Tangenzial Sud de Bergom
|
Quest articol chì l'è scrivud in lombard, con la Noeuva Ortografia Lombarda |
| Tangenzial Sud de Bergom | |
|---|---|
| Localizazion | |
| Stat |  |
| Rejon |  Lombardia |
| Province | Provincia de Bergom |
| Dats | |
| Classifegazion | strada statal |
| Principi | Villa d'Almé (prevista: Curen) |
| Fin | Seriat |
| Jestor | ANAS |
| Percors | |
 | |
La Tangenzial Sud de Bergom l’è on'opera stradal, per la pussee part in fonzion e in part an’mò in period de studi de fatibilità, che la fà de arteria stradal a scorriment svelt a sud del cap-loeugh orobich. Ona volta finida, a l'estrem ocidental la se ligarà alla SS 470 inveci vers est la và inanz senza incros a ras fina a finì dent in de l'Assa Interurbana, l'altra arteria stradal a scorriment svelt de la cità.
L'arteria la gh’ha l’aspet d’una strada extraurbana principal a do carensge, de corsie l'oeuna, domà in del trat inzial che ‘l va de Curen e l'inest con l'Assa Interurbana fina a la sortida "Center Comercial" subit inanz de Stezzan. In del trat che ‘l resta, la se presenta 'me ona strada extraurbana secondaria a carensgia unica.
La incrosa di strade e di autostrade de interess local e nazional, compagn de l'Autostrada A4 ai casei de Dalmine e Seriat, la SS 42 a Stezzan, la SS470 a Villa d'Almé e l'Assa Interurbana, o ben la strada a scoriment svelt a servizzi di quarter meridionai de Bergom. El limit de velocità in su la tangenzial sud l’è compres in fra i 50 km/h e i 90 km/h, a segonda di trat.
Percors
[Modifega | modifica 'l sorgent]La Tangenzial Sud de Bergom l’è stada concepida per facilità i spostament in tra l'hinterland a ovest de Bergom e la Vall Brembana e i comun de l'alta pianura bergamasca e l'hinterland est. Per questa reson chì la gh’ha un' andana a U e la circonda Bergom del de sota.
A l’è el risultad de la de la fusion di diverse strade costruide e rimodernade in temp vegnud dopo. Del 27 de november 2015, a inn averte e in fonzion tucce i trate, via che la trata inizzial in fra Villa d'Almé e Curen che l’è anmò in period de studi de fatibilità (a gh'è el conligament infra i du center abitad per mez de la SS 470 dir).