Space Cowboys

Filmdaten
Plattdüütsch Titel:	—
Originaltitel:	Space Cowboys
Düütsch Titel:	Space Cowboys
Produkschoonsland:	USA
Johr vun’t Rutkamen:	2000
Läng:	126 Minuten
Originalspraak:	Engelsch
Öllersfreegaav in Düütschland:	FSK 12
Filmkru
Speelbaas:	Clint Eastwood
Dreihbook:	Ken Kaufman, Howard Klausner
Produkschoon:	Clint Eastwood, Andrew Lazar
Musik:	Lennie Niehaus
Kamera:	Jack N. Green
Snitt:	Joel Cox
Szenenbild:	Henry Bumstead
Kledaasch:	Deborah Hopper
Dorstellers
Clint Eastwood: Col. Francis „Frank“ D. Corvin Donald Sutherland: Cpt. Jerry O’Neill Tommy Lee Jones: Col. William „Hawk“ Hawkins James Garner: Cpt./Reverend Tank Sullivan James Cromwell: Robert „Bob“ Gerson Marcia Gay Harden: Sara Holland William Devane: Eugene „Gene“ Davis Loren Dean: Ethan Glance Courtney B. Vance: Roger Hines Rade Serbedzija: General Vostov

Space Cowboys (op Platt so veel as „Weltruum Cowboys“) is en US-amerikaansche Filmkummedie ut dat Johr 2000. De Hööftrull speelt Clint Eastwood, de bi den Film ok Speelbaas weer un an de Produkschoon bedeeligt weer.

Inholt

De Film fangt 1958 an. De veer besten Piloten vun de US Air Force Frank Corvin, Hawk Hawkins, Tank Sullivan un Jerry O’Neill sünd utwählt worrn, as eerste in’n Weltruum to flegen. Se weern dat „Team Daedalus“. Man, Historie to schrieven, dorto sünd se nich mehr kamen, wieldat de NASA jem dör en Chimpansendeern dörtuuscht hebbt.

Veertig Johr later: De russ’sche Kommunikatschoonssatellit Ikon is ut sien Ümloopbahn utneiht un löpt nu Gefahr op de Eer to störten. Wieldat aver dat Stüersystem dormols op de Grundlaag vun Boplaans för de US-amerikaansche Ruumstatschoon Skylab entwickelt worrn is, warrt bi de NASA üm Help anfraagt. Man, dor kennt sik vundaag ok nümms mehr mit de olle Stüerung ut, so dat jem keen annere Wahl blifft, as sik an den dormoligen Entwickler Corvin to wennen. De is toeerst jümmer noch suer wegen dormols, verkloort sik denn aver praat to helpen, ünner de Bedingen, dat he sülvst mit sien ool Team Daedalus in’t All flüggt, üm den Staelliten to repareeren. Bob Gerson, de tostännige Projektmanager bi de NASA hett keen Wahl as dorop intogahn, solang de ollen Mackers in de Laag sünd all de Fitness-Oplagen intohollen.

In de folgenden Daag un Weken maakt sik de veer tohopen praat för den Flaag. Gries as se sünd slaht se sik dör sämtliche Tests dör, üner anwennen vun den een oder annern Trick

Na den Start vun de Misschoon stellt sik rut, dat de russ’sche Ruumfohrtbehörd eenige bedüdende Saken nich vertellt hett. Bi den Satelliten hannelt sik dat neemlich üm en Överrest ut’n Kolen Krieg, dat Atomraketen an Boord hett un vör den Fall vun’n Afwieken vun sien Ümloopbahn programmeert is, de Raketen aftoscheten. Na en Tohopenstöten vun’t Space Shuttle mit den russ’schen Flaagkörper kriegt de Astronauten dat opletzt torecht, den Satelliten op en Kurs na’n Maand to schicken. Man, dat güng blots dör Handstüern vun Hawkins, bi den kort för den Flaag en unheelbor Krebskrankheit faststellt worrn is. Op disse Oort maakt Hawkins sien Droom wohr, eenmol na’n Maand to flegen.

Utteken

De Film weer vör tohopen ölven Filmpriesen nomineert, dorünner ok för den Oscar in de Kategorie Best Tooneffekt. Wunnen hett de Film an’n End veer Priesen:

• 2000: den Hochi Film Award as Besten utlännschen Film
• 2001: den Mainichi Film Concours as Besten utlännschen Film
• 2001: den BMI Film Music Award för Lennie Niehaus
• 2001: den Kinema Junpo Award as Besten utlännschen Film

Kritik

Filmspiegel: Amüsant und tatsächlich originell ist der Einfall, Rentnerheroen zu rekrutieren und sie physischen Belastungstests auszusetzen, die realiter für sie nicht zu bestehen wären. Das ist Situationskomik, die funktioniert [...] So witzig die Grundannahme des Drehbuchs ist, so mangelt es in der Ausarbeitung doch an Straffheit, dramaturgischen Spitzen und vor allem an Spannung.

Weblenken

• Space Cowboys in de Internet Movie Database (engelsch)