Sword Art Online seriyalarının siyahısı

Sword Art Online
Anime serialının posteri. Personajlar: Asuna və Kirito.
Ölkə	Yaponiya
Seriya sayı	25
Ekranlaşdırma
Orijinal kanal	Tokyo MX
Orijinal efir	8 iyul 2012 (2012-07-08) – 23 dekabr 2012 (2012-12-23)
Mövsüm xronologiyası
← Əvvəlki — Sonrakı → Sword Art Online II

"Sword Art Online" Reki Kavahara tərəfindən yazılan və abec tərəfindən çəkilən eyniadlı fentezi ranobe seriyası əsasında çəkilmiş anime serialıdır. Anime serialı A-1 Pictures, Genco və SAO Project tərəfindən istehsal olunmuş və Tomohiko İtonun rejissorluğu ilə çəkilmişdir. Serial iki arka bölünmüşdür: Aynkrad və Pəri rəqsi. Anime serialı Sword Art Online (SAO) adlı virtual reallıq dünyasında ilişmiş Kazuto "Kirito" Kiriqaya və Asuna Yuukinin başına gələn hadisələrdən bəhs edir. Onlar oyundan azad olmaq üçün 100 mərtəbəni təmizləməli və final bossu məğlub etməlidirlər. Ölüm oyunundan 3 ay sonra Kirito Asunanın bu dəfə SAO-nun xələfi olan və insanların pəri rolunda çıxış etdikləri ALfheim Online (ALO) adlı başqa virtual reallıq oyununda ilişdiyini öyrənir. Kirito oyuna daxil olur və bacısı Suquha "Lifa" Kiriqaya ilə birlikdə Asunanı xilas etməyə çalışır.

Anime serialı 8 iyul 2012-ci ildən 23 dekabr 2012-ci ilə kimi Tokyo MX kanalında yayımlanmış və 25 seriya davam etmişdir. Daha sonra başqa 12 kanal tərəfindən yayımlanmışdır. Aniplex of Amerika animeni ingilis dilinə dublaj etmiş və 27 iyul 2013-cü ildə Adult Swim-in Toonami blokunda yayımlamağa başlamışdır. İlk DVD və BD cildi Yaponiyada 24 oktyabr 2012-ci ildə buraxılmışdır. Son cild isə 26 iyun 2013-cü ildə buraxılmışdır. 9 cildin hamısına "Sword Art Offline" (ソードアート・オフライン, Sōdo Āto Ofurain) adlı bonus seriyalar əlavə edilmişdir. Şimali Amerikada Aniplex of Amerika animenin 4 BD/DVD cildini 13 avqust 2013-cü ildə buraxmışdır. Avstralasiya regionunda Madman Entertainment animeni 4 BD/DVD cildi şəklində buraxmışdır. Böyük Britaniyada Manga Entertainment 16 dekabr 2013-cü ildə animenin 4 cildini buraxmışdır. Bunlardan əlavə, anime serialı Almaniyada Peppermint Anime, İspaniyada Selecta Vision, Fransada Wakanim, Tayvanda Muse Communication, İtaliyada Dynit tərəfindən buraxılmışdır. "Sword Art Online: Extra Edition" (ソードアート・オンライン Extra Edition, Sōdo Āto Onrain Ekisutora Edikushon) adlı xüsusi epizod 31 dekabr 2013-cü ildə bütün dünyada buraxılmışdır. İkinci mövsüm – "Sword Art Online II" 2014-cü ilin iyulunda yayımlanmağa başlamışdır.

Anime serialı üçün 5 parça mahnıdan istifadə edilmişdir: 2 açılış mahnısı və 3 bağlanış mahnısı. İlk 14 seriyanın açılış mahnısı LiSA tərəfindən ifa olunan "Crossing Field" mahnısı, bağlanış mahnısı isə Haruka Tomatsu tərəfindən ifa olunan "Yume Sekai" (ユメセカイ, azərb. Yuxu dünyası‎) mahnısı olmuşdur. 15-ci seriyadan istifadə olunan ikinci açılış mahnısı Eyr Aoy tərəfindən ifa olunan "Innocence" mahnısı olmuşdur. 15-ci seriyadan 24-cü seriyaya kimi bağlanış mahnısı kimi Luna Harunanın "Overfly" mahnısı istifadə olunmuşdur. Sonuncu seriyada "Crossing Field" bağlanış mahnısı kimi istifadə olunmuşdur. "Extra Edition"-un əsas mahnısı Eyr Aoy tərəfindən ifa olunan "Niji no Oto" (虹の音, azərb. Göy qurşağı səsi‎) mahnısıdır. Anime serialının saundtreki Yuki Kaciura tərəfindən bəstələnmişdir. "Sword Art Online: Ordinal Scale" adlı anime filmi 18 fevral 2017-ci ildə ekranlaşdırılmışdır.

Seriya siyahısı

Sword Art Online (2012)

Aynkrad arkı

№	Azərbaycanca başlıq Yaponca başlıq	Rejissor	Ssenarist	Orijinal yayım tarixi	İngilis yayım tarixi	İst.
1	"Qılınclar dünyası" "Ken no Sekai" (剣の世界)	Tomohiko İto	Yukie Suqavara & Yukito Kizava	8 iyul 2012	27 iyul 2013
Virtual reallıq oyunu konsolu "NerveGear" dünyanın ilk virtual reallıq oyunu olan Sword Art Online-nı (SAO) buraxır. Beta testində iştirak etmiş oyunçulardan biri olan Kirito oyuna daxil olur və oyunun baş verdiyi dünya olan Aynkradı ziyarət edir. Kirito tezliklə yeni oyunçu olan Kleyn ilə dostlaşır, ona bəzi sadə şeyləri və vəhşi qabanı məğlub etməyin yollarını öyrədir. Bir neçə saat sonra Kirito və Kleyn görürlər ki, oyundan çıxa bilmirlər. Oyunun yaradıcısı və Agnus kompüter korporasiyasının işçisi Akihiko Kayaba oyunçulara elan edir ki, oyundan çıxmaq funksiyasını ləğv edib və əgər real həyatdakı bədənlərindən NerveGear-ları çıxarılsa və ya oyunda can səviyyələri 0-a düşsə, öləcəklər. O, həmçinin bildirir ki, bunu öz dünyasının tanrısı olmaq üçün edir və oyundan azad olmağın yeganə yolu Aynkradın 100 mərtəbəsinin hamısını təmizləməkdir.
2	"Biter" "Bītā" (ビーター)	Yoşiyuki Fucivara	Munemasa Nakamoto	15 iyul 2012	3 avqust 2013
Cəmi bir ay sonra ölmüş oyunçuların sayı 2000-ni keçir. Kirito beta testində iştirak etmiş oyunçulardan olan Diavelin yığıncağına qatılır. Diavel bildirir ki, onun partiyası I mərtəbənin bossu olan Kobold lordu İllfenqi tapıb. Oyunçular döyüşə hazırlaşmaq üçün özlərini müttəfiq axtaranda Kirito Asuna adlı sirli bir qızla partner olur. Növbəti gün Diavel və digər oyunçular bossun otağına çatırlar və aralarında döyüş başlayır. İllfenqin canı aşağı səviyyəyə düşəndə Diavel ona son zərbəni vurmağa çalışır, amma İllfenqin gizli silahını görmür və ölümcül yaralanır. Diavel can verərkən Kiritodan nə olursa-olsun qalib gəlməsini istəyir. Kirito İllfenqi məğlub edir, amma digər oyunçular Kiritonu öz təcrübələrini və İllfenq haqqında biliklərini bölüşmədiyi üçün Diavelin ölümündə günahlandırırlar və ona "Biter" ("Beta" və "Çiter" sözlərinin birləşməsindən) ləqəbini verirlər.
3	"Qırmızı burunlu şimal maralı" "Akahana no Tonakai" (赤鼻のトナカイ)	Yuuki İtohafrer	Yukie Suqavra	22 iyul 2012	10 avqust 2013
Kirito "Ay işığı qara pişikləri" adlı gildiyaya qoşulur, lakin səviyyəsi digər gildiya üzvlərindən çox yüksək olsa da, bunu onlardan gizli saxlayır. Gildiyanın üzvlərindən Saçi Kiritoya ölməkdən qorxduğunu etiraf edir, amma Kirito onu cəsarətləndirir. Gildiyanın lideri Keyta gildiya üçün ev almağa gedəndə Kirito digər üzvlərlə 27-ci mərtəbəyə gedir və onlar orada xəzinə tapırlar. Lakin bunun tələ olduğu məlum olur və qəfildən bədheybətlərin əhatəsinə düşürlər. Kirito nə qədər çalışsa da, Saçi də daxil olmaqla gildiya üzvlərini xilas edə bilmir və yeganə sağ qalan olur. Keyta gildiyanın başına gələnləri və Kiritonun yüksək səviyyəsini öyrənəndən sonra intihar edir. Kirito daha sonra ölmüş oyunçunu diriltməyə yarayan bir əşyanı əldə etmək üçün 35-ci mərtəbəyə Satqın Nikolas adlı bossla döyüşməyə gedir. Amma əşyanın oyunçunun ölümündən sonra cəmi 10 saniyə müddətində istifadə oluna biləcəyini öyrənir və onu Kleynə verir. Növbəti gecə Kirito Saçinin ölümündən öncə qeyd etdiyi mesajı əldə edir: Saçi özünü günahlandırmamasını və güclü olmasını istəyir.
4	"Qara qılınc ustası" "Kuro no Kenshi" (黒の剣士)	Şinya Vatada	Yoşikazu Mukay	29 iyul 2012	17 avqust 2013
Silika adlı bədheybət təlimçisi partiyasındakı bir mübahisəyə görə oranı tərk etdikdən sonra meşədə gəzərkən bədheybət meymunların hücumuna məruz qalır. Silikanın ev əjdahası Pina onu qorumağa çalışarkən ölür, amma Kirito özünü çatdırıb Silikanı xilas edir. Kirito 3 gün içində Pina kimi bədheybətləri dirildə bilən bir əşyanı əldə etmək üçün Silikanı 47-ci mərtəbəyə aparmağa razı olur. O, onu cinayət törədən "narıncı oyunçular" və qətl törədən "qırmızı oyunçular" barədə xəbərdarlıq edir. Onlar nəhayət bitki bədheybətinə qarşı döyüşüb gül formasında olan əşyanı əldə etdikdən sonra "Titanın əli" adlı, əsasən narıncı oyunçulardan ibarət, Silikanın da keçmiş üzvü olduğu gildiyanın lideri olan Rozaliya ilə qarşılaşırlar. Kiritonun səviyyəsi yüksək olduğundan düşmən gildiya üzvlərinin verdiyi xəsarət miqdarı onun sağalma miqdarından az olur və asanlıqla onları məğlub edir. Silika daha sonra Kiritoya təşəkkür edir və Pinanı dirildir.
5	"Təhlükəsiz zonada qətl" "Kennay Ciken" (圏内事件)	Yasuyuki Fuse	Yukito Kizava	5 avqust 2012	24 avqust 2013
56-cı mərtəbədə Asuna bir bossu kənddə tələyə salmağı təklif edir, lakin Kirito qeyri-oyunçu personaj kəndlilərin ölümünə səbəb ola biləcəyi üçün bunu rədd edir. 59-cu mərtəbədə Asuna bütün günorta tarlada yatır və Kirito onu izləyir. Asuna oyanandan Kiritonun onu yuxuda izlədiyini anlayıb utanır və Kiritodan bunun qarşılığında restorana aparmasını istəyir. Onlar nahar edərkən qəfildən qışqırıq səsi eşidirlər və tez çölə çıxırlar. Kilsənin yanında ipdən asılmış, nizə ilə öldürülmüş Kaynz adlı oyunçu tapırlar. Asuna və Kirito qətl hadisəsini araşdırmağa başlayırlar və Yolko ilə sevgilisi Kaynzın dağılmış "Qızıl alma" gildiyasının üzvləri olduğunu öyrənirlər. Onlar silah taciri Egildən öyrənirlər ki, nizə "Qızıl alma"nın lideri Qrizeldanın əri Qrimlok tərəfindən hazırlanıb. Qrizelda isə 6 ay öncə bir bossu məğlub etdikdən sonra əldə etdiyi dəyərli üzüyü satmağa çalışarkən öldürülüb. Qrimlokun şübhəli olduğu məlum olduqdan qısa müddət sonra Yolko pəncərədə dayanarkən bıçaqla öldürülür.
6	"İllüziya qisasçısı" "Maboroshi no Fukushū-sha" (幻の復讐者)	Kazuma Sato	Yukito Kizava	12 avqust 2012	7 sentyabr 2013
Kirito qara plaş geyinmiş və teleportasiya kristalından istifadə edən Qrimloku təqib edir, amma izini itirir. Kirito Asunanın ona verdiyi sendviçi yerə salanda Kaynz və Yolkonun eyni kristalla öz ölümlərini saxtalaşdırdıqlarını anlayır. Bu zaman Qrizeldanın qəbri yaxınlığında Yolko və Kaynz Şmitt adlı oyunçunun əsl şübhəli olmaqda ittiham edirlər, amma onun günahsız olduğu məlum olur. Yolko, Kaynz və Şmitt əyləncə xətrinə oyunçu öldürən qırmızı oyunçulardan ibarət "Gülən tabut" adlı gildiya üzvləri ilə qarşılaşırlar, amma Kirito özünü çatdırıb onları xilas edir. Kirito öyrənir ki, Qrimlok üzüyü əldə etmək üçün Qrizeldanın ölməsini istəyirdi. Asuna Qrimloku tutur və Qrimlok bildirir ki, Qrizelda virtual reallığı real həyatdan daha çox sevirdi və bir gün onu tərk edəcəyindən qorxurdu. Yolko, Kaynz, Şmitt və Qrimlok gedəndən sonra Kirito və Asuna bir anlıq Qrizeldanın görüntüsünü onun qəbrinin yanında görürlər.
7	"Ürəyin temperaturu" "Kokoro no Ondo" (心の温度)	Makoto Hoşino	Yoşikazu Mukay	19 avqust 2012	14 sentyabr 2013
48-ci mərtəbədə Kirito Asunanın dostu olan dəmirçi Lizbetin yanına gedir və ondan ona yeni qılınc düzəltməsini istəyir. Lizbet hazırladığı ən güclü qılıncın Kiritonun qılıncı Elusidator tərəfindən asanlıqla parçalandığını görəndə şoka düşür və daha güclü qılınc düzəltməyə lazım olan və kristal əjdahadan əldə olunan nadir bir mineralı tapmaq üçün Kiritonu onu 55-ci mərtəbəyə aparmağa məcbur edir. Onlar 55-ci mərtəbəyə çatırlar və xeyli dərin olan əjdaha yuvasının içində mineralı tapırlar. Keçirdikləri vaxt müddətində Lizbet Kiritoya qarşı romantik hislər bəsləməyə başlayır. Kirito onu kristal əjdahadan xilas edəndə bu hiss daha da güclənir. Lizbet mineraldan istifadə edərək Kirito üçün Qara rapulzor adlı güclü qılınc düzəldir. Lizbet Kiritoya sevgisini etiraf etməyə çalışanda Asuna gəlir. Lizbetin qəlbi qırılır və qaçır, onlar arasında romantik münasibətlərin yarandığını başa düşür. Kirito onu çayın sahilində tapır və keçirdikləri vaxta görə təşəkkür edir. Lizbet isə istənilən vaxt dükkanına gələ biləcəyini bildirir.
8	"Ağ və qaranın qılınc rəqsi" "Kuro to Shiro no Kenbu" (黒と白の剣舞)	Tatsumi Fucii	Şuci İriyama	26 avqust 2012	21 sentyabr 2013
74-cü mərtəbədə Kirito yüksək keyfiyyətli ətə malik olan nadir dovşan ovlayır. Kirito əvvəlcə onu Egilə satmağa çalışır, amma aşbazlıq bacarığı yüksək olan Asuna gələndə dovşanı bişirmək qərarına gəlir. Asunanın mühafizəçisi Kuradil onun Kiritonu evinə dəvət etməsi qərarına qarşı çıxır, onun "Biter" olduğunu bildirir. Amma Asuna buna məhəl qoymur. 61-ci mərtəbədə Asuna Kiritonu evində qarşılayır və Asuna dovşanın ətini bişirir. Kirito solo oyunçu olmağa üstünlük versə də, Asuna onu onunla partner olmasına razı salır. Növbəti gün 74-cü mərtəbədə ikisi görüşür, amma Kuradil kimin Asunanı daha yaxşı qoruyacağına qərar vermək üçün ona meydan oxuyur. Kirito dueli qəbul edir və onu asanlıqla məğlub edir. Kuradil məğlubiyyəti qəbul etmir və Kiritonun hiylə işlətdiyini iddia edir. "Qan andı cəngavərləri" gildiyasının ikinci komandiri olan Asuna Kuradilə gildiyanın qərargahına qayıtmağı əmr edir. Daha sonra Kirito və Asuna zindanı təmizləyirlər və 74-cü mərtəbənin bossunu tapırlar.
9	"Göygöz demon" "Seigan no Akuma" (青眼の悪魔)	Koyçi Kikuta	Munemasa Nakamoto & Naoki Şoci	2 sentyabr 2012	28 sentyabr 2013
Kirito və Asuna cəld ximera formasında olan Parlaq gözlər adlı bossla qarşılaşmaq üçün bossun otağına tərəf qaçırlar. Yolda Kleyn və onun gildiyası "Fuurinkazan" ilə rastlaşırlar. Bu zaman "Aynkrad Azadlıq Cəbhəsi" gildiyasının üzvü olan Kobats peyda olur və Kiritodan zindanın xəritəsini tələb edir. Asuna və Kleynin etirazlarına baxmayaraq, Kirito xəritəni ona verir. Kirito, Asuna və Kleyn bossun otağına çatanda Kobatsın öldüyünü, "Aynkrad Azadlıq Cəbhəsi"nin digər üzvlərinin ağır yaralandıqlarını görürlər. Üçü Parlaq gözlər ilə döyüşməyə başlayırlar, amma anlayırlar ki, rəqibi məğlub etmək çox çətindir. Kirito öz gizli bacarığından – iki qılıncla döyüşməkdən istifadə etməyə məcbur olur. Kirito döyüşün sonunda huşunu itirir, Asuna onu qucaqlayır. Kiritonun iki qılınclı nadir bacarığı haqqında xəbər "Qan andı cəngavərləri"nin lideri Hitkliffin diqqətini cəlb edir və Kiritoya meydan oxuyur. Əgər Kirito qalib gəlsə, Asuna gildiyanı tərk edə bilər, amma uduzsa, özü gildiyaya qoşulmalıdır.
10	"Qırmızı öldürmə niyyəti" "Kurenai no Satsui" (紅の殺意)	Hideya Takahaşi	Yukito Kizava	9 sentyabr 2012	5 oktyabr 2013
75-ci mərtəbədə Asuna Kiritoya xəbərdarlıq edir ki, Hitkliff öz bacarığı sayəsində qılıncına və qalxanına maksimum güc verə bilir. Arenadakı döyüş zamanı Kirito ona hücum edir, amma Hitkliff hücumu dəf edib onu məğlub edir. 55-ci mərtəbədə Kirito Asunaya "Ay işığı qara pişikləri" gildiyasının başına gələn hadisəyə görə gildiyalara qoşulmaqdan imtina etdiyini etiraf edir. Daha sonra gildiya üzvü Qodfri Kirito və Kuradili bacarıq dəyərləndirməsi üçün kanyonla bir zindana aparır. Onlar fasilə verəndə Kirito başa düşür ki, Kuradil onları iflic etmək üçün sularına zəhər qatıb. Kuradil Qodfrini öldürdükdən sonra "Gülən tabut" gildiyasının üzvü olduğunu etiraf edir. Kuradil ona işgəncə edən zaman Asuna özünü çatdırır və Kiritoya andidot kristalı verir. Kuradil özünü Asunaya təslim olurmuş kimi davranır və ona qəfil hücum edir. Amma Kirito Asunanı müdafiə edir və Kuradili öldürür. Kirito və Asuna öpüşürlər və bir-birilərini heç vaxt tərk etməyəcəkləri barədə söz verirlər. Kirito həmin gecə Asunanın evində qalır.
11	"Səhər şehinin qızı" "Asatsuyu no Shōjo" (朝露の少女)	Pyon-Qan Ho	Yukie Suqavara	16 sentyabr 2012	12 oktyabr 2013
Kirito və Asuna onlayn şəkildə evlənirlər və 22-ci mərtəbədə aldıqları evdə bal ayını keçirmək üçün gildiyanı müvəqqəti tərk edirlər. Meşənin dərinliklərində huşunu itirmiş balaca qız tapırlar. Qızın üstündə canını göstərən göstərici olmadığından onun "kabus" olduğunu düşünürlər və onu evlərinə gətirirlər. Növbəti gün qız oyanır, adının Yui olduğunu xatırlayır və Kirito ilə Asunaya valideynləri kimi müraciət etməyə başlayır. Üçü Yuini axtaran birinin olduğunu aydınlaşdırmaq üçün 1-ci mərtəbəyə gedirlər. Onlar Saşa adlı uşaq evi sahibindən və onun qayğısında olan üç uşaqdan vergi tələb edən "Aynkrad Azadlıq Cəbhəsi" üzvləri ilə qarşılaşırlar. Asuna öz qılınc bacarığı ilə onları qorxudur və onları uzaqlaşdırır. Bu zaman Yui panikaya düşür və yenə şüursuz şəkildə şəffaflaşmamışdan öncə bir anlığına yox olub yenə görünür.
12	"Yuinin ürəyi" "Yui no Kokoro" (ユイの心)	Tamaki Nakatsu	Yukie Suqavara	23 sentyabr 2012	19 oktyabr 2013
Kilsədə yerləşən uşaq evi mərkəzində Kirito, Asuna, Yui və Saşa "Aynkrad Azadlıq Cəbhəsi"nin ikinci komandiri Yulierlə qarşılaşırlar. Yulier başa salır ki, Kibao Aynkrad Azadlıq Cəbhəsinin əsl lideri olan Tinkeri 3 gün əvvəl 1-ci mərtəbədəki zindanda tələyə düşürüb və onun yerinə keçib. Kirito, Asuna və Yui Yulierə Tinkeri xilas etməkdə kömək etməyə razı olurlar. Onlar zindanı təmizləyib Tinkeri tapanda Ölüm dəryazı adlı bossun hücumuna məruz qalırlar, lakin tamamilə məğlub olur və əzilirlər. Yui döyüşə girişir və alov topu ilə Ölüm dəryazını məhv edir. Məlum olur ki, Yui oyunda ölməz obyektdir. Kirito və Asuna kəşf edirlər ki, Yui əslində süni intellektdir, oyunçulara kömək etmək üçün nəzərdə tutulub, lakin bunun əvəzində onları müşahidə etməyə məcbur edilib. Yui etiraf edir ki, Kirito və Asuna ilə ilk dəfə ünsiyyət quranda onları valideynləri kimi hiss edib. Yui oyuna müdaxilə etdiyinə görə silinməyə məhkum edilir, lakin Kirito geymmaster konsulundan istifadə edərək onun datalarını oyun əşyasına – kristala çevirir və onu Asunaya verir.
13	"Cəhənnəm uçurumunun kənarı" "Naraku no Fuchi" (奈落の淵)	Takahiro Şikama	Yoşikazu Mukay	30 sentyabr 2012	26 oktyabr 2013
Bir gölün sahilində balıq tutan Kirito Nişida adlı balıqçıla qarşılaşır. O, yüksək balıqçılıq bacarıqlarına sahib olmasına baxmayaraq, aşağı səviyyəli bişirmək bacarığına görə tutduqlarından dadlı yemək hazırlaya bilmir. Kirito Asunanın onun tutduğu balığı bişirməsi üçün onu evinə dəvət edir. Yemək zamanı Nişida bildirir ki, göldə yaşayan nəhəng bir balığı nə qədər çalışsa da, tuta bilməyib və Kiritodan kömək istəyir. Gölün sahilində Nişida balığın qarmağı yaxalamasına şərait yaradır və Kiritoya çəkməsi üçün tilovu verir. Balığın əslində böyük bədheybət olduğu məlum olur və Asuna onu asanlıqla öldürür. Qısa müddət sonra Kirito Hitkliffdən mesaj əldə edir. Nişida ilə ayrılmazdan öncə Asuna bütün bu zaman müddətində niyə Kiritonu sevdiyini yenə xatırlayır. Kirito və Asuna gildiyanın qərargahına gəlirlər və öyrənirlər ki, gildiyanın 20 üzvü 75-ci mərtəbədə boss otağında tələyə düşüb və ölüb. Bir neçə gildiyanın oyunçuları, Kirito, Asuna, Aqil və Kleyn də daxil olmaqla, birləşib bir komanda əmələ gətirirlər. Onlar 75-ci mərtəbənin dəhşətli bossu Kəllə biçinçisi ilə döyüşməyə başlayırlar.
14	"Dünyanın sonu" "Sekai no Shūen" (世界の終焉)	Tomohiko İto	Yukito Kizava	7 oktyabr 2012	2 noyabr 2013
Kəllə biçinçisini güclə məğlub etdikdən sonra Kirito Hitkliffin əslində Akihiko Kayabanın avatarı olduğu nəticəsinə gəlir və ona qəflətən hücum edib xəsarət vermək istəyəndə ölməz obyekt olduğunu üzə çıxarır. Kirito həmçinin Hitkliffin 100-cü mərtəbənin bossu olduğunu da öyrənir. Hitkliff Kiritodan başqa hər kəsi iflic edir və ona meydan oxuyur: əgər Kirito qalib gəlsə, bütün oyunçuları oyundan azad edəcəyinə söz verir. Kirito təklifi qəbul edir və döyüş başlayır. Hitkliff həlledici zərbəni vurmağa hazırlaşanda, Asuna özünü qabağa atır və özünü qurban verir. Kirito dərin kədərə qapılır. Hitkliff Kiritonu öldürür, amma Kirito can çubuğunu "sındırır" və Hitkliffi məğlub edərək oyunu bitirir. Aynkradın üstündəki uçan bir platformada Akihiko Kirito və Asunaya başa salır ki, hər kəsin ürəyində təsəvvür etdiyi bir dünya yaratmaq istəyirdi. O, onları oyunu bitirdiklərinə görə təbrik edir və sağollaşır. Kirito və Asuna bir-birilərinə əsl adlarını deyirlər: Kazuto Kiriqaya və Asuna Yuuki. Aynkradın məhv olduğu mənzərə qarşısında bir-birilərini qucaqlayırlar. Tezliklə Kirito real həyatda xəstəxanada oyanır və çox zəif olmasına baxmayaraq Asunanı axtarmağa başlayır.

Pəri rəqsi arkı

№	Azərbaycanca başlıq Yaponca başlıq	Rejissor	Ssenarist	Orijinal yayım tarixi	İngilis yayım tarixi	İst.
15	"Qayıdış" "Kikan" (帰還)	Şiqetaka İkeda	Munemasa Nakamoto	14 oktyabr 2012	9 noyabr 2013
İki ay sonra Kazuto Kiriqaya və onun ögey bacısı Suquha Kiriqaya kendo qarşılamasında güclərini sınayırlar, lakin virtual reallıq dünyasının şəraitinə və döyüş mühitinə öyrəşən Kirito məğlub olur. Kazuto digər 300 oyunçu ilə birlikdə hələ də komadan ayılmayan Asuna Yuukini xəstəxana ziyarət edir. Kazuto Asunanın atası, RECT Progress kompüter şirkətinin CEO-su Şozo Yuuki və onun partneri Nobuyuki Suqo ilə tanış olur. Nobuyuki Asuna komada olmasına baxmayaraq onunla evlənmək niyyətində olduğunu bildirir və Kazutonun əsəbləşməsinə səbəb olur. Axşam evdə Kazuto Suquhadan öncə yuxuya gedir. Suquha anası Midori Kiriqayanın ona Kazutonun əslində onun xalası oğlu olduğunu deməsini və bundan sonra ona hislər bəsləməyə başladığını xatırlayır. Səhər Kazuto Endrü Qilbert Millsdən (Egil) başqa bir oyunda "Asuna"ya bənzəyən avatarın təsvir olunduğu skrinşot barədə e-məktub alır.
16	"Pərilər ölkəsi" "Yōsei-tachi no Kuni" (妖精たちの国)	Yasuyuki Fuse	Yukie Suqavara	21 oktyabr 2012	16 noyabr 2013
Kazuto Endrü ilə görüşür və Endrü ona bildirir ki, skrinşot oyunçuların pəri olduğu və uça bildiyi ALfheim Online (ALO) adlı virtual reallıq oyunundandır və avatarın şəkli Dünya ağacının başında çəkilib. Oyunun RECT Progress tərəfindən istehsal olunduğunu öyrənən Kazuto Asunanın SAO-dan çıxarkən ALO-da ilişdiyi nəticəsinə gəlir. Kazuto vaxt itirmədən "Kirito" adı ilə ALO-ya daxil olur və spriqqan irqindən olan avatarla oynamağa başlayır. Kirito kəşf edir ki, hələ də bacarıq səviyyələri və Yuinin datasının saxlanıldığı oyun əşyaları da daxil olmaqla SAO-nun oyun datalarını itirməyib. O, bu datadan istifadə edərək Yuini yolgöstərən pəri kimi ALO-da dirildir. Yui ALO-nun SAO-nun serverlərindən istifadə edilərək istehsal olunduğunu və buna görə də SAO datalarının itmədiyini bildirir. Yui Kiritoya idarəedici vasitəsilə uçmağı öyrənməkdə kömək etdikdən sonra Kirito kapitan Kaqamunenin başçılıq etdiyi üç salamandr irqindən oyunçunun hücumuna məruz qalan Lifa adlı silf irqindən oyunçunu xilas edir.
17	"Əsir kraliça" "Toraware no Joō" (囚われの女王)	Yoşiyuki Fucivara	Yovikazu Mukay	28 oktyabr 2012	23 noyabr 2013
Lifa Kiritoya onu xilas etdiyinə görə təşəkkür edir və ona idarəedici olmadan uçmağı öyrədir. Onlar Silveynə səyahət edirlər və orada Lifanın partiya üzvlərindən olan Rekonla qarşılaşırlar. Kirito və Lifa mehmanxanaya daxil olurlar və Dünya ağacına getmək barədə söhbət edirlər. Kiritonun Dünya ağacına çatmaq barədə əzmkarlığını görən Lifa ona kömək etmək qərarına gəlir və növbəti gün onunla mehmanxanada görüş təyin edir. Lifa oyundan çıxıb real dünyaya qayıdanda onun Suquha olduğu məlum olur. Bu zaman Asuna Dünya ağacının başında nəhəng qəfəsdə oyunun geymmasteri Pərilər kralı Oberon tərəfindən əsir saxlanılmış şəraitdə görünür. Oberonun real həyatda Nobuyuki olduğu məlum olur. Asuna onun komada olan 300 SAO oyunçusunun zehni idarə etməyə çalışdığını öyrənəndə şoka düşür. Oberon gedəndə Asuna Kiritonun onu xilas edəcəyinə ümid edir.
18	"Dünya ağacına" "Sekaiju e" (世界樹へ)	Takayoşi Morimiya	Yukito Kizava	4 noyabr 2012	30 noyabr 2013
Real həyatda Suquha necə virtual reallıq oyunlarına başladığını xatırlayır və sinif yoldaşı, Rekonun əsl şəxsiyyəti olan Şiniçi Naqata ilə qarşılaşır. Suquha onu məlumatlandırır ki, Kiritoya qoşulmaqdan ötrü partiyasını tərk edəcək. Daha sonra Lifa kimi oyuna giriş edir və Kiritonu Alfheymin mərkəzində yerləşən Dünya ağacına aparmağa başlayır. Lakin onlar yola düşməzdən öncə Lifanın partiyasının üzvü olan Ziqfrid onun digər üzvlərə xəyanət etdiyini düşünür. Ziqfridin Kiritoya olan münasibətindən narahat olan Lifa ona bildirir ki, Kirito onun yeni partneridir. Bu zaman Asuna Oberondan Kiritonun hələ sağ olduğunu öyrənir və Oberon qəfəsi tərk edəndə istifadə etdiyi açar koda göz qoyur. Daha sonra səyahətləri zamanı Lifa və Kirito enmə nöqtəsinə çatırlar və özlərinə gəlmək üçün oyundan çıxırlar.
19	"Ruqer dəhlizi" "Rugurū Kairō" (ルグルー回廊)	Pyon-Qan Ho	Şuci İriyama	11 noyabr 2012	4 yanvar 2014
Dünya ağacına çatmaq üçün Kirito və Lifa əvvəlcə Ruqer dəhlizindəki böyük mağaranı keçməlidirlər. Lifa Rekondan nataman mesaj əldə edir: Rekon ondan diqqətli olmasını istəyir. Kirito və Lifa izlənildiklərini anlayanda körpüdə sehirbaz heyətinə malik olan böyük salamandr qrupu tərəfindən küncə sıxışdırıldıqlarını görürlər. Kirito əvvəlcə təkbaşına onlara hücum edir, amma onları dəf edə bilmir. Yui Lifaya Kirito üzərində qoruyucu sehr tətbiq etməsini söyləyir, bu zaman Kirito öz illüziya sehrindən istifadə edərək Parlaq gözlərin görünüşünə sahib olur. Kirito yeni forması ilə düşmənləri məhv edir, lakin ehtiyatda olan düşmən oyunçulardan biri ilə oyun əşyası qarşılığında məlumat üçün razılaşır. Kirito ondan öyrənir ki, Kaqamune onlara Kirito və Lifaya hücum etmək barədə əmr verib. Real həyatda Suquha Rekondan öyrənir ki, Ziqfrid əslində salamandrlar üçün casusluq edir. salamandrlar isə silflərə və pişik siflərinə hücum etməyi planlaşdırırlar. Oyuna qayıdan Lifa Kiritonu bu barədə məlumatlandırır və ikisi Kəpənək dərəsinə çatmağa tələsirlər.
20	"Parlaq alov generalı" "Mōen no Shō" (猛炎の将)	Makoto Hoşino & Takahiro Şikama	Naoki Şoci	18 noyabr 2012	11 yanvar 2014
Kirito və Lifa baş verəcək hücumun qarşısını alırlar. Kirito salamandrların generalı Yucinin qabağına gəlir və ona bildiklərini danışır. Kirito özünün spriqqanlar və undilər arasındakı müttəfiqliyin elçisi olduğu barədə blöf edir və Yucini 4 irqə qarşı baş verə biləcək potensial müharibə elanı haqqında xəbərdarlıq edir. Buna inanmayan Yucin Kiritoya meydan oxuyur. Kirito Lifadan borc aldığı qılınc sayəsində iki qılıncdan istifadə etmək bacarağı ilə onu məğlub edir və salamandrlar çəkilirlər. Silflərin lideri Sakuya Ziqfridə mesaj göndərir və irqinə xəyanət etdiyi üçün qovulduğu bildirir. Silflər və pişik sifləri müttəfiqlik qurub bir neçə gün içində Dünya ağacına basqın edəcəkləri barədə razılığa gəlirlər. Kirito pişik siflərinin lideri Alisiya Rueyə müttəfiqlik üçün külli miqdarda pul verir və Lifa ilə Dünya ağacı səyahətinə davam edir. Bu zaman Asuna saxlanıldığı qəfəsdən çıxıb Dünya ağacından qaçmaq üçün yol axtarır.
21	"Alfheym haqqında həqiqət" "Aruvuheimu no Shinjitsu" (アルヴヘイムの真実)	Pyon-Qan Ho	Munemasa Nakamoto	25 noyabr 2012	18 yanvar 2014
Kirito və Lifa Alfheymin paytaxtı Mərkəzi Aruna çatırlar və Dünya ağacının düz altına gəlirlər. Lakin verver yenilənməsi ilə bağlı xəbərdarlığa görə ikisi yaxınlıqdakı bir mehmanxanaya daxil olurlar və oyundan çıxırlar. Növbəti gün Suquha Kirito ilə birlikdə Asunanı xəstəxanada ziyarət etməyə gedir. Yolda Kirito ona deyir ki, o, SAO-da ilişdiklərinə görə təhsillərində geriləyən keçmiş SAO oyunçuları üçün nəzərdə tutulmuş xüsusi məktəbə yerləşdiriləcək. Bu zaman Asuna Dünya ağacının içindəki gizli laboratoriyaya daxil olur və ALO-da ilişmiş, hazırda komada olan 300 SAO oyunçusunun beyinləri üzərində təcrübələr aparıldığını kəşf edir. O, otağın içindəki geymmaster konsolu ilə oyundan çıxmağa çalışır, amma Oberonun iki köməkçisi onu tutur. Lakin Asuna qəfəsinə aparılmazdan öncə açar kartı özü ilə götürə bilir. Yui Kirito və Lifanı Asunanın Dünya ağacının başında olduğu barədə məlumatlandırır.
22	"Əsas missiya" "Gurando Kuesuto" (グランド・クエスト)	Kazuhisa Ono	Yukito Kizava	2 dekabr 2012	25 yanvar 2014
Kirito Dünya ağacının başına uçur, amma xüsusi sərhədlə qorunduğunu görür. Yui ümidsiz şəkildə Asunanı çağırır, cavab olaraq göydən açar kartı düşür. Kirito geymmaster konsolu üçün işlədilə bilən bu kartı tutur. Yui bu kartın Asunadan gəldiyinə əmin olur. Kirito Lifa ilə sağollaşır və Böyük missiyanı yerinə yetirmək üçün özü mühafizəçi cəngavərlərlə dolu Dünya ağacına daxil olur. Kirito bacardığı qədər yaxşı döyüşsə də, mühafizəçi cəngavərlər sayca çox olduğu üçün onun canını məhv edirlər. Bu zaman Lifa özünü çatdırır və içində Kiritonun ruhu olan alov parçasını götürüb çıxır, onu yenidən dirildir. Lifa Kiritonu bir daha ora təkbaşına daxil olmamağa razı salmağa çalışsa da, Kirito qərarından dönmür və ilk dəfə Asunanın adını çəkir. Lifa Kiritonun əslində qardaşı, Kirito isə Lifanın əslində bacısı olduğunu anlayır. İkisi də əsl şəxsiyyətlərini öyrənəndən sonra oyundan çıxırlar. Real həyatda Kazuto Suquha ilə danışmağa çalışır, Suquha isə əslində uzun müddətdir ki, bacı-qardaş olmadıqlarını bildiyini, həm ona, həm avatarına aşiq olduğunu bildirir.
23	"Yaralar" "Kizuna" (絆)	Şiqetaka İkeda	Yoşikazu Mukay	9 dekabr 2012	1 fevral 2014
Kazuto 10 yaşında baş verənləri bir daha xatırlayır: o vaxt Suquhanın əslində bacısı olmadığını öyrənir, ailəsindən uzaqlaşır və onlayn videooyunlara yönəlir. Kazuto Suquhaya ALO-da görüşməyi xahiş edir. Qardaşını oyunda görməyi dayandırmalı olduğunu düşünən Lifa Kiritoya meydan oxuyur. Duelin sonunda ikisi də qılınclarını yerə atırlar və bir-birilərindən üzr istəyirlər. Kirito Asuna xilas edilmədiyi müddətcə Suquha haqqında nə fikirləşdiyini deyə bilməyəcini bildirəndən sonra Lifa ona kömək etməyə qərar verir və Rekon da onlara qoşulur. Kirito, Lifa və Rekon otağa daxil olmağa hazırlaşanda silflər və pişik sifləri də köməyə gəlirlər. Onların köməyi sayəsində Kirito müdafiəni yarır və Yuinin təlimatı ilə açar kartdan istifadə edərək Dünya ağacının başına çatır.
24	"Zərli qəhrəman" "Mekki no Yūsha" (鍍金の勇者)	Tomohiko İto	Yukie Suqavara	16 dekabr 2012	8 fevral 2014
Dünya ağacının başına çatan Kirito və Yui nəhayət Asuna ilə qarşılaşırlar. Lakin qəfildən güclü qravitasiya sehrinə məruz qalırlar. Nəticədə, Yui yoxa çıxır, Asuna və Kirito Oberonla qarşılaşırlar. Oberon neyrotəcrübələrinin demək olar ki, başa çatdığını bildirir və Kiritonun gözləri qarşısında Asunanı zəncirləyib ona işgəncə verir. Ümidsizliyə qapılan Kirito Akihikonun səsini eşidir və Akihiko onu ayağa qalxmağa və döyüşməyə cəsarətləndirir. Akihikonun idarəedici funksiyalarından istifadə edən Kirito Oberonun güclərini və acı hissetməmə funksiyasını ləğv edir. O, Oberona meydan oxuyur və onu əzablı şəkildə öldürür. Asunanın təhlükəsiz şəkildə əsl dünyaya çıxış etdiyindən əmin olandan sonra Kirito Akihikonun qalığı ilə rastlaşır və Akihiko ona Dünya toxumu adlı əşya verir. Kirito yenə Dünya ağacında canlanır və Kiritonun NerveGear anbarında gizlənmiş Yui yenə peyda olur. Kirito oyundan çıxır və Asunanın olduğu xəstəxanaya tələsir.
25	"Dünya toxumu" "Sekai no Shushi" (世界の種子)	Tomohiko İto	Munemasa Nakamoto	23 dekabr 2012	15 fevral 2014
Kirito xəstəxanaya çatanda Suqo ona bıçaqla hücum edir. Lakin Suqo zəif görmə qabiliyyətinə görə onu öldürə bilmir və Kazuto onu zərərləşdirir. Kazuto və Asuna xəstəxanada bir-birilərinə qovuşurlar və öpüşürlər. İkisi də SAO oyunçuları üçün nəzərdə tutulmuş məktəbə qatılırlar. Suqo kibercinayətlərə görə həbs olunur, 300 SAO oyunçusu oyundan azad olur, RECT Progress şirkəti dağılır və ALO bağlanır. SAO məhv olandan sonra Akihiko NerveGear-dan istifadə edərək intihar edir. Kazuto, Asuna və Suquha Endrünün kafesinə gedirlər və orada Ryotaro Tsuboy (Kleyn), Keyko Ayano (Silika), Rika Şinozaki (Lizbet), Yolko, Kaynz, Yulier, Tinker və Saşa Kazutonu SAO-nu bitirdiyinə görə təbrik edirlər. Məlum olur ki, Akihikonun verdiyi Dünya toxumu SAO və ALO üçün nəzərdə tutulmuş oyun sisteminin proqram paketidir. Kiritonun xahişi ilə Endrü onu internetə yükləyir və minlərlə yeni virtual reallıq oyunu ortaya çıxır. Suquha Lifa kimi Alfheymə qayıdır və o, çox yüksəkdən uçduğuna görə düşərkən Kirito onu tutur. İkisi göydə rəqs edəndən sonra Kirito Lifanı Yeni Aynkrada aparır və oyuna sıfırdan başlayıb bütün 100 mərtəbəni təmizləyəcəyinə dair and içir.

Sword Art Online: Extra Edition

"Sword Art Online: Extra Edition" 31 dekabr 2013-cü ildə bütün dünyada yayımlanmış xüsusi seriyadır. Yaponiyada iki kanalda yayımlamışdır: Tokyo MX və BS 11. Başqa regionlar üçünsə Daisuki və Crunchyroll vasitəsilə yayımlanmışdır. Xüsusi seriyanın rejissoru Tomohiko İto, ssenaristləri yaradıcı Reki Kavaharavə Munemasa Nakamotodur. Xüsusi seriya "Sword Art Online" animesində baş verən hadisələri yenidən ələ alır, serialın personajları tərəfindən nəql olunur və yeni səhnələrə malikdir.

Filmin əsas mahnısı "Niji no Oto" (虹の音) Eyr Aoy tərəfindən ifa olunmuşdur. "Crossing Field" (LiSA), "Overfly" (Luna Haruna) və "Innocence" (Eyr Aoy) mahnıları da filmin içində istifadə olunmuşdur.

Azərbaycanca başlıq Yaponca başlıq	Rejissor	Ssenarist	Orijinal yayım tarixi	İngilis yayım tarixi
"Sword Art Online: Extra Edition" "Sōdo Āto Onrain Ekisutora Edikushon" (ソードアート・オンライン Extra Edition)	Tomohiko İto	Reki Kavahara & Munemasa Nakamoto	31 dekabr 2013	23 dekabr 2014
Suquha Kiriqaya məktəbin üzgüçülük hovuzunda üzməyi öyrənmək üçün Asuna Yuuki, Keyko Ayano və Rika Şinozaki ilə görüşür. Bu zaman Kazuto Kiriqaya məktəbin məsləhətçilik ofisinə gedir və Daxili Münasibətlər və Əlaqələr Nazirliyinin virtual diviziyasının üzvü Seyciro Kikuoka ilə görüşür. O, Akiho Kayabanın arxasındakı motivləri dəqiq aydınlaşdırmaq üçün Kazuto ilə danışmaq istəyir. Kazuto Aynkradda SAO oynayarkən yaşadığı xatirələri, Silika və Lizbet ilə keçirdiyi vaxtları, Asunaya necə aşiq olduğunu yenə danışır. Bu zaman Suquha da Kirito barədə danışır. Kazuto daha sonra bacısı Lifanın köməyi ilə Oberon tərəfindən Dünya ağacında əsir tutulmuş Asunanı necə xilas etdiyini başa salır. Nəhayət Suquha üzməyi öyrənir və bu zaman Kazuto görüşü başa çatdırır. Daha sonra Kirito, Asuna, Lifa, Yui, Kleyn və Egil nəhəng balina ilə mükafat əldə etmək üçün ALO-da yerləşən Tısbağa adasına gedirlər. Onların okeanın dibinə enirlər və oradakı məbəddə Nerakk adlı oynanıla bilməyən personajla qarşılaşırlar. Nerakk onlardan məbəddəki bir mirvarini tapmağı xahiş edirlər. Onlar nəhayət mirvarini tapırlar, lakin məlum olur ki, mirvari əslində içində qəribə bədheybət olan Uşağın yumurtası adlı yumurtadır, Nerakk isə missiyanın bossu Dibin lordu Krakendir. Onların arasındakı döyüş başqa bir oynanıla bilməyən personaj olan Dəniz lordu Leviafan tərəfindən pozulur. Leviafan Krakeni geri çəkilməyə məcbur edir və Uşağın yumurtasını götürüb missiyanı başa çatdırır. Qrup nəhəng balinanın belində suyun səthinə çıxırlar. After kredits səhnəsində Kazutonun evinə Seyciro Kikuoka tərəfindən zəng gəlir.

Media

Yaponca buraxılış

Aniplex (Sony Music Entertainment Japan ilə birlikdə) animeni 9 BD və DVD cildi şəklində bütün Yaponiyada buraxmışdır. "Sword Art Online: Extra Edition" və bonus epizod olan "Sword Art Offline: Extra Edition" 23 aprel 2014-cü ildə BD və DVD buraxılışlarının məhdud nəşrlərinə daxil edilmişdir.

Aniplex ( Yaponiya, Region 2)

Cild		Seriyalar	DVD buraxılış tarixi	Blu-ray buraxılış tarixi
	I cild	1–2	24 oktyabr 2012	24 oktyabr 2012
	II cild	3–5	21 noyabr 2012	21 noyabr 2012
	III cild	6–8	26 dekabr 2012	26 dekabr 2012
	IV cild	9–11	23 yanvar 2013	23 yanvar 2013
	V cild	12–14	27 fevral 2013	27 fevral 2013
	VI cild	15–16	27 mart 2013	27 mart 2013
	VII cild	17–19	24 aprel 2013	24 aprel 2013
	VIII cild	20–22	22 may 2013	22 may 2013
	IX cild	23–25	26 iyun 2013	26 iyun 2013

İngiliscə buraxılış

Şimali Amerikada Aniplex of America 13 avqust 2013-cü ildə animeni 4 DVD və BD cildində buraxmağa başlamışdır. Avstralasiya regionunda Madman Entertainment 18 dekabr 2013-cü ildə ilk DVD/BD cildini, 19 mart 2014-cü ildə isə sonuncu - dördüncü cildi buraxmışdır. Böyük Britaniyada Manga Entertainment 16 dekabr 2013-cü ildə animeni buraxmağa başlamışdır. "Sword Art Online: Extra Edition" Aniplex of America tərəfindən lisenziyalaşdırılmış və 23 dekbar 2014-cü ildə Şimali Amerikada buraxılmışdır.

Aniplex of America ( Şimali Amerika, Region 1)

Cild		Seriyalar	DVD buraxılış tarixi	Blu-ray buraxılış tarixi
	I cild	1–7	13 avqust 2013	13 avqust 2013
	II cild	8–14	17 sentyabr 2013	17 sentyabr 2013
	III cild	15–19	15 oktyabr 2013	15 oktyabr 2013
	IV cild	20–25	19 noyabr 2013	19 noyabr 2013

Manga Entertainment ({{ {{{1}}}

alias = Böyük Britaniya	flag alias = Flag of the United Kingdom.svg	flag alias-1707 = Union flag 1606 (Kings Colors).svg	flag alias-1658 = Flag of the Commonwealth (1658-1660).svg	flag alias-1651 = Flag of The Commonwealth.svg	flag alias-1649 = Flag of the Commonwealth (1649-1651).svg	flag alias-1606 = Union flag 1606 (Kings Colors).svg	flag alias-HDQ = Naval Ensign of the United Kingdom.svg	flag alias-ticarət = Civil Ensign of the United Kingdom.svg	flag alias-HHQ = Air Force Ensign of the United Kingdom.svg	flag alias-diplomatik = Government Ensign of the United Kingdom.svg	flag alias-ordu = Flag of the British Army.svg	variant =	altlink =	miqyas = }}, Region 2)
Cild		Seriyalar	DVD buraxılış tarixi	Blu-ray buraxılış tarixi
	I cild	1–7	16 dekabr 2013	16 dekabr 2013
	II cild	8–14	27 yanvar 2014	27 yanvar 2014
	III cild	15–19	24 fevral 2014	24 fevral 2014
	IV cild	20–25	31 mart 2014	31 mart 2014

Madman Entertainment ( Avstralasiya, Region 4)

Cild		Seriyalar	DVD buraxılış tarixi	Blu-ray buraxılış tarixi
	I cild	1–7	18 dekabr 2013	18 dekabr 2013
	II cild	8–14	15 yanvar 2014	15 yanvar 2014
	III cild	15–19	19 fevral 2014	19 fevral 2014
	IV cild	20–25	19 mart 2014	19 mart 2014

İspanca buraxılış

Selecta Vision anime serialının seriyalarını iki hissəli şəkildə DVD və BD formatlarında İspaniyada buraxmışdır. Hər hissəyə 3 disk daxil edilmişdir. Şirkət "Extra Edition" filmini də DVD və BD formatlarında buraxmışdır.

Selecta Vision ( İspaniya, Region 2)

Cild		Seriyalar	DVD buraxılış tarixi	Blu-ray buraxılış tarixi
	I cild	1–14	5 noyabr 2014	15 sentyabr 2015
	II cild	15–25	11 fevral 2015	11 fevral 2015
	Extra Edition	–	5 avqust 2015	24 oktyabr 2016

İtalyanca buraxılış

Dynit anime serialının seriyalarını iki hissəli şəkildə DVD və BD formatlarında İtaliyada buraxmışdır. Buraxılışlara 16 səhifəlik buklet, veb-treylerlər, "Sword Art Offline" bonus seriyaları, müsahibələr və orijinal saundtrek də daxil edilmişdir.

Dynit ( İtaliya, Region 2)

Cild		Seriyalar	DVD buraxılış tarixi	Blu-ray buraxılış tarixi
	I cild	1–14	14 mart 2014	14 mart 2014
	II cild	15–25	23 iyul 2014	23 iyul 2015

Almanca buraxılış

Peppermint Anime anime serialının seriyalarını alman dilinə dublaj edilmiş halda 4 DVD və BD cildi şəklində Almaniyada buraxmışdır. Birinci cilin məhdud nəşri də istehsal olunmuşdur. Məhdud nəşrə kolleksiya daxil edilmişdir.

Peppermint Anime ( Almaniya, Region 2)

Cild		Seriyalar	DVD buraxılış tarixi	Blu-ray buraxılış tarixi
	I cild	1–7	27 sentyabr 2013 20 sentyabr 2013 (məhdud)	8 oktyabr 2013
	II cild	8–14	29 noyabr 2013	29 noyabr 2013
	III cild	15–19	31 yanvar 2014	31 yanvar 2014
	IV cild	20–25	28 mart 2014	28 mart 2014
	Extra Edition	–	1 avqust 2014	25 may 2018

Fransızca buraxılış

Wakanim animeni Fransada həm iki hissəli cildlər şəklində, həm də tam şəkildə buraxmışdır. Cildlərin qızıl buraxılışları, tam versiyanın isə həm qızıl, həm də sapfir buraxılışları istehsal olunmuşdur. Şirkət "Extra Edition" epizodunu da buraxmışdır. Buraxılışlara 50 səhifəlik artbuklar, "Sword Art Offline" bonus seriyaları, açılış və bağlanış mahnılarının karaoke versiyaları, açıqcalar, "Sword Art Online" kainatı haqqında 28 səhifəlik kitabça daxil edilmişdir.

Wakanim ( Fransa, Region 2)

Cild		Seriyalar	DVD buraxılış tarixi	Blu-ray buraxılış tarixi
	I cild	1–14	13 iyul 2013 21 dekabr 2013 (qızıl buraxılış)	13 iyul 2013 21 dekabr 2013 (qızıl buraxılış)
	II cild	15–25	24 dekabr 2013 20 may 2014 (qızıl buraxılış)	24 dekabr 2013 20 may 2014 (qızıl buraxılış)
	Tam mövsüm	1–25	7 iyul 2014 23 iyul 2015 (qızıl buraxılış) 23 iyul 2015 (sapfir buraxılış)	7 iyul 2014 23 iyul 2015 (qızıl buraxılış) 23 iyul 2015 (sapfir buraxılış)
	Extra Edition	–	24 iyun 2015	24 iyun 2015

Sword Art Offline

Sword Art Offline Yaponiyada DVD və Blu-ray cildləri ilə buraxılmış bonus seriyalardır. Bonus seriyalar 10 ədəddir və ekstra buraxılış da daxildir. Bonus seriyalar Aniplex of America tərəfindən Şimali Amerikada,, Dynit tərəfindən İtaliyada, Wakanim tərəfindən Fransada buraxılmışdır.

Sword Art Offline seriya siyahısı

Başlıq	Buraxıldığı cild
"Sword Art Offline 1"	I cild
I və II seriyadan epizodlar göstərilir. Kleyn xüsusi qonaqdır, sağlamlıq bölməsi Kirito, trivia bölməsi Yui tərəfindən təqdim olunur.
"Sword Art Offline 2"	II cild
III, IV və V seriyadan epizodlar göstərilir. Kleyn sağlamlıq bölməsində Kiritonu əvəz edir, Silika xüsusi qonaqdır.
"Sword Art Offline 3"	III cild
VI, VII və VIII seriyadan epizodlar göstərilir, Lizbet xüsusi qonaqdır.
"Sword Art Offline 4"	IV cild
IX, X və XI seriyalardan epizodlar göstərilir. Hitkliff trivia bölməsində Yuini əvəz edir.
"Sword Art Offline 5"	V cild
XII, XIII və XIV seriyadan epizodlar göstərilir. Hitkliff xüsusi qonaqdır.
"Sword Art Offline 6"	VI cild
Pəri rəqsi arkına görə verilişdə köklü dəyişiklik olur, Lifa baş aparıcı rolunda Asunanı əvəz edir və "Slot Talk" adlı yeni bölmə əlavə olunur. Xüsusi qonaq yoxdur, XV və XVI seriyalardan epizodlar göstərilir.
"Sword Art Offline 7"	VII cild
XVII, XVIII və XIX seriyalardan epizodlar göstərilir, Yui xüsusi qonaqdır, Oberon isə Yuini trivia bölməsində əvəz edir.
"Sword Art Offline 8"	VIII cild
XX, XXI və XXII seriyalardan epizodlar göstərilir.
"Sword Art Offline 9"	IX cild
XXIII, XXIV və XXV seriyalardan epizodlar göstərilir.
"Sword Art Offline: Extra Edition"	Sword Art Online: Extra Edition DVD/Blu-ray
Xüsusi seriyadan epizodlar göstərilir, Lifa və Asuna aparıcılardırlar, Kirito şərhçidir, Yui isə xüsusi qonaqdır.

Yayım

Anime serialı Yaponiyada Tokyo MX, tvk, TVS, TVA, RKB, HBC və MBS kanallarında 2012-ci ilin 7 iyulundan 22 dekabrına kimi, AT-X, Chiba TV və BS11 kanallarında isə başqa tarixlər arasında nümayiş etdirilmişdir. ABŞ-da 27 iyul 2013-cü ildə Adult Swim-in Toonami bloku tərəfindən, Avstralasiyada 7 iyun 2014-cü ildən ABC3 tərəfindən, Almaniyada Animax Germany və 7tv tərəfindən, Filippində 2015-ci ildə TV5 tərəfindən, İtaliyada 15 aprel 2013-cü ildən Popcorn TV və 2014-cü ildə Rai 4 tərəfindən, Rusiyada 30 noyabr 2015-ci ildən 2x2 tərəfindən, Fransada 1 sentyabr 2014-cü ildən J-One tərəfindən yayımlanmışdır. 5 may 2018-ci ildə Meksikada Televisa Canal 5 vasitəsilə yayımlanacağı anons edilmişdir. Bunlardan əlavə, Wakanim, Crunchyroll, Hulu və 15 mart 2015-ci ildən Netflix animeni öz platformalarında yayımlamışdır.

"Sword Art Online Extra Edition" Yaponiyada yayımlandıqdan bir neçə saat sonra bütün dünyada yayımlanmışdır. Daisuke vasitəsilə bütün dünyada yayımlanan bu iki saatlıq anime televiziya filmi ancaq fransızdilli ölkələrdə, eləcə də, Çin və Cənubi Koreyada göstərilməmişdir. Daisuke ingilis, ispan, portuqal, italyan, alman dillərində subtitrlar təklif etmişdir. İngilisdilli ölkələr, eləcə də, Meksika, Mərkəzi və Cənubi Amerika ölkələri anime televiziya filmini Crunchyroll vasitəsilə izləmək imkanına malik olmuşdur. "Extra Edition" Cənubi Koreyada Aniplus kabel televiziyası, Çində isə LeTV saytı vasitəsilə yayımlanmışdır. Fransızdilli ölkələr üçün isə bu imkanı Wakanim saytı yaratmışdır.

Xarici keçidlər

• Sword Art Online-ın rəsmi anime saytı  (yap.)
• Sword Art Online-ın rəsmi ABŞ anime saytı