Gaan na inhoud

Safari (webblaaier)

in Wikipedia, die vrye ensiklopedie
Safari
Kort opsomming van die logo.
Safari 6.0 in OS X Lion
Ontwikkelaar Apple Inc.
Aanvanklike vrystelling 7 Januarie 2003
Mees onlangse weergawe 7.0/ 24 Oktober 2013
Ontwikkelingstatus Aktief
Programmeertaal C++, Objective-C
Bedryfstelsel OS X, iOS, Microsoft Windows (tot 5.1.7)
Ingesluit by OS X, iOS
Enjin WebKit
Platform Vryware, sommige komponente GNU LGPL
Kategorie Webblaaier
Webblad Safari

Safari is ’n webblaaier wat deur Apple Inc. ontwikkel is en by die OS X en iOS-bedryfstelsels ingesluit word. Dit is aanvanklik as ’n betaweergawe op 7 Januarie 2003 bekendgestel[1] op die maatskappy se OS X-bedryfstelsel. Dit het Apple se verstekwebblaaier geword met die vrystelling van Mac OS X v10.3 “Panther”. Safari is ook ’n inheemse toep vir iOS.

’n Weergawe van Safari vir die Microsoft Windows-bedryfstelsel is op 11 Junie 2007 vrygestel[2] en is ondersteun deur Windows XP met Dienspakket 2 of nuwer[3] maar dit is sedertdien laat vaar.[4] Safari 5.1.7 wat op 9 Mei 2012 vrygestel is, was die laaste weergawe vir Windows.[5][3]

Volgens Net Applications was Safari verantwoordelik vir 62,17 persent van mobiele webnavigasie en 5,43 persent van rekenaarinternetverkeer in Oktober 2011, met ’n gekombineerde markaandeel van 8,72 persent.[6]

Geskiedenis en ontwikkeling

[wysig | wysig bron]

Tot 1997 is Apple Macintosh-rekenaars slegs uitgestuur met die Netscape Navigator en Cyberdog-webblaaiers. Internet Explorer vir Mac is later as die verstek webblaaier ingesluit vir Mac OS 8.1 en nuwer[7] as deel van ’n ooreenkoms van vyf jaar tussen Apple en Microsoft. Gedurende daardie tyd het Microsoft drie groot weergawes van Internet Explorer vir Mac vrygestel wat saam met Mac OS 8 en Mac OS 9 gebundel is maar Apple het steeds volgehou met die insluiting van Netscape Navigator as ’n alternatief. Microsoft het uiteindelik ’n weergawe van Internet Explorer vir Mac OS X vrygestel wat ingesluit is as die verstekwebblaaier vir alle weergawes van Mac OS X OV4,[8] tot en met Mac OS X v10.2.[9]

Safari 1

[wysig | wysig bron]

Tydens die MacWorld-kongres en Ekspo op 7 Januarie 2003 in San Francisco het Steve Jobs bekendgemaak dat Apple sy eie webblaaier ontwikkel het. Dit sou bekendstaan as Safari en was gebaseer op Apple se interne vurk van die KHTML verbeelderenjin genaamd WebKit[10] Apple het die eerste betaweergawe vir OS X op dieselfde dag vrygestel. ’n Aantal amptelike en nie-amptelike betas het dit opgevolg totdat weergawe 1.0[11] op 23 Junie 2003 vrygestel is.Dit was aanvanklik slegs beskikbaar as ’n afsonderlike aflaai vir Mac OS X 10.2 maar is saam met Mac OS X v10.3 uitgestuur as die verstekblaaier met Internet Explorer vir Mac as alternatief. 1.0.3 is op 13 Augustus 2004 vrygestel en was die laaste weergawe wat op Mac OS X v10.2 gewerk het terwyl 1.3.2, wat op 12 Januarie 2006 vrygestel is, die laaste weergawe was wat op Mac OS X v10.3 gewerk het. Hierdie weergawe het egter deur die loop van 2007 nog sekuriteitsopdaterings gekry.

Safari 2

[wysig | wysig bron]

In April 2005 het Dave Hyatt, ’n ontwikkelaar by Apple, sy studie oor die herstel van spesifieke foute in Safari gedokumenteer wat tot gevolg gehad het dat dit die Acid2-toets wat deur die Webstandaardeprojek ontwikkel is, geslaag het. Op 27 April 2005 het hy aangekondig dat sy ontwikkelingsweergawe van Safari die toets geslaag het en dat dit die eerste webblaaier was wat dit kon doen.[12]

Safari 2.0 is op 29 April 2005 vrygestel as die enigste webblaaier vir Mac OS X v10.4. Apple het voorgehou dat hierdie weergawe 1.8x vinniger was as weergawe 1.2.4, maar dat dit nog nie die Acid2-foutreparasies ingesluit het nie. Die nodige veranderinge was aanvanklik onbeskikbaar vir eindgebruikers tensy hulle die WebKit bronkode self afgalaai het of een van die aandelikse geoutomatiseerde weergawes van OpenDarwin.org laat loop het.[13] Apple het uiteindelik weergawe 2.0.2 van Safari op 31 Oktober 2005 vrygestel waarin die wysings om die Acid2-toets te slaag bygewerk was.

In Junie 2005, ná ’n mate van kritiek vanaf KHTML-ontwikkelaars oor die gebrek aan toegang tot wysigingslyste het Apple sie ontwikkelingsbronkode en foutopsporing van WebCore en JavaScriptScore geskuif na OpenDarwin.org. WebKit is ook as oopbron vrygestel. Die bronkode vir nie-verbeelderaspekte van die webblaaier, soos die grafiese gebruikerskoppelvlakelemente, Apple se eiendom bly.

Die finale stabiele weergawe van Safari 2, Safari 2.0.4 is op 10 Januarie 2006 vir Mac OS X vrygestel. Dit was slegs beskikbaar as ’n opdatering vir Mac OS X Opdatering 10.4.4. Hierdie weergawe het onder andere uitleg- en SVE-gebruiksprobleme aangeraak.[14] Safari 2.0.4 was tot weergawe 6 in 2012 die laaste weergawe was eksklusief vir Mac OS X vrygestel is.

Safari 3

[wysig | wysig bron]

Met die bekendstelling van Apple se iPhone op 9 Januarie 2007 het Apple ook ’n mobiele weergawe van die Safari-webblaaier bekendbestel.[15]

Tydens die Apple Wêreldwye Ontwikkelaarskonferensie (WWOK) op 11 Junie 2007 het Steve Jobs Safari 3 vir Mac OS X v10.5, Windows XP en Windows Vista aangekondig . Gedurende die aankondiging het hy ’n maatstaf uitgevoer wat op die iBench-webblaaiertoetspakket getoets is wat Safari met die gewildste webblaaiers op Windows vergelyk[16] waardeur hy daarop aanspraak gemaak het dat Safari die vinnigste webblaaier is. Latere derdepartytoetse van HTTP-laaitye het hierdie aanspraak in terme van aanvanklike laaitye van data oor die internet ondersteun; die verskil tussen Safari 2 en Internet Explorer 7 en Mozilla Firefox was egter weglaatbaar klein wanneer statiese inhoud van kasgeheue gelaai is.[17]

Die aanvanklike betaweergawe van Safari 3 vir Windows wat op dieselfde dag as die aankondiging by WWOK 2007 vrygestel is, het talle foute [18] en ’n “dag nul”-uitbuiting gehad wat afstandsuitvoering instaat gestel het.[19] Die foute is drie dae later, op 14 Junie 2007, deur Apple reggestel in weergawe 3.0.1 vir Windows. Op 22 Junie 2007 het Apple Safari 3.0.2 vrygestel met foutherstelling, werkverrigtings- en ander sekuriteitskwessies. Safari 3.0.2 vir Windows het sommige lettertipes soos Tahoma, Trebuchet MS en ander hanteer wat nie deel van die blaaier was nie, maar wel op die Windows-rekenaar geïnstalleer was.

Op 29 Junie 2007 is die iPhone amptelik vrygestel. Dit het ’n weergawe van Safari ingesluit wat op dieselfde WebKit-verbeelderenjin as die werkskermweergawe gebaseer was maar met ’n aangepaste funksie wat beter by ’n mobiele toestel gepas het. Die weergawe van Safari, volgens die gebruikersagent, is 3.0[20] wat ooreenstem met die werkskermweergawes van Safari.

Die eerste stabiele nie-betaweergawe van Safari vir Windows, Safari 3.1, is op 18 Maart 2008 as ’n gratis aflaai aangebied. In Junie 2008 het Apple 3.1.2 vrygestel[21][22] wat ’n sekerheidskwesbaarheid in die Windows-weergawe aangespreek het waar die besoek aan ’n kwaadwillige webwerf uitvoerbare lêers sou aflaai en op die gebruiker se rekenaar installeer.[23]

Safari 3.2 is op 13 November 2008 vrygestel en het teenuitvissingsfunksie en ondersteuning vir Uitgebreide Bevestigingsertifikate gebied. Die laaste weergawe van Safari 3, weergawe 3.2.3 is op 12 Mei 2009 vrygestel.

Safari 4

[wysig | wysig bron]

O 2 Junie 2008 het die WebKit-ontwikkelingspan SquirrelFish bekendgestel.[24] Dit was ’n nuwe JavaScript-enjin wat die spoed waarteen Safari tekste interpreteer, aansienlik versnel.[25] Die enjin was een van die nuwe funksionaliteite in Safari 4 wat op 11 Junie 2008 vir ontwikkelaars vrygestel is. Die nuwe JavaScript-enjin het spoedig in SquirrelFish Extreme ontwikkel en die verkverrigting van SquirrelFish verbeter.[26] Dit is uiteindelik as Nitro bemark. ’n Openbare Beta van Safari 4 met nuwe funksies soos die Top Blaaie-nutsmiddel (soortgelyk aan Opera se Speed Dial-nutsmiddel) wat die gebruiker se mees besoekte webwerwe op ’n 3D-muur vertoon, is op 24 Februarie 2009 vrygestel.[27] Cover Flow, ’n kenmerk van Mac OS X en iTunes, is ook in Safari geïmplementeer. In die openbare betaweergawes is oortjies, soosrgelyk aan Google Chrome, by die titelbalk van die webblaaier ingesluit. In die finale weergawe is die oortjiebalk teruggeskuif na sy oorspronklike ligging onder die bronadresbalk.[28] Die Windows-weergawe het ’n inheemse Windows-tema aangeneem eerder as die vorige Mac OS X-styl koppelvlak. Apple het ook die blou vorderingsbalk wat in die adresbalk was, verwyder (dit is later weer in Safari 5 teruggestel). Safari 4.0.1 is op 17 Junie vir Mac vrygestel en het probleme met Gesigte in iPhoto ’09 opgelos. Safari 4 in Mac OS X v10.6 “Snow Leopard” het 64-bisondersteuning wat die laaityd van JavaScript tot 50% vinniger kan maak. Dit het ook ’n ingeboude uitbomweerstand wat uniek tot Snow Leopard is; uitbomweerstand sal die webblaaier ongeskonde hou indien ’n inprop soos Flash-speler sou uitbom sodat die ander oortjies of vensters ongeaffekteer bly.[29] Safari 4.0.4 is op 11 November 2009 vir OS X en Windows vrygestel met verdere verbeteringe in JavaScript-verrigting.[30]

Safari was een van die twaalf webblaaiers wat in 2010 aan EU-gebruikers van Microsoft Windows gebied is. Dit was een van die vyf webblaaiers wat op die eerste blad van die webblaaierkeuses saam met Chrome, Firefox, Internet Explorer en Opera.[31][32]

Safari 5

[wysig | wysig bron]

Op 7 Junie 2010 is Safari 5 vrygestel met die nuwe Safari Leser om webartikels sonder afleidings te kan lees (gebaseer op Arc90 se Leesbaarheidsnutsmiddel.[33]), en ’n 30% verbetering in JavaScript-werkverrigting oor Safari 4. Safari 5 het verbeterde ontwikkelaarsnutsmiddels bevat en het meer as ’n doysn nuwe tegnologieë vir HTML5 wat gefokus was op versoenbaarheid. Met Safari 5 kon ontwikkelaars nou Safari-uitbreidings skep om die webblaai-ervaring aan te pas en te verbeter.[34] Apple het weer die vorderingsbalk agter die adresbalk toegevoeg. Safari 5.0.1 het die Uitbreidings-voorkeurepaneel by verstek ingestel; dit was voorheen te vinde in die Ontfoutingskeuselys.

Safari 4.1, eksklusief vir Mac OS X Tiger, is gelyktydig met Safari 5 vrygestel. Die opdatering het die meerderheid van funksies en veiligheidsverbeteringe wat in Safari 5 gevind word, bevat. Dit het egter nie Safari Leser of Safari-uitbreidings ingesluit nie. Safari 5.1 vir Windows en Mac is op 20 Julie 2011 saam met Mac OS X 10.7 Lion vrygestel met die nuwe funksie van ‘Leeslys’ en ’n vinniger webblaai-ervaring. Apple het terselfdertyd Safari 5.0.6 vir Mac OS X 10.5 Leopard vrygestel sonder die funksionaliteite wat in 5.1 was.

Safari 6

[wysig | wysig bron]

Safari 6.0 was aanvanklik bekend as Safari 5.2 totdat Apple die aankondiging tydens WWOK 2012 gemaak het. Die vrystelling van die stabiele weergawe van Safari 6 op 25 Julie 2012 het saamgeval met die vrystelling van OS X Mountain Lion en is in die bedryfstelsel geïntegreer.[35] Omdat Apple dit met Mountain Lion geïntegreer het, was dit nie meer as ’n aflaai vanaf Apple se webblad opf ander bronne beskikbaar nie. Apple het Safari 6 deur middel van Programmatuuropdatering vrygestel aan gebruikers van OS X Lion. Dit is nie vrygestel vir weergawes voor Lion of vir Windows-gebruikers nie. Apple het gesê oor die onbeskikbaarheid van Safari vir Windows dat “Safari 6 beskikbaar is vir Mountain Lion en Lion en dat Safari 5 steeds vir Windows beskikbaar is.”[36] Microsoft het dan ook Safari van sy BrowserChoice-blad verwyder.

Op 11 Junie 2012 het Apple ’n ontwikkelaarsvoorskou van Safari 6.0 met ’n funksie genaamd iCloud-oortjies vrygestel wat gebruikers toelaat om oortjies met enige iOS of ander OS X-toestel met dieselfde programmatuur, te sinchroniseer. Safari 6 het ook nuwe privaatheidsfunksies ingesluit soos ’n “Vra webwerwe om my nie te volg nie”-voorkeur en die vermoë vir webblaaie om aan OS X Mountain Lion-gebruikers kennisgewings te stuur. RSS-ondersteuning is egter verwyder.[37] Safari 6 het die Deel Blaaie-funksie in OS X Mountain Lion. Die Deel Blaaie-opsies is: Voeg toe tot Leeslys, Voeg Boekmerk toe, E-pos hierdie blad, Boodskap, Twitter en Facebook. Gebruikers kon dus oortjies met volblarvoorskoue sien.[38]

Safari 7

[wysig | wysig bron]

Tydens Apple se WWOK op 10 Junie 2013 het die Safari 7/6.1[39] ontwikkelaarsvoorskou verbeteringe in JavaScript-verrigting en geheuegebruik bevat asook ’n nuwe voorkoms vir Top Blaaie en die Systaaf en ’n nuwe Gedeelde Skakels-funksie. ’n Bykomende kragbesparingsfunksie laat inproppe wat nie gebruik word nie, rus.[40] Safari 7 vir OS X Mavericks en Safari 6.1 (vir Lion en Mountain Lion) is op 22 Oktober 2013 saam met OS X Mavericks vrygestel.[41]

WebKit2

[wysig | wysig bron]

Op 9 April 2010 het Apple WebKit2 aangekondig.[42] Dit is geïntegreer in Safari sedert weergawe 5.1.[43]

Funksies

[wysig | wysig bron]

Safari bied verskeie funksies, insluitend:

  • Die vermoë om webbladuitknipsels op die Apple Paneelblad te bewaar (Slegs Mac OS X)
  • ’n Grootteverstelbare websoekkas wat voorsiening maak vir Google, Yahoo! of Bing
  • Outomatiese invul van webvorms (“autofill”)
  • Boekmerkintegrasie met Kontakte
  • Boekmerkbestuur
  • Ingeboude wagwoordbestuur d.m.v. Sleutelhanger (Slegs Mac OS X)
  • Soektogte in Geskiedenis en boekmerke
  • Uitbreibare teksboks
  • Ondersteuning vir ICC-kleurprofiele (weergawe 4)
  • Direkte besigtiging van PDF (slegs Mac OS X)
  • iPhoto-integrasie (slegs Mac OS X)
  • Mail-integrasie (slegs Mac OS X)
  • Blokkering van opwipadvertensies


Verwysings

[wysig | wysig bron]
  1. ↑ (en) Apple Inc. (7 Januarie 2007). "Apple stel Safari bekend". Persberig. http://www.apple.com/pr/library/2003/jan/07safari.html. Besoek op 3 Januarie 2008. 
  2. ↑ (en) Apple Inc. (11 Junie 2007). "Apple stel Safari vir Windows bekend". Persberig. http://www.apple.com/pr/library/2007/06/11safari.html. Besoek op 12 Junie 2008. 
  3. ↑ 3,0 3,1 "Safari 5.1.7 vir Windows" (in Engels). Apple Inc. 9 Mei 2012. Geargiveer vanaf die oorspronklike op 25 Februarie 2015. Besoek op 20 November 2012.
  4. ↑ (en) Gebroke aflaaiskakel bevat nou geen inligting oor Safari vir Windows nie
  5. ↑ "Apple verlaat blykbaar Windows-ondersteuning in Safari 6.0" (in Engels). AppleInsider. 25 Julie 2012. Geargiveer vanaf die oorspronklike op 22 Mei 2020.
  6. ↑ Peter Bright (2 November 2011). "Die einde van 'n era: Internet Explorer val onder 50% van webgebruik". Ars Technica (in Engels). Condé Nast. Geargiveer vanaf die oorspronklike op 5 Mei 2012. Besoek op 22 November 2011.
  7. ↑ (en) "Mac OS 8.1 dateer dokument en programmatuur op". Apple Inc. 14 Augustus 2003. Geargiveer vanaf die oorspronklike op 4 Desember 2010. Besoek op 10 Junie 2009.
  8. ↑ "Apple stel Mac OS X Ontwikkelaarsvoorskou 4 met finale TPK-spesifikasies vry" (in Engels). Apple Inc. 15 Mei 2000. Geargiveer vanaf die oorspronklike op 4 Junie 2001. Besoek op 10 Junie 2009.
  9. ↑ "Java 1.3.1 vir Mac OS X weergawe 10.2 Vrystellingsnotas". developer.apple.com (in Engels). Apple Inc. Julie 2002. Geargiveer vanaf die oorspronklike op 2 Maart 2009. Besoek op 10 Junie 2009.
  10. ↑ Pour, Andreas (7 Januarie 2003). "Apple stel nuwe "Safari" webblaaier bekend". KDE Dot News (in Engels). Geargiveer vanaf die oorspronklike op 25 Augustus 2012. Besoek op 4 Januarie 2006.
  11. ↑ "Geargiveer – Safari 1.0 vir Mac OS X: Inligting en aflaai" (in Engels). Apple Inc. 5 Maart 2012. Geargiveer vanaf die oorspronklike op 1 Oktober 2013. Besoek op 1 Desember 2013.
  12. ↑ (en) Hyatt, Dave (227 April 2005). "Safari slaag die Acid2-toets". Surfin' Safari. MozillaZine. Geargiveer vanaf die oorspronklike op 25 Augustus 2011. Besoek op 28 April 2005. {{cite web}}: Gaan datum na in: |date= (hulp)
  13. ↑ Hyatt, Dave (12 Oktober 2005). "Aandelikse weergawes". Surfin' Safari (in Engels). OpenDarwin.org. Geargiveer vanaf die oorspronklike op 14 Desember 2019. Besoek op 29 Oktober 2006.
  14. ↑ (en) Aangaande die Mac OS X 10.4.4 Opdatering (Delta)
  15. ↑ (en) Apple herskep die foon met iPhone
  16. ↑ Wilton-Jones, Mark. "Is Safari vinniger?" (in Engels). Geargiveer vanaf die oorspronklike op 10 Oktober 2019. Besoek op 12 Junie 2008.
  17. ↑ Czeiszperger, Michae (20 Oktober 2007). "Safari 3 Windows werkverrigtingsontleding" (in Engels). Web Performance. Geargiveer vanaf die oorspronklike op 2 Oktober 2010. Besoek op 24 Julie 2007.
  18. ↑ Maynor, David (11 Junie 2007). "Lekkerrrr." (in Engels). Errata Security. Geargiveer vanaf die oorspronklike op 6 April 2013. Besoek op 12 Junie 2008.
  19. ↑ (en) Larholm, Thor (12 Junie 2007). "Safari vir Windows, 0dag uitbuiting in 2 ure". Geargiveer vanaf die oorspronklike op 22 Mei 2011. Besoek op 12 Junie 2008.
  20. ↑ (en) Mobiele Safari
  21. ↑ (en) die sekuriteitsinhoud van Safari 3.1.2 vir Windows
  22. ↑ (en) Keizer, Gregg. Apple draai om, maak Safari se ‘carpet bomb’-four reg Geargiveer 24 Desember 2008 op Wayback Machine, ComputerWorld (19 Junie 2008).
  23. ↑ (en) "Microsoft Sekerheidsraad (953818)". Microsoft.
  24. ↑ Garen, Geoffrey (2 Junie 2008). "Aankondiging van SquirrelFish" (in Engels). Geargiveer vanaf die oorspronklike op 12 Mei 2020. Besoek op 11 Junie 2008.
  25. ↑ Lipskas, Vygantas (11 Junie 2008). "Apple Safari 4" (in Engels). Geargiveer vanaf die oorspronklike op 8 Mei 2020. Besoek op 11 Junie 2008.
  26. ↑ (en) Bekendstelling van SquirrelFish Extreme
  27. ↑ (en) Hands on: Safari 4 beta vinnig, meng gepoleerde en rowwe koppelvlaksome
  28. ↑ (en) Dempsey, James (9 Junie 2009). "Apple stel Safari 4 vry". TheAppleBlog. The GigaOM Network. Geargiveer vanaf die oorspronklike op 22 Junie 2020. Besoek op 9 Junie 2009.
  29. ↑ (en) Apple – Mac OS X – Wat is Mac OS X – Safari
  30. ↑ (en) Safari 4.0.4
  31. ↑ (en) "Microsoft bied webblaaierkeuses aan Europeërs". BBC. 1 Maart 2010. Besoek op 1 Maart 2010.
  32. ↑ Peter Bright (19 Februarie 2010). "Microsoft se EU-webblaaierstembrief goedgekeur, kom 1 Maart". Ars Technica (in Engels). Condé Nast. Geargiveer vanaf die oorspronklike op 8 Maart 2012. Besoek op 1 Maart 2010.
  33. ↑ (en) Rich Ziade (7 Junie 2010). "Safari 5: Nog 'n stap na beter lees op die web". Geargiveer vanaf die oorspronklike op 13 Augustus 2010. Besoek op 8 Junie 2010.
  34. ↑ (en) Apple (2010). "Apple stel Safari 5 vry". Besoek op 9 Desember 2010.
  35. ↑ Apple (2010). "Apple voeg iCloud oortjiesinchronisering tot Safari 5.2 ontwikkelaarsvoorskou" (in Engels). Geargiveer vanaf die oorspronklike op 12 Junie 2019. Besoek op 18 Maart 2012.
  36. ↑ Macworld (2012). "Safari 6 beskikbaar vir Mountain Lion en Lion, maar nie vir Windows" (in Engels). Geargiveer vanaf die oorspronklike op 31 Desember 2016. Besoek op 3 Oktober 2012.
  37. ↑ Mac Rumors (2012). "Apple stel Safari 6 opdatering vir OS X Lion vry" (in Engels). Geargiveer vanaf die oorspronklike op 12 Junie 2019. Besoek op 25 Julie 2012.
  38. ↑ Panzarino, Matthew (26 Julie 2012). "Safari 6.0 is die beste weergawe van Apple se blaaier nóg" (in Engels). The Next Web. Geargiveer vanaf die oorspronklike op 12 Junie 2019. Besoek op 26 Julie 2012.
  39. ↑ "OS X Mavericks – Doen selfs meer met nuwe toeps en funksies" (in Engels). Apple Inc. Geargiveer vanaf die oorspronklike op 16 Oktober 2014. Besoek op 24 Julie 2013.
  40. ↑ (en) "OS X Mavericks – Gevorderde Tegnologieë" (in Engels). Apple inc. Geargiveer vanaf die oorspronklike op 11 Oktober 2013. Besoek op 24 Julie 2013.
  41. ↑ "Apple stel Safari 7 met ontwerpsaanpassings, geheue, sosiale verbeteringe en meer bekend" (in Engels). 9to5mac. 22 Oktober 2013. Geargiveer vanaf die oorspronklike op 12 Junie 2019. Besoek op 26 Oktober 2013.
  42. ↑ "Aankondiging van WebKit2" (in Engels). Anders Carlsson. Geargiveer vanaf die oorspronklike op 8 Mei 2020. Besoek op 10 April 2010.
  43. ↑ "Bronkodemagasyn vir openbare dele van Safari 5.1" (in Engels). The WebKit Open Source Project. Geargiveer vanaf die oorspronklike op 12 Junie 2019. Besoek op 20 Julie 2011.
  44. ↑ Hatcher, Timothy. "Bekendstelling van die Webinspekteur" (in Engels). Geargiveer vanaf die oorspronklike op 12 Mei 2020. Besoek op 20 Junie 2007.


Ontsluit van "https://af.wikipedia.org/w/index.php?title=Safari_(webblaaier)&oldid=2474181"