Tren blindat

Un tren blindat es un tren militar protegit per un blindatge. Lo concèpte apareguèt dins lo corrent dau sègle XIX ambé l'idèa d'utilizar de trens per accelerar lo transpòrt de tropas e melhorar l'avitalhament e la logistica. Puei, certanei trens blindats recebèron una artilhariá, de mitralhièras, de defensas antiaerianas, de tropas d'infantariá ò de veïculs de combat (carri, VCI...) susceptibles d'èsser desbarcats. Au sègle XX, lo tren blindat èra principalament destinat a tres missions qu'èran :

• lo comandament car permetiá de se desplaçar rapidament dins un teatre d'operacions, de protegir un estat-major gràcias a son blindatge e d'apondre una poissança de fuòc importanta.
• lo sostèn dirècte ai combats gràcias a son artilhariá e ai fòrças embarcadas.
• la proteccion dei camins de fèrre, especialament dins de regions pauc pobladas.

Maugrat la vulnerabilitat dei trens blindats ai sabotatges ò ais atacas aerianas e son obligacion de se desplaçar lòng d'un camin de fèrre, foguèron utilizats dins mai d'un conflicte major dau sègle XX (Guèrra Civila Russa, Segonda Guèrra Mondiala, Guèrra d'Indochina, Guèrras d'Iogoslavia... etc.). Dins lo corrent de la Guèrra Freja, lei Sovietics desvolopèron de trens blindats equipats de míssils estrategics. Au sègle XXI, certanei país utilizan totjorn de trens blindats, generalament improvisats, coma l'armada russa pendent la Segonda Guèrra de Chechenia.

Fotografias

• 
  Precursor d'un tren blindat utilizat durant la Guèrra de Secession.
• 
  Tren blindat britanic utilizat durant la Segonda Guèrra dei Boers.
• 
  Tren blindat polonés utilizat en 1939.
• 
  Tren blindat sovietic capturat en 1944 per leis Alemands.
• 
  Tren blindat eslovac de 1944 (restaurat).
• 
  Tren blindat sovietic amb un míssil estrategic RT-23 Molodets.