Serra da Estrela

Serra da Estrela
Serra da Estrela
	La Serra da Estrela el sudoriento
montara sistemo • montomasivo • Natura 2000 protected area • Loko de Komunuma Gravo
Alteco	1 993 m
Situo	Distrikto Guarda, Portugalio
Parto dela	Centra Sistemo
Elstaraĵo	Torre
Longo	100 km
Geografia situo	40° 19′ N, 7° 37′ U (mapo)40.321888888889-7.6129166666667Koordinatoj: 40° 19′ N, 7° 37′ U (mapo)
	Serra da Estrela (Portugalio)
	Situo de Serra da Estrela
	Serra da Estrela
Mineraloj	Granito
Rimarko	Plej alta montaro de la portugala ĉeftero
	v • d • r

La Serra da Estrela, en Esperanto "Montaro de la Stelo" aŭ "Stelmontaro", estas la plej okcidenta parto de la ibera montaro kaj samtempe la plej alta montaro sur la portugala teritorio en kontinenta Eŭropo. La koro de la montaro hodiaŭ formas la Naturan Parkon Serra da Estrela kaj la sola skiregiono de Portugalio.

Geografio

Serra da Estrela situas en la nordorienta parto de Portugalio, kun distanco de 200 km de Porto, 300 Km de Lisbono kaj 400 km de Madrido.

Montaro

La plej alta pinto, kun 1993 metroj super la marnivelo estas Torre, nome la dua plej alta monto en tuta Portugalio^[1] (nur Montanha do Pico, en Acoroj, superas ĝin je 358 metroj).^[2] Ĝi formas parton de pli ampleksa montararo nome Sistema Central, en ties subsistemo nomata montarsistemo Montejunto-Estrela, kiu etendas sin sudokcidente-nordoriente el la montaro Montejunto, kaj kies plej alta montopinto estas la Monto Almanzor.

Riveroj

La montaro estas riĉa el la vidpunkto de hidrologio, ĉar el la montaro elfluas nombraj akvejoj, el kiuj elstaras tri riveroj: nome la Alva, Mondego kaj la rivero Zêzere, kiu post 200 km alfluas al la Taĵo.

Klimato

Someroj estas sekaj kaj varmaj, kun plej multe de la pluvokvanto de oktobro ĝis majo.

Ekonomio

Tradiciaj ekonomiaj faktoroj en la Serra da Estrela estas mielo, Cão da Serra da Estrela estas tipe loka pasthundo kaj Queijo Serra da Estrela estas tipe loka fromaĝo.

Longe oni prilaboris la abundan ŝaflanon en la regiono, sed intertempe tiu ĉi industribranĉo perdis grandan parton de sia graveco, kvankam nuntempe ĝi denove ĝuas kreskantan atenton.

Krom agrikulturo, ankaŭ turismo grave kontribuas al la loka ekonomio.

La riveroj, nome tiuj de la Douro, Mondego kaj Taĵo, nutras la tri plej grandajn akvorezervujoj de Portugalio kaj provizas la loĝantoj de la tri plej grandaj urboj, nome Lisbono, Porto kaj Koimbro (Coimbra) per trinkakvo kaj elektro.

Turismo

La Serra da Estrela estas bone evoluinta por turismo. Ekde la 19-a jarcento ĝi estas uzata por kuraclokaj restadoj. Kelkaj el la kuraclokcentroj konstruitaj en tiu tempo daŭre funkcias hodiaŭ. Ekzistas densa reto de markitaj migraj vojoj, kiu etendiĝas sur entute ĉirkaŭ 357 kilometrojn. Ĉar la vetero en La Serra da Estrela povas ŝanĝiĝi tre rapide rekomendas aĉeti mapon antaŭ ol piedmigri.

Dum la plej multaj pintoj estas facile alireblaj por migrantoj, aliaj ne estas. La Serra da Estrela estas la sola vintra sportejo kie eĉ eblas glacigrimpado.

Krom la neĝo kiu ĉiam ĉeestas vintre, de speciala faŭno kaj flaŭro, la vizitantoj estas altiritaj de la orografio de kolosaj proporcioj (ekz. Cântaro Magro) kaj de la homa, kultura, historia kaj kuirarta riĉecoj de la regiono.

Naturparko

La Serra da Estrela estas integrita en la naturparko de la Serra da Estrela, kiu ekde sia kreado en la 16-a de julio 1976 iĝis la plej granda protektita areo en Portugalio^[3].

La ĉefaj municipoj de tiu Nacia Parko estas Seia kaj Covilha, kiu estas la plej granda urbo en tiu areo, sed vizitcentroj situas ankaŭ en Manteigas, Gouveia kaj Guarda.

Ekologio

La esplorinstalaĵo CISE (Centro de Interpretação da Serra da Estrela) situas en Seia kaj ofertas al vizitantoj konstantan virtualan multmedian ekspozicion pri la Serra da Estrela. Ĝi estas unu el la du ejoj de la naturmedia filmfestivalo Festivalo Internacional de Cinema Ambiental da Serra da Estrela (CineEco), kiu okazas ĉiujare ekde 1995,