Sermon a la montania

Sermon a la montania, par Carl Bloch

La Sermo a la montania es un sermon par Jesus Cristo en la Atesta Nova de la Biblia. Lo es probable la sermon la plu conoseda en la mundo cristian, e conteni la plu de la ideas de moralia cual Jesus ia presenta.

A su es un eleje de la partes la plu bon conoseda. Prima, "la bondiseda" (Mateo 5):

3 Bondiseda es los ci es povre en la spirito, car la rena de sielo es la sua.

4 Bondiseda es los ci lamenta, car los va es comfortada.

5 Bondiseda es los ci es umil, car los va erita la tera.

6 Bondiseda es los ci es fame e side per justia, car los va es sasiada.

7 Bondiseda es los ci pardona, car los va es pardonada.

8 Bondiseda es los ci es pura en sua cores, car los va vide Dio.

9 Bondiseda es los ci oteni pas, car los va es clamada la enfantes de Dio.

10 Bondiseda es los ci es perseguida per la causa de justia, car la rena de sielo es la sua.

11 Bondiseda es vos cuando personas maltrata vos e persegui vos e dise multe formas de malia contra vos per causa de me.

12 Selebra e es multe joiosa, car vosa recompensa en sielo es grande, car la profetas ante vos ia es perseguida en esta modo ance....

"Dona la otra jena":

39 Ma me dise a vos: No resista malia, ma si un person colpa tu a tua jena destra, presenta la otra jena ance a el.

40 E si un person suplica tu en la lege e prende tua jaca, dona a el tua capa ance.

41 E si un person forsa ce tu vade un milia, vade du milia con el.

42 Dona a el ci demanda de tu, e no evita el ci vole presta de tu.

43 Vos ia oia la dise: “Tu debe ama tua visina e odi tua enemi.”

44 Ma me dise a vos, ama tua enemis, bondise los ci maldise tu, fa bon a los ci odi tu, e prea per los ci usa tu con odia e persegui tu,

"La prea de la Senior (introdui)" (Mateo 6):

5 E cuando tu prea, no es como la ipocrites. Los gusta prea stante en la sinagogas e a la cantos de la ruas, per es videda par otras. Vera me dise a vos, los va ave sua recompensa.

6 Ma cuando tu prea, entra tua saleta e, cuando tu ia clui la porta, prea a tua Padre en secreta; e tua Padre ci vide tu en secreta va recompensa tu en abria.

7 Ma cuando tu prea, no usa repetas vanos como la paganes, car los pensa ce los es oiada cuando los parla multe.

8 Donce no es como los, car tua Padre sabe cual cosas tu nesesa ante cuando tu demanda los de El....

"La liles de la campo":

26 Vide la avias de la aira: los no seme e no recolie; e ancora tua Padre en sielo nuri los. Esce vos no plu bon ca los?

27 Ci de vos, par pensa, pote junta un codo de longia a vosa altia?

28 E perce vos pensa de vestas? Considera la liles de la campo, como los crese. Los no labora e no tese,

29 Ma vera me dise a tu ce no ance Solomon en tota sua gloria ia es vestida tan bela como un de los....

34 No pensa de doman; doman va pensa de se mesma. Sufisinte per cada dia es la mal de la dia.

"La faxon en tua oio" (Mateo 7):

1 No judi, afin vos no va es judida.

2 Car la judi ce vos dona es la judi per cual vos va es judida; e la mesura tu usa va es la mesura con cual vos va es mesurada.

3 Perce tu regarda la particula en la oio de tua frate, ma no considera la faxon en tua propre oio?

4 Como tu pote dise a tua frate “Permite ce me estrae la particula de tua oio” cuando tu ave un faxon en tua propre oio?

5 Ipocrita! Prima estrae la faxon de tua oio propre, e alora tu va vide sufisinte clar per estrae la particula de la oio de tua frate....

"La casa sur un roca"

24 Donce, cadun ci oia esta dises de me e reali los, me va compare el a un person saja, ci ia construi sua casa sur roca.

25 An si la pluve cade, e la deluvia veni, e la venta sofla e colpa a esta casa, la casa no va cade, car el ia es fundada sur roca.

26 E cadun ci oia esta dises de me e no reali los, me va compara a un person fol, ci construi sua casa sur arena.

27 E cuando la pluva cada, e la deluvia veni, e la venta sofla e colpa a esta casa, la casa va cade, e la cade va es grande.“

Lia esterna

• [hhttp://elefen.org/vici/relijio/la_sermon_sur_la_monte Sermo a la montania]