Selva d'Oza

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

L'Aragón Subordán en a selva d'Oza

A selva d'Oza ye una selva situata en a val d'Echo, en a parti occidental d'o Pireneu aragonés, trescruzata por o río Aragón Subordán. A selva ye rodiata de tucas entre os 2.300 y os cuasi 2.700 metros d'altaria, destacan a penya Forca (2.390 m.), a punta Agüerri (2.450 m.), o Castiello d'Acher (2.384 m.), y Bixaurín (2.668 m.).

Tamién son intresants en a Selva d'Oza os tres dolmens que bi ha y as restas d'una d'as calzatas romanas d'o itinerario d'Antonín, que en a Edat Meya la aproveitoron como parte d'o Camín de Sant Chaime.

Flora

Ye una selva formata prencipalment por abetz mezclatos con pinos y fabos. Atras especies vechetals son os taixos, acirons y abetullos. Antimás bi ha muitos matullos entre os que predomina o buixo; tamién bi ha una gran variedat de fongos, fruitos y flors.

Fauna

Se i pueden trobar onsos, forons, sarrios, cuerzos, chabalins, taixugos, fuinas, raposas, esquiruelos y loiras. En o cielo d'a selva tamién puede veyer-se cluixiuesos, vueitres u alicas.

En o río Aragón Subordán navegan truitas.

Referencias

• Datos: Q3054034
• Multimedia: Selva de Oza / Q3054034