Space Vampires
|
C'l artìcul chè 'l è scrit in
Miranduléś |
 Lifeforce
| ||
| Space Vampires | ||
 La May e Steve Railsback in na figùra dal film | ||
| I vampîr dal spasi 1985 | ||
|---|---|---|
| Regìa: Tobe Hooper | ||
| Scritōr: Colin Wilson Don Jakoby • Dan O'Bannon | ||
| Atōr: Steve Railsback • Mathilda May • Peter Firth Frank Finlay • Patrick Stewart • Michael Gothard Nicholas Ball • Aubrey Morris • John Hallam | ||
| Müsica: Henry Mancini | ||
| Léngua: Ingléś | ||
| Dürä dal film: 116 minüt | ||
| Nasiōṅ: Régn Unî • Stat Unî | ||
Space Vampires (I vampîr dal spasi) 'l è 'n thriller fantasientìfic dal 1985 da Tobe Hooper trat da 'l rumànś “I vampiri dello spazio” ad Colin Wilson.
'L è stâ girâ in Inghiltèra c'n un budget ad vint-sinc migliòṅ ad dòlar.
Sunt
Na spedisiòṅ ad teréstar la partìs p'r un viàś in dal spasi druànd l'astrunàṿ Churchill par rivàr su la Cuméta 'd Halley par studiàr-la. Quànd i rìvan là i gh càtan n'astrunàṿ bèla granda ch'a pâr ch'la sia stada tiràda dèntar da la cóa. Ad dènt'r i vénd'n i rèst ad bèsti ch'i sumìlian a di papastrèi gigànt e pò dal casi 'd cristàl cun dèntar tri còrp nûd ch'i pàr'n umàṅ. In séguit i mémbar d'l equipàǵ i mōran tut a part al culunèl Tom Carlsen (Steve Railsback) ch'al gh la cava a scapàr via e a turnàr su la Tèra.
Na secónda misiòṅ la partìs par védar se qualchidòṅ 'l è invéci scampâ e i còrp di tri aglièṅ, dū masć e na fémna dimóndi bèla (Mathilda May), i vìnan purtâ in un laburatòri a Lóndra p'r èsar studiâ. Chi lōr tri però i fànan védar 'd èsar dimóndi periculóś parchè i èṅ bòṅ ad far partìr di raś murtài ch'i ardùś'n i còrp dal sò vitmi in mumi diśidradàdi esénd ch'i èṅ di vampîr spasiài ch'i s càvan la fam ciuciànd via l'energìa di teréstar ch'i gh pàsan davśèṅ.