Tağı Əhmədov

Tağı Əhmədov
Şəxsi məlumatlar
Doğum tarixi	1 fevral 1949(1949-02-01)
Doğum yeri	Güney Qışlaq, Şahbuz rayonu, Naxçıvan MSSR, Azərbaycan SSR, SSRİ
Vəfat tarixi	18 oktyabr 2024(2024-10-18) (75 yaşında)
Vəfat yeri	Bakı, Azərbaycan
Dəfn yeri	Əhmədli qəbiristanlığı[d]
Partiya	Yeni Azərbaycan Partiyası
Təhsili	Azərbaycan İnşaat Mühəndisləri İnstitutu (–1987), Azərbaycan Politexnik İnstitutu (–1977)
Həyat yoldaşı	Salatın Əhmədli
Təltifləri
Vikianbarda əlaqəli mediafayllar

Tağı Məhəmməd oğlu Əhmədov (1 fevral 1949, Güney Qışlaq, Şahbuz rayonu – 18 oktyabr 2024, Bakı) — Bakı Metropoliteninin sabiq rəisi (1998–2014), Azərbaycan Dama Federasiyasının vitse-prezidenti (2008–2022), Yeni Azərbaycan Partiyası Yasamal rayon təşkilatının sədri (2015–2022).

Həyatı

Tağı Əhmədov 1 fevral 1949-cu ildə Naxçıvan Muxtar Respublikası Şahbuz rayonunun Yuxarı Remeşin (indiki Güney Qışlaq) kəndində anadan olmuşdur. 1965-ci ildə Naxçıvan Kənd Təsərrüfatı Texnikumunu, 1977-ci ildə Azərbaycan Politexnik İnstitutunu, 1987-ci ildə Azərbaycan İnşaat Mühəndisləri İnstitutunu bitirmişdir.

1965-ci ildən "Badamlı" zavodunda fəhlə, 1970–1994-cü illərdə Bakı Metropoliteninin tunel qurğuları və yol xidmətində tunel fəhləsi, böyük tunel ustası, distansiya rəisi, 1994–1998-ci illərdə tunel qurğuları xidmətinin rəisi işləmişdir.

1997-ci ildən Azərbaycan Memarlıq və İnşaat Universitetinin aspirantıdır. Texnika elmləri namizədidir.

1998–2014-cü illərdə Bakı Metropoliteninin rəisi vəzifələrində çalışmışdır. "Tunellərin zəlzələyə davamlılığı" mövzusunda tədqiqat işi aparıb.

"Fəxri Dəmiryolçu", "Bakı metropoliteni veteranı" döş nişanları, "Şöhrət ordeni" və "Azərbaycan Respublikasının əməkdar mühəndisi" fəxri adı və nişanı ilə təltif edilib. 2005-ci ildən Beynəlxalq Nəqliyyat Akademiyasının həqiqi üzvüdür. "Bakı metropolitenini dünya standartlarına çatdırılması sahəsində xidmətlərə" görə "Qızıl Buta" müstəqil milli mükafatına layiq görülüb.^{[mənbə göstərin]} 2012-ci ildə ölkənin iqtisadi inkişafında xidmətlərinə və Azərbaycan elminə verdiyi töhfələrə görə akademik Yusif Məmmədəliyev adına medalla təltif olunub.^{[mənbə göstərin]} 2022-ci ilədək Yeni Azərbaycan Partiyası Yasamal rayon təşkilatının sədri olmuşdur.

Salatın Əhmədli ilə evli idi, 2 övladı var idi.

Vəfatı

Tağı Əhmədov son illərdə yüksək qan təzyiqindən, şəkərdən və digər xəstəliklərdən əziyyət çəkib. 18 oktyabr 2024-cü ildə 75 yaşında vəfat etmişdir. Günəşli qəbiristanlığında dəfn olunub.

Əsərləri

• Gözəlliyi gözdən salma, sevgilim. Bakı: Zərdabi, 2018.
• Gülüm, gözlə sən məni. Bakı: Zərdabi, 2018.
• Bir ömrün işığı. Bakı: Zərdabi, 2018.
• Hikmətli misralar (beytlər, rubailər). Bakı: Zərdabi, 2019.

Xarici keçidlər

• Tağı Əhmədov: "İşdən çıxarılmağım düzgün qərar idi" Arxivləşdirilib 2014-02-28 at the Wayback Machine
• Tağı Əhmədov bu sözlərinə görə işdən çıxarılıb Arxivləşdirilib 2014-02-28 at the Wayback Machine