Sona Aslanova

Sona Aslanova
Doğum tarixi	4 oktyabr 1924
Doğum yeri	Bakı, Azərbaycan SSR
Vəfat tarixi	9 mart 2011 (86 yaşında)
Vəfat yeri	Los-Anceles, Kaliforniya, ABŞ
Vəfat səbəbi	xəstəlik
Vətəndaşlığı	SSRİ→ Azərbaycan→ ABŞ
Fəaliyyəti	opera müğənnisi, musiqi pedaqoqu, aktrisa
Təhsili	Bakı Musiqi Akademiyası
Mükafatları
IMDb	ID3383618

Sona Şahnəzər qızı Aslanova — Azərbaycanın tanınmış opera müğənnisi, aktrisa, Azərbaycan SSR əməkdar artisti (1956).

Həyatı

Azərbaycanın məşhur opera ifaçısı Sona Aslanova 1924-cü ildə oktyabrın 4-də Bakı şəhərinin Binəqədi kəndində anadan olub. Azərbaycan Dövlət Konservatoriyasında musiqi təhsili alır. 1952-ci ildə konservatoriyanı bitirdikdən sonra elə orada dərs deməyə başlayır. Azərbaycan səhnəsinə isə onu ilk dəfə Üzeyir Hcıbəyov gətirir. Sənətkar 200-dən çox mahnı ifa edir. "Görüş", "Telefonçu Qız" və başqa filmlərə çəkilir. Bir çox filmlərdə obrazların dilindən mahnıları da, məhz Sona Aslanova ifa edir. Opera səhnəsinə isə "Arşın Mal Alan" -da Gülçöhrə, "Əsli və Kərəm" — də Əsli, "Koroğlu" -da Nigar obrazını yaradır.

Bakıda Kamal adlı bəylə evli olan Sona xanım 1994-cu ildə ABŞ-yə oğlunun yanına köçür. 2008-ci ildə iflic olduqdan sonra isə səsini itirir. 2011-ci ildə 87 yaşlı Sona Aslanova Los-Ancelesda vəfat edir. ABŞ-də dəfn xərcləri çox baha olduğundan cənazəsinin yandırılmasını vəsiyyət edir. Ölümündən sonra isə cənazəsi vəsiyyətinə uyğun olaraq yandırılır.

Üzeyir Hacıbəyov onu "səsi ürəkləri fəth edən qadın" deyə tanıdıb.

Mükafatları

• "Azərbaycan SSR əməkdar artisti" fəxri adı — 6 noyabr 1956
• "Şərəf nişanı" ordeni — 9 iyun 1959

Filmoqrafiya

• Anlamaq istəyirəm (film, 1980) (ikiseriyalı bədii film)-rol: Çinarənin anası
• Arşın mal alan (film, 1965)
• Bir az da Bahar bayramı (film, 1979)
• Bizim Cəbiş müəllim (film, 1969)
• Bizim küçə (film, 1961)
• Doğma xalqıma (film, 1954)
• Əmək və qızılgül (film, 1962)
• Görüş (film, 1955)
• Gün keçdi (film, 1971)
• İstintaq (film, 1979)
• Qəmbər Hüseynli (film, 2007)
• O qızı tapın (film, 1970)
• Ömrün səhifələri (film, 1974)
• Telefonçu qız (film, 1962)
• Üzeyir ömrü (film, 1981)

Mənbə

• Sona Aslanovanın meyiti yandırılır Arxivləşdirilib 2011-03-14 at the Wayback Machine

Həmçinin bax

• Murad Rəhimov