Savonlidn
Lidnanznam | |
Valdkund | Suomenma |
Eläjiden lugu (2019-08-31) | 33,272 ristitud |
Pind | 3,597,70 km² |
Pämez' | Janne Laine (2006—) |
Telefonkod | +358-(0)15 |
Aigvö | tal'vel UTC+2, kezal UTC+3 |
Savonlidn (suom.: Savonlinna [ˈsɑʋonˈlinnɑ], roč.: Nyslott) om lidn da lidnankund Suomenman suvipäivnouzmas. Se om valdkundan 34nz' lidn eläjiden lugun mödhe, mülüb Suvisavo-agjaha.
Istorii
[vajehta | vajehtada lähtetekst]Eländpunktan aluz om pandud vl 1475 kuti Ročinman Nyslott-lidnuz («uz' lidnuz») da žilo senno. Vspäi 1534 lidnuz oli Savo-provincijan keskuz. Vl 1639 žilo sai lidnan statusad. Vspäi 1743 oli Venäman imperijan Viipurin guberijan palaks.
Suomen nimituz kändihe oficialižeks ripmatomuden sandan jäl'ghe vl 1917. Lidnusen nimituz om nügüd' Olavinlinna (roč.: Olofsborg). Nened kundad oliba mülütadud Savonlidnan alištushe: Sääminki (1973), Savonrand (suom. Savonranta, 2009), Kerimäki i Punkaharju (2013).
Savonlidn šingotase pun ümbriradmižel, transportan edheotandoil, veimetomiden kaičendsistemiden tegimel (vspäi 2019), turizmal.
Geografijan andmused
[vajehta | vajehtada lähtetekst]Lidn sijadase agjan päivnouzmas, Saimaa-järven i sen laivten randal, pol'tel Mikoišpäi Jogensuhu.
Matkad Hel'sinkihesai om 284 km suvipäivlaskmha orhal, 333 km avtotel Mikoin i Lahten kal't, 400 km raudtedme Kouvolan kal't. Agjan Mikoi-keskuz om 86 km päivlaskmha-suvipäivlaskmha orhal vai 103 km avtotedme.
Tobmuz
[vajehta | vajehtada lähtetekst]Lidnankundan ühthine pind om 3 597,70 km² (2019), sidä kesken kuivma — 2 238,09 km², sokaz ma oti koumandest (1 359,61 km²).
Savonlidn jagase 35 nimitadud rajonaks-küläks, kaik 97 küläd alištudas lidnankundan tobmudele.
Eläjad
[vajehta | vajehtada lähtetekst]Vl 1980 lidnan ristitišt oli 41 053 eläjad. Kaikiš suremb lidnan eläjiden lugu oli 41 426 ristitud vl 1995.
Mamankelen mödhe (2016): suomen kel' — 96,3 %, ročin kel' — 0,1 %, toižed keled — 3,6 %.
Galerei
[vajehta | vajehtada lähtetekst]-
Lidnan ohjastusen üks' pertišpäi (2008)
-
Lidnan lüteranine päjumalanpert', vn 2006 nägu
-
UPM-kompanijan fanerantegim vl 2011
-
Olavinlinna-lidnuz (2002)
-
Lusto — Suomen mecan muzei (2007)
Homaičendad
[vajehta | vajehtada lähtetekst]
Irdkosketused
[vajehta | vajehtada lähtetekst]- Lidnan oficialine sait (savonlinna.fi). (suom.) (angl.) (roč.) (saks.) (ven.)
Savonlidn Vikiaitas |