Tasil

Tasil
تسيل
by
Land	Syria
Guvernement	Daraa guvernement
Distrikt	Izra-distriktet
Nahiyah	Tasil
Høgd	525 moh.
Koordinatar	32°50′7″N 35°58′17″E
Folketal	15 985  (2004)
Tidssone	EET (UTC+2)
Tasil 32.8353°N 35.9714°E / 32.8353; 35.9714
Kart som viser Tasil. Kart som viser Tasil.

Tasil (arabisk تسيل, òg skrive Tsil) er ein by sør i Syria i Izra-distriktet i Daraa guvernement. Av stader i nærleiken finn ein Nawa i nordaust, Adwan og al-Shaykh Saad i aust, Jalin og Tafas i sør, Saham al-Jawlan i sørvest og Saida og Golanhøgdene i aust. I følgje Syrisk statistisk sentralbyrå hadde Tasil eit folketal på 15 985 i 2004. Han er det administrative senteret i ein nahiyah («underdistrikt») som består av tre stader med eit samla folketal på 17 778 i 2004.

Byen ligg 525 meter over havet og er omgjeven av område med dyrkbar, men steinete mark.

Historie

Ruinar frå antikken indikerer at det stod eit tempel i Tasil tileigna ein av dei romerske keisarane Konstantin den store or Konstantius II, datert til tidleg på 300-talet fvt. Tasil kan ha vore «Tharsila ved Batanea» som er oppført av Eusebius som busett av samaritanarar, men det finst ikkje skriftlege eller arkeologiske bevis på dette. Tasil spelte ei rolle i fleire kampar mellom dei bysantinske og muslimske arabiske armeane i Hauran under den muslimske erobringa av Syria tidleg og på midten av 600-talet.

I 1596 var Tasil oppført i osmanske skattelister som ein landsby i Jawlan Sargi nahiya Hawran qada. Han hadde då eit folketal på 37 muslimske hushaldningar og 25 ungkarar. Det vart betalt skatt for kveite, bygg, sommaravlingar, geiter eller bikubar, og ei vassmølle.

Seint på 1800-talet var Tasil ein stor landsby med kring 90 hus bygde av stein eller gjørme. Folkesetnaden var kring 300, alle muslimar. Hovudvasskjelda var eit naturleg tjern, som dekte kring 50 kvardratmeter, kalla al-Birkeh, i nord. I tørre årstider måtte landsbybuarane reise til Allan-kjelda. Dei fleste arkeologiske funna i Tasil vart nytta i husa og moskeane i ladnsbyen, mange av dei gøymde bak mørtel. Det var ei lokal overtru blant innbyggjarane i Tasil om at dei som fjerna og gav reisande steinar frå bygga i landsbyen ville bli straffa av Gud, anten med døden eller alvorlege uhell.

Israelske fallskjermsoldatar landa i Tasil den 10. juni 1953 i følgje offisielle syriske kjelder på den tida. Det vart bygt ein dam nær landsbyen seint i 1970-åra.

Arkeologi

To kjende bygg frå antikken låg i Tasil, nær bustaden til sjeiken. Dei stod like ved kvarandre og vart kalla «Jama'ah» og «Medany.» Jama'ah tente som moske med eit indre areal på 17 x 13 meter og med eit tak støtta opp av fire firkanta søyler. Sjølv om moskeen verkar å vere ein islamsk konstruksjon, er det mogeleg at han vart bygd ut av ei gammal synagoge eller kyrkje. Han hadde ein gardsplass mot aust som målte 17 x 12 m og var omgjeven av basaltiske murar. I sørvestenden av moskeen stod ruinane av Medany-tårnet som hadde i høgd på 6-7 m og var støtta opp av tre søyler.

I felta vest for Tsil, låg fleire dolmen, dei fleste av dei kollapsas eller i ruinar.

Kjelder

• Denne artikkelen bygger på «Tasil» frå Wikipedia på engelsk, den 19. april 2014.
  • Wikipedia på engelsk oppgav desse kjeldene:
• Wolf-Dieter Hütteroth and Kamal Abdulfattah (1977). Historical Geography of Palestine, Transjordan and South Syria in the Late 16th Century. Erlanger Geographische Arbeiten, Sonderband 5. Erlangen, Germany: Vorstand der Fränkischen Geographischen Gesellschaft. 
• Moralee, Jason (2004). "For Salvation's Sake": Provincial Loyalty, Personal Religion, and Epigraphic Production in the Roman and Late Antique Det nære austen. Psychology Press. ISBN 0415967783. 
• O'Shea, Stephen (2007). Sea of Faith: Islam and kristendom in the Medieval Middelhavet World. Bloomsbury Publishing USA. ISBN 0802715176. 
• Schumacher, Gottlieb; Oliphant, Laurence; le Strange, Guy (1886). Across the Jordan: being an exploration and survey of part of Hauran and Jaulan. Bentley.