Santa Teresa komentua (Donostia)

Santa Teresa komentua
Santa Teresa komentua alboko fatxada eta elizako dorrea.
Kokapena
Herrialdea	Euskal Herria
Probintzia	Gipuzkoa
Udalerria	Donostia
Koordenatuak	43°19′N 1°59′W
Historia eta erabilera
Irekiera	1662
Arkitektura

Santa Teresa komentua Donostiako Parte Zaharrean dago. Eraikinak garai desberdinetakoak dira: komentua 1662an hasi zen eraikitzen, eliza 1686an; patioa eta klaustroa XVIII. mendekoak dira. Bere kokapen estrategikoaren ondorioz, Urgull mendiaren magalean, sarritan erantsia eta berreraikia izan da. 1813ko sutean, komentuaren zati bat eta Santa Ana baseliza suntsitu ziren. 1990an bertako mojak, karmeldar oinutsak, goi partean eta elizan bizi dira; gainontzeko espazioak erabilera publikorako utzi dute.

Indusketak

Santa Teresa komentuan egin diren indusketei esker erromatar garaiko aztarnak (K.o. 50-200 urte bitartekoak) , Erdi Aroko nekropoliak, harresiak eta dorreak aurkitu dira. Lekuaren balio kultural, arkeologiko eta historikoa pare gabekoa da batez ere estratifikatuta Gipuzkoako historia osoa aztertu daitekeelako. Nekropolia, bestetik, Donostiaren sorreraren berarena da, X. mendekoa, eta XVI. mende arte erabilia izan zen. Aurkitutako harresiak XIV. mendekoak dira gutxi gorabehera. Harresiari erantsirik, «sagramenteroen» (zaintzaile) edo kontzejuko dorrearen hondakinak aurkitu dira; bertan omen zuen egoitza kontzejuaren bilerak. Bertako aretoren batean egon behar zen Santa Anaren Otoiztegia, Santa Teresa komentuaren lehen biltokia.

Bibliografia

UNSAIN, Jose Mª. (2008). San Sebastián, ciudad marítima. Donostia: Untzi Museoa ISBN ISBN 978-84-930344-8-1..

Kanpo estekak

• Egin diren indusketeei eta komentuarentzat planteatzen den proiektuari buruzko informazioa.

• Datuak: Q25479162