Silvana Derungs
| Dialäkt: Undermarkgreflerisch |
D Silvana Derungs (* 20. Meerz 1982; vu Surcasti) isch e Schwyzer Romanischti.
Lääbe
[ändere | Quälltäxt bearbeite]D Derungs het an dr Universiteet Friburg Romanischtik un Umwältwisseschafte studiert un anne 2009 s Lizenziat mit dr Arbet «Hey, mann, Punts goes on!» cun tge meds vegn il linguatg da giuventetgna reproducì ed imità en la gasetta «Punts»? abgschlosse.
Zum 1. April het si as wisseschaftligi Assischtänti bim Dicziunari Rumantsch Grischun aagfange, syter em 1. April 2013 schafft si deert as Redaktoori.
Vum Jänner 2014 bis zum Meerz 2016 isch si Mitgliid in dr Kulturkommission vu dr Stadt Khuur gsii.
Si isch Bresidänti vu dr «uniun per la litteratura rumantscha» gsii un het rund zee Joor lang di romaanische Literatuurdääg «Dis da litteratura» z Domat/Ems organisiert.
Für d Radiotelevisiun Svizra Rumantscha het d Anna Serarda Campell anne 2013 mit dr Derungs e Sändig gmacht über d Arbet bim Dicziunari.[1]
Weblink
[ändere | Quälltäxt bearbeite]Fuessnoote
[ändere | Quälltäxt bearbeite]- ↑ Die Sändig, wo im Joor 2017 nomol cho isch: Anna Campell: Da primblas e fifis en il DRG uf rtr.ch
