Stormberg

Stormberg
Ligging	Oos-Kaap, Suid-Afrika
Reeks	Drakensberge
Koördinate	31°26′51″S 26°43′3″O / 31.44750°S 26.71750°O
Bergtipe	Bosveldstollingskompleks en sandsteen
Rotsouderdom	Neoargeaans tot vroeg-Paleoproterosoïes
	; Stormberg

Die Stormberg is 'n bergreeks geleë in die Oos-Kaap provinsie van Suid-Afrika, dit is 'n oostelike uitbreiding van die Bamboesberg en 'n verlenging van die groter Drakensbergreeks. Hulle vorm deel van die Amatholeberge en Stormberg-gebied wat groot dorpe soos Grahamstad, Oos-Londen en Port Alfred insluit. Dorpe wat in die Stormbergreeks geleë is, sluit in Molteno, Dordrecht, Barkly-Oos, Rhodes en Steynsburg.

Geologie

Geologies vorm die berg deel van die Stormberg-groep van die Karoo-supergroep, waar die enigste ontginbare steenkoolneerslae in die Kaap gevind word.^[1] Hierdie koolvelde word ondersoek vir moontlike koolbed-metaangas-ontginning.^[2] Die rotsformasies bestaan tipies uit die Molteno-formasie, wat die onderste (oudste) formasie van die Stormberg-groep uitmaak. Die Molteno-formasie oorlê die Beaufort-groep.

Historiese bewoners

Hierdie berge – soos meeste ander berge in Suid-Afrika – was oorspronklik die tuiste van Khoisan jagter-versamelaars. Die Nguni-migrasies het die aankoms ingelui van die Xhosa-herders van die noorde af, en daarmee saam die ontworteling van die Khoisan. Die daaropvolgende aankoms van die Kaapse koloniste in die gebied het tot die reeks grensoorloë met die Xhosas gelei en daarmee die streek se inlywing by die Kaapkolonie verseker.

Die Slag van Stormberg is hier gevoer op 9 Desember 1899 tydens die Tweede Vryheidsoorlog.

Galery

Hoofpad R390 tussen Venterstad en Steynsburg
Hoofpad R56 tussen Steynsburg en Molteno
Ligging van die Slag van Stormberg, 1899.

Sien ook

Verwysings

↑ Gibson, Walcot (1908). "XV. Coal fields of Africa, India, Australia and South America". The geology of coal and coal-mining. London: E. Arnold. pp. 282, 283. Besoek op 24 Desember 2009.
↑ "Background Information and Project Motivation". Badimo Gas. Geargiveer vanaf die oorspronklike op 9 Oktober 2019. Besoek op 23 November 2009. ^{[dooie skakel]}

Hierdie artikel is ’n saadjie. Voel vry om Wikipedia te help deur dit uit te brei.

Hierdie artikel is in sy geheel of gedeeltelik vanuit die Engelse Wikipedia vertaal.

[gibson-282-1] Gibson, Walcot (1908). "XV. Coal fields of Africa, India, Australia and South America". The geology of coal and coal-mining. London: E. Arnold. pp. 282, 283. Besoek op 24 Desember 2009.

[2] "Background Information and Project Motivation". Badimo Gas. Geargiveer vanaf die oorspronklike op 9 Oktober 2019. Besoek op 23 November 2009. ^{[dooie skakel]}

[1]

[2]