Sorocaba

Sorocaba

Sudala quarteri di Sorocaba.

Standardo	Blazono
Lando:	Brazilia
stato:	Sao Paulo
Informo:
Latitudo:	23° 30' S
Longitudo:	47° 27' W
Altitudo:	591 m
Surfaco:	450,38 km²
Habitanti:	671 186 (2018)
Denseso di habitantaro:	1490,3 hab./km²
Disto de Sao Paulo:	87 km
Horala zono:	UTC-3
Urbestro:	Rodrigo Manga
Mapo:

Oficala retosituo:
www.sorocaba.sp.gov.br

Sorocaba esas urbo en Braziliana stato Sao Paulo. Segun statistiki dil yaro 2018, ol havis 671 186 habitanti. Lua tota surfaco esas 450,38 km². Nun, ol esas la maxim populoza urbo de la sudo di Sao Paulo e la 5ma maxim populoza urbo dil stato, e kune altra 25 vicina urbi ol formacas metropolala regiono.

Sorocaba esas importanta industriala e komercala centro, kun plu kam 1.700 industrii e plu kam 13 mil komercala loki (magazini, butiki, supermerkati, ec). Dum recenta yari ol recevis importanta riurbanizuro-projeti, exemple la kreado di 150 km di biciklo-voyi.

Historio

L'urbo jacas an la rivi dil rivero Sorocaba, apud l'anciena "choseo Peabiru", qua ligis la litoro di Atlantiko a Pacifiko, e kreesis ed uzesis da aborijeni. En 2006, dum exkavadi por konstruktar nova kloakajo-sistemo, trovesis restaji di ceramikaji qui montras l'anciena kontakto inter indijeni de diferanta regioni. Nun, ta "choseo" ne existas, ma ol uzesis da Portugalana koloniigisti por explorar doplanda teritorii di Brazilia. Indijena tribui de etnio tupi habitis la regiono kande Portugalani arivis.

Portugalana komercisti ed exploreri trairis la regiono di Sorocaba en lia voyaji vers Minas Gerais e Mato Grosso, serchanta oro e diamanto. Sorocaba fondesis ye la 15ma di agosto 1654 e divenis urbo ye la 3ma di marto 1661.

L'unesma fabrikerii instalesis en 1852, ma la komerco di kotono restis plu profitebla por la habitanti dum kelka yari. En 1870 Austria-Hungariana Luís Mateus Maylasky, la precipua komercisto di kotono di la regiono, komencis konstruktar la ferovoyo Sorocabana, qua inauguresis en 1875.