Savaneta

Savaneta;
	Region di Aruba
Division administrativo
Pais	Aruba
Coordinatonan	12°27′9.5000″N 69°56′58.7501″W / 12.452638889°N 69.949652806°W
Geografia
Elevacion	157 meter
Poblacion
Poblacion; (2020)	11,955 habitante; 431 hab./km²
Mapa detaya di Savaneta
	Imagennan riba Wikimedia Commons
	[Edita Wikidata] · [Manual]

E articulo aki ta uza ortografia di Papiamento. Lo aprecia si por mantene e articulo aki na estilo di Papiamento.

Savaneta ta un region y un bario chikito na Aruba. E region tin un area di masomenos 27,76 kilometer kuadrá y 11.518 residente segun e censo di 2010.^[2]

Den centro di Savaneta tin e bario di Savaneta cu un poblacion estima di masomenos 2.100 habitante. Banda di e parti residencial e bario tin un misa catolico, Misa Sagrado Curason, un scol basico y un acomodacion multifuncional (MFA) pa servicionan di gobierno. Savaneta ta sede di e cas di cuido Maristella y Piscina Olimpico Roly Bislik, e unico piscina di Aruba ekipa cu un stadion acuatico y facilidadnan di training. Den e bario tin un kazerne di e Marina Real di Reino Hulandes, na unda ta staciona un detachamento di Kuerpo di Marinier y Arumil. Den e waf di e kazerne ta staciona e Wardacosta (Kustwacht Caribisch Gebied).

Otro barionan den region di Savaneta ta: Spaans Lagoen, Pos Chikito, Sabana Basora, Jara, Seroe Alejandro, De Bruynewijk i Cura Cabai.

Historia

Te fin di siglo 18 e tabata e centro di gobernacion di e commandeurnan y tabata wordo considera como capital di Aruba. Na aña 1790, Savaneta tabata e ciudad principal parti zuid di Aruba, pero Oranjestad tabata mas accesibel pa e botonan y a bira e capital nobo di Aruba. Den region di Savaneta ta encontra e cas mas bieu existente di e isla, un cas di torto di mas di 150 aña.^[3]

Desde 1949 te fin di añanan 1960, De Veer Chain Theatres a opera un cinema na aire liber na Savaneta, situá dilanti di e marinierskazerne.