Vroendaal

Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.

---

Ligking vaan Vroendaal

Vroendaal is 'n wiek vaan Mestreech. De wiek grens aon de wieke Hier in 't noorde, De Heeg in het weste.

Ontstoon

Dees wiek is begin 2000 ontstande. De wiek is rouweweg op te deile in twie gedeiltes: vrijesectorwoeninge en projekbouw. De structuur en opzat vaan de wiek is bepaold door de gemeinte Mestreech in samespraak mèt 'ne projekontwikkeleer, zoewie de ruime opzat al tuint. Deze struktuur is neergelag in 't beeldkwaliteitplan.

De naom is aofgeleid vaan 'n stök akkerland, geneump 'In Vroendael', gelege aon de Vroendaalweeg tege de bosrand en tege de grens mèt Gronsveld. De naom kump veur 't iers op 'n akte oet 't scheperegister oet 1580: "...op eynen morgen ackerlants, gelegen in't Vroendael, genoempt der Isermans morgen...". Eigelek ligk de wiek in het gebeed "Steyn Beukel" mer umtot dee naom al veur 'n straot in de wiek "De Heeg" is gebruuk laog 't neet veur de hand um 't huidege "Vroendaal" zoe te neume.

Biezunderhede

Veur en tijdes de bouwwerkzaamhede vaan de wiek Vroendaal zien archeologe op zeuk gewees nao spore oet 't verleie. Amateurarcheoloog P. Magielse heet mèt 'ne metaoldetector 'n broonze zweerd gevoonde vaan umtrint 67 centimeter lengde. De vindplaots vaan 't zweerd is oongeveer haafweegs 't huidege 'Kloosterbosch', um en naobij d'n as vaan de weeg. Oet oonderzeuk vaan stadsarcheoloog Wim Dijkman bliek tot 't zweerd oet de late broonstied, vreuge iezertied stamp (oongeveer de 8e iew veur Chr.).

Externe link

• Website vaan de wiek Vroendaal