Virginia Plain

Virginia Plain Singel av Roxy Music
B-side	«The Numberer»
Utgjeve	August 1972
Innspelt	10. til 12. juli 1972 i Command Studios, London
Sjanger	Glamrock
Lengd	2:58
Selskap	E.G. WIP6144
Låtskrivar(ar)	Bryan Ferry
Produsent	Peter Sinfield
Roxy Music-kronologi
	Virginia Plain	«Pyjamarama» (1973)

«Virginia Plain» er ein song av det britiske glamrockbandet Roxy Music, gjeven ut som debutsingelen deira i august 1972. Han er skriven av frontmannen Bryan Ferry og spelt inn av bandet hans i juli 1972 i Command Studios i London. B-sida var «The Numberer», ein instrumental av Andy Mackay. Singelen nådde fjerdeplassen i Storbritannia.

Songen var ikkje med på den originale britiske LPen av debutalbumet Roxy Music, og hadde ikkje ein gong vorte spelt inn då albumet kom ut. Etter suksessen med albumet i Storbritannia vart han med på seinare utgjevingar. I 1977 vart han gjeve ut på singel på ny med «Pyjamarama» for å marknadsføre eit Greatest Hits-album. Singelen nådde då 11. plass.

Rik Kenton, som vart med i bandet etter at Graham Simpson forlet bandet, spelar bass på «Virginia Plain». Songen byrjar forholdsvis roleg, før han brått aukar i volum når første vers startar. Dette var visstnok gjort for å lure radiovertar og DJar som spelte songen. Songen har ikkje refreng.

Tittelen på songen er henta frå eit av måleria til Ferry, som han målte som student. Gitarsoloen til Phil Manzanera vart totalt improvisert.

Medverkande

• Bryan Ferry - vokal, Hohner pianet, Mellotron, munnspel (på «The Numberer»)
• Andrew Mackay - obo, saksofon
• Brian Eno - VCS3 synthesizer, handsamingar
• Paul Thompson - trommer
• Phil Manzanera - elektrisk gitar
• Rik Kenton - bassgitar

Kjelder

• Denne artikkelen bygger på «Virginia Plain» frå Wikipedia på engelsk, den 31. mars 2011.
  • Wikipedia på engelsk oppgav desse kjeldene:

Bakgrunnsstoff

• Heile songteksten på MetroLyrics