Spider-Man

Spider-Man

Spider-Man sī Bí-kok Marvel Comics chhut-phín ê bàng-gah lāi-té chi̍t-ê chhiau-eng-hiông (superhero) kak-sek. Spider-Man chiàu i Eng-bûn jī-bīn-siōng lâi-khòaⁿ sī ti-tu-lâng ê ì-sù. Ti-tu-lâng chit-ê kak-sek sī chok-ka Stan Lee kap gē-su̍t-ka Steve Ditko só͘ chhòng chhut--lâi ê, chi̍t-khai-sí chhut-hiān tī Bí-kok Báng-gah Pe̍h-gîn Sî-kî (Silver Age of Comic Books) ê ang-á-chheh Amazing Fantasy tē cha̍p-gō͘ kî (1962 nî 8 goe̍h) lāi-té. Āu-lâi, Ti-tu-lâng chit-ê kak-sek mā chhut-hiān tī tiān-iáⁿ, tiān-sī chiat-bo̍k kap tiān-tōng.