Township

Township iku sawijining tembung saka basa Inggris, sing ditrapaké kanggo ngrujuk sawatara jinising padunungan ing sawatara nagara.

Senadyan township iku kerepé digayutaké marang tlatah pakuthan, akèh pangajaban marang panrapan iki. Ing Australia, Kanada, Skotlandia lan Amérikah Sarékat, istilah iki kerep ngrujuk marang padunungan cilik utawa ing ngendi para padunungé sumebar lan ora padhet kaya ing tlatah pakuthan.

Afrika Kidul

Deleng uga Township (Afrika Kidul)

Ing Afrika Kidul, nalika jaman apartheid, tembung township (utawa location), iku ing basa padinan tegesé proyèk padunungan kanggo Wong Non Putih (Wong Ireng, Wong Mawarna, lan Wong India). sing manggon cedhak utawa sajroning komunitasé Wong Putih. Soweto (SOuth-WEstern TOwnships "Township-Township Kidul Kulon") iku sawijining conto sing misuwur. Nanging tembung township uga ndarbèni teges presis ing ranah kukum lan ditrapaké ing status kadarbènan lemah, ora mung ing laladan Wong Non Putih.

Zimbabwe

Ing Zimbabwe, tembung township iku dienggo nerangaké bagéan-bagéan kutha sing diségregasi. Ing jaman koloni ing Rhodesia, tembung iki dienggo kanggo ngarani kawasan padunungan warga kulit ireng sajroning wilayah kutha, lan nganti sepréné isih dienggo. Panrapan kaya mengkéné mèmper karo ing Afrika Kidul.

Ing Zimbabwe jaman saiki, tembung iki uga kanggo ngarani laladan padunungan cedhak tlatah pangembangan padésan.