Schü
| Der Artikl is im Dialekt Ostestareichisch gschriem worn. |
| Schü | ||||||||||||
|---|---|---|---|---|---|---|---|---|---|---|---|---|
Schü (Sander lucioperca) | ||||||||||||
| Systematik | ||||||||||||
| ||||||||||||
| Wissnschoftlicha Nama | ||||||||||||
| Sander lucioperca | ||||||||||||
| (Linnaeus, 1758) |
Da Schü oda Fogosch/Fogasch (Bairischdeutsch: Schill oder Fogosch/Fogasch, Standarddeitsch: Zander, Englisch: zander oda pike-perch) wissnschoftlicha Naum: Sander lucioperca, Syn.: Stizostedion lucioperca, Lucioperca sandra), is a Knochnfiisch aus da Famülie vo de Barsch. Ea is da greßte Barschoatige in Eiropa, dea wos im Siaßwossa lebt. Außadem is ar a wichtiga Speisefiisch. Noh vawaundt midn Schü is da Staaschü, dea wos in Osteiropa dahaam is, owar aa in Ostn vo Estarreich eineglengt.
Da Naum
[Werkeln | Am Gwëntext werkeln]De boarischn Nauman kumman ausn ungarischn, wo da Fiisch Fogas, Süllő oda Fogasüllő haaßt. Is Standarddeitsche Zander woa in Estarreich bis in de 1960a Joah unbekaunnt[1] und kummt ausn slawischn, woascheinli vom Poinischn sandacz. A poar oide Doana-Oarm in Wean haum aa Nauman, de wos aufn Schü hiweisn, wia is Schüllawossa, de Schüllockn und is Schülloch (Standarddeitsch Schillerwasser, Schillacke, Schilloch).
Wia ma n dakennd
[Werkeln | Am Gwëntext werkeln]Da Schü hod an laung auszaahdn, spindlfeamign Keapa und a laungs, spitzas Mäu. De Mäuspoitn glengt bis hinta de Gluara. Im Goschal söwa hod a via "vampiroatige" Faungzähnt nem da klaanan Zähnt. Ea hod aa zwaa Rucknflossn,wos typisch fiar an Barschoatignb is. De Waungan san nockat oda haum nuar aanzlne Schuppm. Da Buckl is grea oda grau aungfarwet, de Seitn san hölla. Jungfiisch haum 8-10 dungle Queastraafn, de wos im Oidta olladings scho recht vawoschn san, ma dakennds net wiakli guat.Im Extemfoi kaun a bis 1,2m laung und 20 kg schwaa wean, zmeist is a owa grod amoi hoib so laung.
Wor a dahaam is
[Werkeln | Am Gwëntext werkeln]Uaspringli woa da Schü in Eiropa vom Rhein bis zum Ural umme dahaam, und in Westasien im Noatwestn vo da Tiakei und rund ummadum ums Kaspische Meer. Aa im Brackwossa vo da Ostsää is a dahaam, owa net im Noadn vo Skandinavien und vo Russlaund. Außadem hod ma eam aa in vüle Teule vo Westeiropa ausgsetzt. Sei Lemsraum san gräßare, triabe Gewässa wia Seen, Teich und Fliss. Duatn lebt a daun in ana Tiafn vo 3-5m, recht noh aum Bodn.
Literatua
[Werkeln | Am Gwëntext werkeln]- Günther Sterba: Süsswasserfische der Welt. 2. Auflage. Urania, Leipzig/Jena/Berlin 1990, ISBN 3-332-00109-4.
- Jens Ploug Hansen, Göran Cederberg: Das große Buch vom Spinnfischen. Müller Rüschlikon Verlag, Cham 1999, ISBN 3-275-01311-4.
Im Netz
[Werkeln | Am Gwëntext werkeln]
Commons: Zander – Oibum mit Buidl, Videos und Audiodateien- Sander lucioperca in da Rotn Listn vo de gfäadatn Oatn vo da International Union for Conservation of Nature and Natural Resources (IUCN) 2010. Eingestellt von: J. Freyhof, 2008. Ogruafen am 22. Mai 2020
- Schü auf Fishbase.org (englisch)
Beleg
[Werkeln | Am Gwëntext werkeln]- ↑ Zander Kandidat für Fisch des Jahres 2020 Zander Kandidat für Fisch des Jahres 2020 (Memento des Originals [1] vom 17. Nóvémber 2018 im Internet Archive)
Info: Der Archivlink wurde automatisch eingesetzt und noch nicht geprüft. Bitte prüfe Original- und Archivlink gemäß Anleitung und entferne dann diesen Hinweis.