Sabir Məmmədov (deputat)

Sabir Məmmədov
Şəxsi məlumatlar
Doğum tarixi	1944
Doğum yeri	Abbaslı, Şamxor rayonu, Azərbaycan SSR, SSRİ
Vəfat tarixi	1994
Vəfat yeri	Şəmkir, Şəmkir rayonu, Azərbaycan
Partiya	Azərbaycan Kommunist Partiyası

Sabir Məmmədnəbi oğlu Məmmədov (1944, Abbaslı, Şamxor rayonu – 1994, Şəmkir) — Azərbaycan Respublikası Ali Sovetinin xalq deputatı (1990—1994).

Həyatı

1944-cü ildə Şəmkir rayonunun Abbaslı kəndində anadan olmuş, 1971-ci ildə Azərbaycan Kənd Təsərrüfatı İnstitutunun Aqronomluq fakultəsini, 1989-cu ildə isə Bakı Sosial İdarəetmə və Politologiya İnstitunun Politologiya fakultəsini bitirmişdir.

1971—1983-cü illərdə Şəki aqrotexniki sort-sınaq məntəqəsində direktor müavini, Şamxor üzümçülük sovxozunda baş aqronom, Şamxor aqrar-sənaye birliyində baş direktorun müavini, H. Aslanov adına sovxozun direktoru vəzifələrində çalışmışdır.

O, 1983-1991-ci illərdə Azərbaycan KP-nin Şamxor rayon partiya komitəsinə katib, rayon Xalq Deputatları Soveti İcrayyə Komitəsinə sədr vəzifərinə seçilmişdir.

1990-1994-cü illətdə Azərbaycan Respublikası Ali Sovetinə xalq deputatı seçilən Sabir Məmmədov 1992-ci ildə Azərbaycan Respublikası Prezidenti yanında Ali Nəzarət İnspeksiyasinin Daşkəsən rayonu üzrə inspektoru, 1994-cü ildə isə Şəmkir rayon Suvarma Sistemləri İdarəsinin rəisi vəzifələrində işləmişdir.

1974-cü ildə ailə həyatı qurmuşdur, 4 övladı var.

1994-cü ildə Şəmkir şəhərində vəfat etmişdir.