Sidney Charles Bartholemew Gascoigne
Sidney Charles Bartholemew Gascoigne (* 11. November 1915 in Napier, Niegseeland; † 25. März 2010 in Canberra) weer en austraalsch Astronom.
1937 hett he de Master of Science an de Universität Auckland kregen un 1941 en Doktertitel vun de Universität Bristol. Van 1964 bit 1980 weer he as Professer an de Australian National University in Canberra tätig, siet 1966 is he Lidmaat vun de Australian Academy of Science.
He hett ünner annern asphärische Korrektoren för Speegelteleskope entwickelt, de deren Sichtfeld wieder maken. Se wurrn to’n Bispeel in de Irénée du Pont un Henrietta Swope Teleskopen vun dat Las Campanas-Observatorium insett.
He weer mit de Könstlerin Rosalie Gascoigne verheiraat un harr dree Kinner.
Weblenken
[ännern | Bornkood ännern]- Biographie (engelsch)
- Crompton, Bob, Interview with Professor Ben Gascoigne, Australian Academy of Science, 2000 (engelsch)