Vickers F.B.5

Vickers F.B.5
Lugwaardige Gunbus replika gebou in 1966 in RFC kleure
Tipe	Vegvliegtuig
Vervaardiger	Vickers Limited
Ontwerp deur	Archibald Reith Low
Nooiensvlug	Oktober 1914
Onttrek	1916
Status	Onttrek
Hoofgebruikers	Royal Flying Corps Aéronautique Militaire
Aantal gebou	224

Die Vickers F.B.5 was 'n Britse dubbeldekker, tweesitplek vegvliegtuig wat tydens die Eerste Wêreldoorlog diens gedoen het. Dit het die bynaam Gun Bus gehad. Hierdie vliegtuig is ontwikkel uit die Vickers Destroyer, een van die eerste vegvliegtuie. Dit was ontwerp volgens 'n spesifikasie van die Britse Admiraliteit vir 'n vliegtuig wat met masjiengewere toegerus is. Dit was inderdaad ook die eerste Britse vliegtuig wat met 'n masjiengeweer toegerus was. Dit is 'n tweesitplekontwerp met 'n stootskroefenjin. Met geen skroef aan die voorkant nie was die voorste sitplek toegeken aan die verkenner/boordskutter terwyl die vlieënier agter hom gesit het.

Die eerste van die vliegtuie het in Februarie 1915 aan die Wes-Front aangekom maar no 11 Eskader van die Royal Flying Corps het eers op 25 Julie 1915 in Frankryk arriveer. Dit was die eerste eskader wat vir die stryd toegerus was, en wel met die Vickers F.B.5. Alhoewel die vliegtuig sterk en stadig was het die vlieëniers gou geleer om die Fokker Eindecker te vermy waar moontlik. 'n Paar maande later is die vliegtuig onttrek van aktiewe diens en slegs vir opleiding gebruik.

Tegniese besonderhede

Besonderhede van die Vickers F.B.5:

Item	Statistiek
Aantal motore	1
Tipe motor	Skroef, stoot tipe
Vervaardiger	Gnome Monosoupape stermotor
Kraglewering per motor	100 perdekrag
Vlerkspan	11,13 m
Lengte	8,2 m
Hoogte	3,51 m
Vlerkoppervlakte	35,5 m2
Maks. opstygmassa	930 kg
Maks. snelheid	113 km/h
Operasionele hoogte	2 745 m
Togafstand	386 km
Klimvermoë	122 m per minuut
Bewapening	Een 7,7 mm masjiengeweer voor in kajuit.

Sien ook

• Lys van vegvliegtuie

Bron

• Crosby, Francis: THE WORLD ENCYCLOPEDIA OF FIGHTERS & BOMBERS. 2015. ISBN 978-1-84476-917-9