Salinas

Salinas
Alministración
País	España
Autonomía	Principáu d'Asturies
Provincia	provincia d'Asturies
Conceyu	Castrillón
Partíu xudicial	Avilés
Tipu d'entidá	parroquia d'Asturies
Xeografía
Coordenaes	43°34′32″N 5°57′41″W / 43.57557°N 5.96128°O
	Salinas Salinas (Asturies)
Altitú	8 m
Llenda con	Samartín de L'Aspra
Demografía
Población	4359 hab. (2020)
Porcentaxe	19.72% de Castrillón
Más información
Estaya horaria	UTC+01:00

Salinas^[2] ye una villa y una parroquia del conceyu de Castrillón, n'Asturies. Cuenta con una población de 4.517 habitantes (INE 2009)^[3] en 2.623 viviendes. Ocupa una estensión de 3,77 km².

Salinas ye tamién una villa balnearia y ye la segunda llocalidá más poblada del conceyu, per detrás de la so capital, Piedrasblancas, de la que dista 2 km.

La parroquia llinda al norte cola mar Cantábrica, al este, colos conceyos de Gozón y Avilés; al sur col d'Avilés; y al oeste, cola parroquia] de Samartín de L'Aspra.

Dispón d'una de les playes más estenses d'Asturies, tanto dixebrada en trés : Salinas propiamente dicha, L'Espartal y San Xuan. Salinas acueye'l Muséu d'Ancles Philippe Cousteau, onde pel so entornu s'alcuentra'l monumentu a Philipe Cousteau, obra de Vicente Menéndez-Santarúa Prendes.

Historia

La so historia remóntase a la presencia romana nel cercanu castru de Raíces, reconstruyíu na época medieval por Alfonsu III denomáu entóncenes como castiellu de Gauzón. La historia cuenta que nesti castiellu se realizó la Cruz de la Victoria, emblema heráldicu d'Asturies qu'anguaño se guarda na Catedral d'Uviéu. En xunetu de 2005 aniciáronse escavaciones arqueolóxiques pa la so recuperación.

El desenrollu de Salinas ta venceyáu enforma a la implantación y actividá de la Real Compañía Asturiana de Mines, güei denomada Asturiana de Zinc y asina como al Real Club Náuticu. Esti últimu surdió por iniciativa de delles families d'Uviéu y Madrid que pasaben tradicionalmente les sos vacaciones en Salinas. La so primer sede social foi un edificiu de madera construyíu en 1916. La ubicación caltuviérase pese a los años trescurríos desque Manuel Álvarez-Buylla inaugurara aquel edificiu. En 2005 anicióse la construcción del tercer edificiu qu'acueye a esta institución.

Tameién destaquen les escueles de Raíces Vieyu, construyíes coles aportaciones d'indianos.

Llugares

Salinas
Raíces Nuevo

Parques

Salinas cuenta con cuatro parques onde los más pequeños puen xugar: El parque de la Deva, de creación recién, ye'l más visitáu poles families y cuenta con bones instalaciones. El ríu Raíces continúa'l cursu paralelamente al parque haxa la ría d'Avilés. Otru d'ellos, asitiáu cerca de la playa y conocíu como Los Patos por tener un estanque onde antiguamente vivíen patos, dispón de bar pero non de xuegos pa neños. El terceru ye'l parque Piñole que dispón de parada d'autobús y alcuéntrase na cai del mesmu nome. Por último, na cai Ramón y Cajal, xunto al parvulariu y les antigües escueles, esiste otru pequeñu parque pa recréu.

Accesos

Salinas ta conceutada con Avilés por autobuses urbanos. ALSA tamién pa en Salinas en delles rutes, ente elles a Madrid y A Coruña. Amás, cuenta con un apeaderu na llinia de FEVE Ferrol-Xixón complementáu col serviciu suburbanu de FEVE ente Xixón o Uviéu y Cuideiru.

Referencies

↑ Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.
↑ «Espediente colos topónimos oficiales de Castrillón». BOPA.
↑ Nomenclátor. Rellación d'unidaes poblacionales. Institutu Nacional d'Estadística. [1]

Enllaces esternos

	Parroquies de Castrillón
Bayas \| Naveces \| Piarnu \| El Puertu \| Salinas \| Samartín de L'Aspra \| Samiguel de Quiloñu \| Santiagu'l Monte \|

[295a86791112e9f6fb69c894402525c5375513b3-1] Afirmao en: Modelo Digital del Terreno de España de 5 metros. Editorial: Institutu Xeográficu Nacional d'España.

[toponimia-castrillon-2] «Espediente colos topónimos oficiales de Castrillón». BOPA.

[nom-3] Nomenclátor. Rellación d'unidaes poblacionales. Institutu Nacional d'Estadística. [1]

[1]

[2]

[3]