The Beatles
 The Beatles |
|---|
| instantia de: banda[*] |
|
|
|
| data de creation: 1960 |
| sito web official: https://thebeatles.com |
| Commons: The Beatles |
The Beatles era un gruppo anglese de rock e pop, formate in Liverpool, Grande Britannia, in 1960, que se faceva un del plus succedite (commercialmente e criticamente) bandas in le historia de musica popular. In su annos como stellas international, le gruppo consisteva de John Lennon (guitarra rhythmic, vocales), Paul McCartney (guitarra basso, vocales), George Harrison (guitarra principal, vocales) e Ringo Starr (tambures, vocales). Ben que su stilo initial esseva basate in skiffle e le rock'n'roll del annos 1950, le gruppo experimentava con plure generes musical, de Tin Pan Alley a rock psychedelic. Su roba, stilo, e dictos faceva The Beatles multo influente, e su crescente perception social causava su influentia a extender se al revolutiones social e cultural del annos 1960.
Depost viver in Hamburgo inter 1960 e 1962, le gruppo retornava a Liverpool; illac, le gruppo appunctava Brian Epstein como su gerente. Epstein negotiava un contracto pro discos con George Martin de EMI; Epstein gereva The Beatles usque su morte in 1967, e Martin produceva toto excepte un de su albumes de studio. Le canto "Love Me Do" esseva lanceate in le Regno Unite in 1962. Le gruppo rapidemente attraheva ardor fervente, nominate "Beatlemania," in toures del Regno Unite e Europa in le anno posterior. "I Want to Hold Your Hand" esseva lanceate in le continente american in le fin de 1963, marcante le popularitate international del gruppo, e The Beatles vadeva in tour in le SUA e in altere nationes pro le tres annos posterior. In iste annos, cata membro esseva inducite al Ordine del Imperio Britannic.
In 1966 le gruppo esseva diluviate con controversia, specialmente antipathia universal in le SUA depost que un magazin publicava un quotation de Lennon re su puncto de vistas re le christianismo. Illes cessava facer concertos commercial depost le tour in 1966, concentrante in obras de studio e fruente de lanceamentos international, que ganiava acclamation critic al gruppo como artistas. In 1967, Epstein moriva de un doso excessive de un droga de prescription. Post su morte, le gruppo se retirava in India con Maharishi Mahesh Yogi como guru, ma illes deveniva disillusionate de ille. Multo confligite, e estraniate per un disaccordo re le appunctation de un nove consilator financiari, le gruppo disintegrava in 1970, e cata membro initiava su proprie carrieras succedite.
The Beatles ha vendite inter 600 e 1.000 milliones de discos internationalmente; illo continua esser comprate hodie. In le Regno Unite, illes creava plus que 40 differente cantos singule, albumes, e discos Extended Play que ganiava le position 1 in le hit parades, ponente plus de albumes in le position 1 (15 albumes in toto) que ulle altere gruppo in le historia del Regno Unite. Secundo le organisation mundial phonogrammic RIAA, The Beatles ha vendite plus de albumes in le Statos Unite que ulle altere artista.
Le nomine del gruppo es un joco de parolas de beetle (= scarabeo in anglese) e beat (= batter, mesura musical, beat).
Albumes
[modificar | modificar fonte]- Please Please Me (1963)
- With the Beatles (1963)
- A Hard Day's Night (1964)
- Beatles for Sale (1964)
- Help! (1965)
- Rubber Soul (1965)
- Revolver (1966)
- Sgt. Pepper's Lonely Hearts Club Band (1967)
- Magical Mystery Tour (1967)
- The Beatles (1968) ("The White Album")
- Yellow Submarine (1969)
- Abbey Road (1969)
- Let It Be (1970)
- Past Masters (1988)