Teoloxía feminista

A teoloxía feminista é un movemento que se atopa dentro dalgunhas relixións incluíndo o budismo, o cristianismo, o xudaísmo ou o islam, que reconsidera as tradicións, prácticas, escritos e teoloxías desas relixións dentro dunha perspectiva do feminismo.

Algún dos obxectivos da teoloxía feminista inclúen salientar o papel da muller no contexto relixioso, reintepretar a proposta relixiosa dominante patriarcal, avogar por unha interpretación teolóxica que faga fincapé no papel da muller na relixión na perspectiva feminista de examinar a imaxe da muller en textos sacros. Algunhas das metas de sectores menos ortodoxos dalgunhas relixións desexan aumentar o papel das mulleres entre os clérigos e autoridades relixiosas (ordenación de mulleres).

Eido de estudo

A teoloxía feminista abrague unha gran variedade de movementos e correntes de pensamento diferentes nas distintas tradicións relixiosas e culturas do mundo, xurdindo sempre como unha reflexión que reconsidere as tradicións, prácticas, escrituras, e as teoloxías das relixións dende unha perspectiva feminista.

Hai que diferenciar a teoloxía feminina da teoloxía feminista. A perspectiva feminina, a diferenza da feminista, non debe situarse de forma crítica ante ninguén. A perspectiva feminista presupón un posicionamento crítico para que parte dunha experiencia de contradición entre a propia vivencia e a fe ou tradición recibida. A perspectiva feminista presupón que mulleres e homes foron creados para estabelecer entre eles relacións libres e recíprocas, sen submisión nin dominio por parte de ninguén e por tanto sitúase de maneira crítica fronte ás estruturas de opresión patriarcais.