Schie

De vier Schieën
1. Delftsche Schie
2. Schiedamsche Schie
3. Delfshoavnsche Schie
4. Rotterdamsche Schie (nu grôotndêels gedempt)

De Schie is de noame die gebruukt wordt vo vier woaterloopn in d' omgevienge van Overschie, e wyk en stadsdêel van de gemêente Rotterdam in Holland. 't Bestoan van vier Schieën, noamelyk de Delfshoavnsche Schie, de Delftsche Schie, de Rotterdamsche Schie en de Schiedamsche Schie, is 't gevolg van de middelêeuwsche rivaliteit tusschn de steedn Delft, Rotterdam en Schiedam over tolrechtn.

Overschie van vôorn, lienks Rotterdam en reks Delfshoavn. Schiedam ligt reks buutn de koarte (1512)

Sinds 1893 makt de Delftsche Schie dêel uut van 't Reyn-Schiekanoal, e woaterverbiendienge tusschen de Schie en d' Oude Reyn by Leidn.

Van de Rotterdamsche Schie is't er den dag van vandoage nie vele mêer over. Achter 't bombardement van Rotterdam van 1940 is de Schie grôotndêels toegesmeetn met de restantn stêengruus.

De Schiedamsche Schie moendt teegnwoordig uut in de Nieuwe Moas.

Delftsche Schie in Overschie vanof d' ansluutienge met de Rotterdamsche Schie reks juste vo 't gebouw

Ofbeeldiengn die ier by passn ku je vien in de categorie Schie van Wikimedia Commons.