Rouen
| Rouen | ||
| ||
| Kelk imaji pri Rouen. | ||
|
| |
| Standardo | Blazono | |
| Lando: |  Francia
| |
| Regiono: | Normandia | |
Informo:
| ||
| Latitudo: | 49°26'36" N | |
| Longitudo: | 1°06'00" E | |
| Altitudo: | 2 til 152 m | |
| Surfaco: | 21,38 km² | |
| Habitanti: | 114 083 (2021) | |
| Denseso di habitantaro: | 5300 hab./km² | |
| Disto de Paris: | 133[1](tra choseo A13) km | |
| Horala zono: | UTC+1 (UTC+2 dum la somero) | |
| Urbestro: | Nicolas Mayer-Rossignol (PS, 2020-2026) | |
Mapo:
| ||
| ||
Oficala retosituo:
| ||
| www.rouen.fr | ||
Rouen esas urbo apud fluvio Seine, en nordala Francia, chef-urbo di la regiono Normandia e de la departmento Seine Maritime. Olim, ol esis un ek la maxim granda prosperoza urbi dum la Mezepoko. L'urbo propra havis 114 083 habitanti en 2021. Lua metropolala regiono havis 702 945 habitanti en 2020.[2]
Dum Mezepoko, Rouen esis sideyo dil Exchequer (France: Échiquier, fiskala ed administrala korto) de dukio Normandia, til la komenco di la 16ma yarcento. Depos la 13ma yarcento lua ekonomio kreskis, nome pro produktado di texaro. Ol esis un ek la teritorii disputita dum Cent-yara milito. En ca urbo, Jeanne d'Arc brulesis en 1431.
La Katedralo di Nia Damo esas notinda exemplo pri mezepokala gotika strukturo. Rouen esas sideyo di arkiepiskopeyo e havas prestijoza universitato.
Geografio
[redaktar | redaktar fonto]
Rouen trairesas da fluvio Seine, de este adweste, formacanta kurvo an lua urbala perimetro. La reliefo esas plana proxim Seine, kun kolini e platajo norde. Lua mezavalora altitudo varias de 2 til 136 metri super la marala nivelo.
La klimato di Rouen esas oceanala modifikata (Cfb segun la klimatala klasifikuro da Köppen). La mezavalora temperaturo en januaro (vintro) esas 4,3°C, kontre ke la mezavalora temperaturo en julio ed agosto (somero) esas 18,2°C.
La mezavalora yarala pluvo-quanto dil urbo esas 847,5 mm. Ne existas monato komplete sika.
Referi
[redaktar | redaktar fonto]- ↑ Paris - Rouen driving directions - Publikigita da Michelin. URL vidita ye 20ma di januaro 2024. Idiomo: Angla.
- ↑ Comparateur de territoires - Publikigita da INSEE. URL vidita ye 20ma di januaro 2024. Idiomo: Franca.