro de Santo Estevo de Ribas de Sil. Do primitivo edificio consérvanse restos románicos decorativos na torre campanario, mentres que o anexo do antigo priorado presenta unha balconada de estilo señorial. No interior gárdase un interesante retablo maior de estilo rococó con dúas alturas.

A casa grande de Rosende, tamén coñecida A Casa das Señoritas, é un pazo que data do ano 1511. Foi rehabilitada a finais do século XX e na actualidade funciona como casa de turismo rural. De sobria fachada destaca a súa torre, a solaina que da cara a un patio traseiro e o seu coidado interior.

As festas patronais celébranse o último sábado de setembro. Tamén son populares as festas da Virxe do Carme.

Lugares e parroquias

Lugares de Rosende

Lugares da parroquia de Rosende no concello de Sober (Lugo)
A Airexa \| Albarán \| Areas \| O Areeiro \| Calvos \| O Campo de Naz \| A Cavadiña \| O Celeirón \| O Cotorulo \| Os Ferreiros \| Fondo de Vila \| A Lama do Outeiro \| A Lama do Sobrado \| A Lama dos Campos \| Naz de Abaixo \| Naz de Arriba \| Outeiro \| Pesqueiras \| Ribas \| Rosende \| O Viñal

Parroquias de Sober

Galicia | Provincia de Lugo | Parroquias de Sober

Notas

↑ ^1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.
↑ "Xentilicios_0.pdf" (PDF). p. 25. Consultado o 22 de xullo de 2021.

Véxase tamén

Outros artigos

Lugares de Sober

Ligazóns externas

Rueda, C.; Albo, F. (1 de setembro de 2006). "Piedras señoriales en Rosende". La Voz de Galicia (en castelán). Arquivado dende o orixinal o 12/04/2013. Consultado o 04/08/2009.
Casa Grande de Rosende

[nomenclátor-1] 1,0 ^1,1 Decreto 6/2000, do 7 de xaneiro, polo que se aproba o nomenclátor correspondente ás entidades de poboación da provincia de Lugo.

[2] "Xentilicios_0.pdf" (PDF). p. 25. Consultado o 22 de xullo de 2021.

[1]

[2]