Turo Raapoto
| Turo Raapoto | |
|---|---|
 Raapoto i te matahiti 2014 |
|
| Taiò mahana fānauraa | 16 no māti, matahiti 1948 |
| Vāhi fānauraa | Raìātea, Hiti Raro |
| Taiò mahana poheraa | 7 no mē, matahiti 2014 |
| Vāhi poheraa | Tevaitoà, Raìātea, Hiti Raro |
| Tiàraa pātireia | Farāni |
| Fenua nohoraa | Māòhi Nui - Pōrīnetia farāni |
| Òhipa |
Taata ihi reo, Òrometua haapii i te reo māòhi, Rautī parau Atua a Ètārētia Porotetani Māòhi, Taata Poritita. |
| Fētii |
Samuel Raapoto (to na metua tāne) Jean-Marius Raapoto (to na taeaè) |
O Turo a Raapoto, ua fānauhia o ia i te 16 no māti matahiti 1948 (tauatini e iva hānere e maha àhuru mā vaù) i te fenua ra no Raìātea, i te pae Hiti Raro. Ua mate o ia i te 7 no mē matahiti 2014 (piti tauatini e àhuru mā maha), i roto i to na 66 raa o to na matahiti, i te fenua no Raìātea, i te pae Hiti Raro.
E taata faaroo, e rautī parau Atua nā te Ètārētia Porotetani Māòhi, e taata ìhi reo, e òrometua haapii i te reo māòhi, e taata pāpaì puta e, e taata pāpaì pehepehe atoà. E tamaiti nā te òrometua ra o Tāmuera a Raapoto e, e hoa rahi atoà no Henri a Hiro.
E taata tuiroo e, e taata tiàraa hanahana i Māòhi Nui nei. Pou paarii no te reo māòhi, te hiroà e, e te iho tumu māòhi, o ta na ia i haa tutu âau i roto i te roaraa o to na oraraa.
Ua patu mai o na i te tahi huru pāpaìraa i te reo māòhi, taaê noa atu i ta te Fare Vāna'a. Parauhia taua pāpaì, te pāpaìraa a Turo a Raapoto aore ra te pāpaìraa a te Ètārētia Porotetani Māòhi. Ua ravehia taua huru pāpaìraa e te Haè Tuhuka Èo Ènana/Faè Tuhuna Èo Ènata (Accadémie marquisienne), i te matahiti 2001(piti tauatini e hoê) no tē pāpaì i te èo ènana / ènata.
Te mau puta :
[fa’ahuru ’ē | modifier le wikicode]Rave rahi mau puta o ta na i fatu :
● TE REO, TE PARAU E TE PĀPAÌ - Tāmahanahia i te 2002, i Tāhiti.
● Haapii : Te èà e tae atu ai i te ìte - Tāmahanahia i te 2001 i te marama no âtopa, i Ârue.
● Tīreo, puta pehepehe.
● Te moana taui raì, hurihia teie puta ei reo māòhi e Turo a Raapoto.
● TE ÔPŪ TAMARII - Tāmahanahia i te 1998.
● Te tahi tau fāpura.
● Te pinaìnaì o te âau - Tāmahanahia i te 1990.
E hiò atoà :
[fa’ahuru ’ē | modifier le wikicode]- Ètārētia Porotetani Māòhi (Église Protestante Māòhi)
- Tamuera a Raapoto (Samuel Raapoto)
- Fare Hapiiraa tuarua Tamuera a Raapoto
- Henri a Hiro
- Te reo tahiti
Pehepehe :
[fa’ahuru ’ē | modifier le wikicode]Parau paari :
[fa’ahuru ’ē | modifier le wikicode]- " Te reo, e fauraò no te ìte e te paari o te tahi nūnaa. "
- " Qui suis-je ? Rien, pas encore, demain peut-être. Non l'état civil ne me suffit plus, j'ai besoin d'une autre dimension. Mon nom s'écrit avec les lettres de l'alphabet latin, mais ma vie s'écrira avec mon souffle et le souffre de tous ceux qui manque d'être. On me dit Tahitien, mais je refuse... Cette dénomination a essentiellement une vocation démagogique, touristique... Je suis Māòhi. C'est le programme de ma vie. "