Satélite asteroidal

Un satélite asteroidal é un asteroide que xira arredor doutro asteroide. Os asteroides con satélites grandes adoitan chamarse asteroides binarios.

O termo asteroide dobre emprégase en ocasións para os sistemas nos que o asteroide e o seu satélite son aproximadamente do mesmo tamaño. Un exemplo dun asteroide dobre é 90 Antiope, onde dous compoñentes iguais en tamaño xiran arredor dun centro de gravidade común.

Formación

A orixe dos satélites asteroidales non se coñece con seguridade e existen varias posibilidades. Unha teoría amplamente aceptada é que estes satélites se formaron a partir dos restos expulsados do asteroide primario tras dun impacto. Poden formarse outros emparellamentos cando un asteroide pequeno é capturado pola gravidade dun maior.

Descubrimento

O primeiro satélite asteroidal identificado foi Dactyl, que xira arredor de Ida. Descubriuno a sonda Galileo en 1993. O segundo descubriuse arredor de Eugenia en 1998. Descubríronse uns 37 satélites asteroidales con telescopios dende a Tierra.

Descubríronse satélites asteroidais orbitandeo o cinto de asteroides, os asteroides troianos, os asteroides Apolo e o Cinto de Kuiper. En 2005 descubríronse dous satélites xirando arredor do asteroide Silvia, o que o converte no primeiro asteroide triplo coñecido.

Asteroides con satélites

Na seguinte listaxe aparecen algúns dos asteroides máis destacados que posúen satélites. Ata xuño de 2015 identificáranse 258 asteroides neste grupo.^[1]

Nome	Tipo orbital	Diámetro (km)	Nome do satélite	Diámetro do satélite (km)	Distancia entre a parella (km)
(22) Caliope	cinto principal	181	(22) 1 Linus	38	1.063
(45) Eugenia	cinto principal	215	(45) 1 Petit Prince	13	1.190
(87) Silvia	cinto principal	261	(87) 1 Rómulo	15	1.370
(87) Silvia	cinto principal	261	(87) 2 Remo	7	706
(90) Antíope	cinto principal	85	S/2000 (90) 1	85	170
(107) Camila	cinto principal	223	S/2001 (107) 1	9	1.000
(121) Hermiona	cinto principal	209	S/2002 (121) 1	13	795
(243) Ida	cinto principal	108	(243) 1 Dactyl	1,4	108
(283) Emma	cinto principal	148	S/2003 (283) 1	12	370
(617) Patroclo	asteroide troiano	105	S/2001 (617) 1	95	610
(762) Pulcova	cinto principal	137	S/2000 (762) 1	20	810
(1509) Esclangona	cinto principal	12	S/2003 (1509) 1	4	140
(3671) Dionysus	Asteroides Apolo	7	S/1997 (3671) 1	0,4	140
(3749) Balam	cinto principal	1,5	S/2002 (3749) 1	1,5	350
(26308) 1998 SM₁₆₅	Obxecto transneptuniano	465	S/2001 (26308) 1	180	6.000
(47171) 1999 TC₃₆	Plutino	680	S/2001 (47171) 1	290	8.000
(66391) 1999 KW₄	Asteroides Apolo	1,2	S/2001 (66391) 1	0,4	2,2

Notas

↑ Wm. Robert Johnston. "Asteroides con satélites". Johnston's Archive. Consultado o 20 de xuño de 2015.

Véxase tamén

Outros artigos

Ligazóns externas

Galería de asteroides con satélites

[Johnston2008-1] Wm. Robert Johnston. "Asteroides con satélites". Johnston's Archive. Consultado o 20 de xuño de 2015.

[1]