Tōa-hêng gí-giân bô͘-hêng

Tōa-hêng gí-giân bô͘-hêng (Eng-gí: large language model; LLM) sī chi̍t chióng gí-giân bô͘-hêng, iû chē-chē chham-sò͘ (thong-siông 10 ek gōa ê khoân-tiōng) ê jîn-kang sîn-keng bāng-lō͘ chó͘-sêng, sú-iōng chū-kàm-tok ha̍k-si̍p ia̍h pòaⁿ-kàm-tok ha̍k-si̍p tùi tōa-liōng bô piau-kì bûn-pún chìn-hêng hùn-liān. Tōa-hêng gí-giân bô͘-hêng tī 2018 nî chó-iū chhut-hiān, jiân-āu tī kok-chióng jīm-bū tiong ū chhut-sek ê piáu-hiān. Sui-jiân chit-ê su̍t-gí bô chèng-sek ê tēng-gī, m̄-koh i thong-siông kóng--ê sī chham-sò͘ sò͘-liōng tī kúi-nā cha̍p-ek ia̍h koh-khah chē sò͘-liōng-kip ê chhim-tō͘ ha̍k-si̍p bô͘-hêng. Tōa-hêng gí-giân bô͘-hêng sī thong-iōng ê bô͘-hêng, tī kóng-hoàn ê jīm-bū tiong piáu-hiān chhut-sek, mā bōe chiam-tùi chi̍t hāng te̍k-tēng ê jīm-bū (chhin-chhiūⁿ chêng-kám hun-sek, hō-miâ si̍t-thé sek-pia̍t ia̍h sò͘-ha̍k thui-lí) lâi chìn-hêng hùn-liān. Sui-jiân tī ī-chhek bûn-kù tiong ê ē chi̍t ê tan-sû téng kán-tan jīm-bū siōng chiap-siū kòe hùn-liān, m̄-koh hoat-hiān kū-iú chiok-gia̍h hùn-liān kap chham-sò͘ sò͘-liōng ê sîn-keng gí-giân bô͘-hêng ē-tàng lia̍h-tio̍h jîn-lūi gí-giân ê tōa-pō͘-hūn gí-hoat kap ì-sù. Lēng-gōa, tōa-hêng gí-giân bô͘-hêng tián-sī liáu siong-tong chē koan-î sè-kài ê siông-sek, pēng-chhiáⁿ ē-hiáu tī hùn-liān kòe-têng kā tōa-liōng sū-si̍t kì-tiâu.