Serbski institut
Serbski institut z.t. je zwonkauniwersitna slědźerska institucija, kotraž so 1992 zhromadnje wot Swobodneho stata Sakska a Kraja Braniborska załoži a so hłownje přez Załožbu za serbski lud spěchuje. Po wustawkach wobsteji jeho nadawk w přeslědźenju a hajenju serbskeje rěče, stawiznow a kultury Serbow Hornjeje a Delnjeje Łužicy w přitomnosći a zašłosći kaž tež w zběranju a archiwěrowanju za to trěbnych materialijow. Dźěło instituta wobsahuje tohorunja komparatistiske slědźenje na polu mjeńšinow w Europje. Serbski institut je po prawniskej formje zapisane towarstwo, kotrež Hauke Bartels jako direktor nawjeduje.
| čas | mjeno |
|---|---|
| Pawoł Nowotny | |
| Měrćin Kasper | |
| Helmut Faska | |
| Dietrich Šołta | |
| Hauke Bartels a Dietrich Šołta[A 1] | |
| Hauke Bartels (interimny direktor) | |
| Hauke Bartels |
Serbski institut ma sydło na Dwórnišćowej w Budyšinje a wudźeržuje delnjołužisku wotnožku na Bebelowej w Choćebuzu. Wón je wudawaćel sorabistiskeho a kulturnowědomostneho časopisa Lětopis a rjadu monografijow Spisy Serbskeho instituta, kotrejž w Ludowym nakładnistwje Domowina wuchadźataj. Přirjadowanej stej institutej Serbska centralna biblioteka a Serbski kulturny archiw. Institucija so prawidłownje wot wědomostneje, mjezynarodnje wobsadźeneje, přirady a druhich ekspertow ewaluěruje.
Stawizny
[wobdźěłać | žórłowy tekst wobdźěłać]W slědźerskim wusměrjenju nawjaza Serbski institut na tradiciju Instituta za serbski ludospyt. Tutón so 1. meje 1951 pod wjednistwom Pawoła Nowotneho w Budyšinje załoži a bě wot 1. awgusta 1952 Němskej akademiji wědomosćow w Berlinje (wot 1972 Akademija wědomosćow NDR) přirjadowany.
Wotkazaj
[wobdźěłać | žórłowy tekst wobdźěłać]Přispomnjenje
[wobdźěłać | žórłowy tekst wobdźěłać]- ↑ Direktor běše Dietrich Šołta a jednaćelski zastupjer Hauke Bartels.