Vulkansk bombe

Vulkansk bombe kasta ut frå Kīlauea-vulkanen på Hawaii i 1983.

Fossilisert vulkansk bombe i Mojaveørkenen i California.

Vulkansk bombe i Strohn i Rheinland-Pfalz i Tyskland, med ein diameter på 5 meter og ein masse på 120 tonn. Ho blei forårsaka av eit vulkanutbrot i 8300 f.Kr.

Ei vulkansk bombe er ein klump av smelta stein (tefra) som er større enn 65 mm i diameter, og blir danna når ein vulkan kastar ut tjuktflytande lavafragment under eit utbrot. Dei blir nok avkjølt til å oppnå fast form før dei når bakken. Vulkanske bombar kan bli kasta fleire kilometer frå ein utbrotsopning, og får ofte ei aerodynamisk form under flyturen. Bomber kan bli ekstremt store – Asama-utbrotet i Japan i 1935 kasta ut bombar som mælte 5–6 m i diameter, opptil 600 meter frå utbrotsopninga.

Vulkanske bomber representerer ein stor fare, og kan medføre alvorleg skade eller dødsfall blant folk i nærleiken av utbrotet. Ein slik episode skjedde ved Galeras-vulkanen i Colombia i 1993, der seks personar i nærleiken av fjellet vart drepne, og fleire andre skadde av vulkanske bomber, då vulkanen fekk eit uventa, eksplosivt utbrot.

Sjå òg

• Tefra

Kjelder

• Denne artikkelen bygger på «Vulkansk bombe» frå Wikipedia på bokmål, den 18. september 2010.

Bakgrunnsstoff

Commons har multimedium som gjeld: Vulkansk bombe

• http://www.gc.maricopa.edu/earthsci/imagearchive/bombs.htm Arkivert 2007-06-08 ved Wayback Machine. (en)
• http://volcanoes.usgs.gov/Products/Pglossary/bomb.html Arkivert 2007-07-14 ved Wayback Machine. (en)