Valencia

Dat artikel es geschreevn in 't Kustwestvlams.

Valencia

Liggienge van Valencia in Spanje 39° 28' N, 0° 22' W
Regio	Valencia
Provinsje	Valencia
Comarca	Ciudad de Valencia
Coördinoatn	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	134,65 km²
Inweuners Bevolkiengsdichtheid	789.744 (2021) 5850,78 inw./km²
Postcode	03200-03299
Website	www.valencia.es

Valencia is e gemêente en derde grotste stad van Spanje achter Madrid en Barcelona. 't Is den hoofdstad van den autonome gemêenschap Valencia en van de gelyknoamige provinsje.

Valencia ligt an de riviere de Turia, an d' ôostkust van 't Iberisch schiereiland an de Golve van Valencia, e boaie an de Middellandsche Zêe. D' hoavn van de stad is de 5e drukste containerhoavn van Europa en de drukste containerhoavn an de Middellandsche Zêe.

Valencia hè verschillige vieriengn en tradiesjes, lik de Falles, die in 1965 uitgeroopn zyn toet Fiestas van Nationoal Toeristisch Belang van Spanje en in 2016 toet immaterieel cultureel erfgoed deur UNESCO. 't Typisch Spoans gerecht Paella is ôorsproenkelik Valencioans.

Beziensweirdigheedn

De Kathedroale van Valencia (Catedral de Santa María de Valencia), romoans-gotisch-barok, gebouwd tusschn 1262 en 1356, bezit vele kunstschatt'n, waaroender twèe doekn van Francisco Goya. De Lonja de la Seda, de zydebeurze uut de 15e êeuwe in loat gotische styl, stoat sedert 1996 ip de lyste van UNESCO Weirelderfgoed. De Mercado Central uut 1914 is 'n overdekte markt in art-nouveaustyl, de grotstn van Europa. De Stad van Kunstn en Weetnschap (Ciudad de las Artes y las Ciencias) is e modern cultureel en architectonisch complex.