Sophie Scholl
| Sophie Scholl | |
|---|---|
-_(Remini_enhanced).jpg?lang=ie) | |
| Land |  Germania
|
| Nascentie | 9-im de may 1921 in Forchenberg |
| Morte | 22-im de februar 1943 in München |
| Ocupation | studente, activiste contra li nationalsocialisme |
Sophia Magdalena „Sophie“ Scholl esset un german studente e activiste in li resistentie contra li nationalsocialisme in Germania. Ella nascet ye li 9-im de may 1921 in Forchenberg e esset executet ye li 22-im de februar 1943 in München. Sophie Scholl esset membre e activiste del gruppe Blanc Rose (german: Weiße Rose) del resistentie contra li nationalsocialisme.
In li comense Sophie Scholl e su seniori fratre Hans Scholl (1918-1943) suportat li nationalsocialisme e esset membre in li organisationes nationalsocialist por yunes.
Pos li scola Sophie Scholl laborat in un infant-jardin. In li annu 1941 Sophie Scholl changeat su opinion pri li nationalsocialisme. Sophie Scholl esset tre religiosi. In li annu 1942 Sophie Scholl comensat studiar biologie e filosofie in München.
Sophie Scholl esset spondet con Fritz Hartnagel. In li estive 1942 ella devet laborar in un fabrica por li production de armes in Ulm. In München Sophie Scholl adheret al gruppe del studentes de su fratre Hans Scholl contra li nationalsocialisme. Li gruppe portat li nómine Blanc Rose. Desde li januar 1943 li Blanc Rose printat e distribuet brochuras contra li nationalsocialisme.
Ye li 18-im de februar 1943 Sophie Scholl e su fratre Hans Scholl esset arestat durant in action por li distribution de pamfletes contra li nationalsocialisme in li universitá de München.
Li Gestapo, quel esset li policie secret del Nationalsocialisme, interrogat la inter li 18-im de li 20-im de februar 1943. Sophie Scholl provat durant li interrogation protecter amicos per declarar que solmen ella e su fratre Hans Scholl esset responsabil por li pamfletes.
Li notori tribunale nationalsocialist Volksgerichtshof con li judico Roland Freissler condamnat Sophie Scholl e su fratre Hans Scholl ye li 22-im de februar 1943 al morte. Sophie Scholl, Hans Scholl e su college Christoph Probst esset executet ye li sam die per li guillontine.
Hodie in Germania pluri scolas porta li nómine de Sophie Scholl por honorar la quam combattor corageosi contra li dictatura del Nationalsocialisme.
Li person Sophie Scholl e su destine esset pluri vezes adaptat in filmes.