Trichrug
 | |
| Math | copa, bryn  |
|---|---|
| Daearyddiaeth | |
| Sir | Sir Gaerfyrddin |
| Gwlad |  Cymru |
| Uwch y môr | 415 metr |
| Cyfesurynnau | 51.88°N 3.88°W |
| Cod OS | SN6989322928 |
| Amlygrwydd | 191 metr |
 | |
Bryn yn Sir Gaerfyrddin yw Trichrug. Fe'i lleolir yn y Mynydd Du (neu 'Bannau Sir Gâr') yn ne-ddwyrain y sir rhwng pentrefi Gwynfe, i'r de-ddwyrain, a Bethlehem, i'r gogledd-orllewin, a thua 5 milltir i'r dwyrain o dref Llandeilo; cyfeiriad grid SN698229. Uchder cymharol, neu ”amlygrwydd” y copa, ydy 224metr: dyma'r uchder mae'r copa'n codi uwchlaw'r mynydd agosaf.
Yn y llun gwelir Trichrug yn y canol gyda bryniau llai Carn Powel a Charreglwyd yn is ar y chwith.
Er nad yw'n fryn uchel mae'n sefyll ar wahân i brif gadwyn y Mynydd Du ac yn cynnig golygfeydd eang o gopaon y Mynydd Du i'r de a'r dwyrain a rhan o Fannau Brycheiniog i'r gogledd-ddwyrain, ardal Cwm Gwendraeth a'r Gŵyr i'r de-orllewin, a Dyffryn Tywi i'r gorllewin a'r gogledd.
Dosberthir copaon Cymru, a gweddill gwledydd Prydain, yn rhestri arbennig yn ôl uchder ac yn ôl amlygrwydd y copa; mae'r copa hwn yn cael ei alw'n Marilyn (mynydd). Mae sawl cymdeithas yn mesur, gwiro a chasglu'r rhestri hyn a dônt ynghŷd ar wefan “Database of British and Irish hills”.[1] Uchder y copa o lefel y môr ydy 415 metr (1362 tr). Cafodd yr uchder ei fesur a'i gadarnhau ar 15 Ionawr 2003.
Gweler hefyd
[golygu | golygu cod]- Rhestri copaon a sut y cânt eu dosbarthu
- Rhestr mynyddoedd Cymru
- Rhestr o Gopaon Cymru
- Rhestr Mynyddoedd yr Alban dros 2,000'
Dolennau allanol
[golygu | golygu cod]- Clwb Mynydda Cymru
- Lleoliad ar wefan Streetmap Archifwyd 2016-03-05 yn y Peiriant Wayback
- Lleoliad ar wefan Get-a-map[dolen farw]