Libreville

Libreville
Localización
	0°23′24″N 9°27′16″L / 0.3901, 9.4544
País	Gabón
Província (pt)	Estuaire (pt)
Departamentos (pt)	Libreville (en)
Capital de	Gabón ; Estuaire (pt) ; Congo francês (pt)
Poboación
Poboación	797.003 (2012)
Xeografía
Bañado por	Gabon Estuary (en) e golfo de Guinea
Altitude	13 m
Creación	1849
Outro
Irmandado con	Niza ; Durban ; San Tomé
Páxina web	libreville.ga

Libreville é a capital do Gabón e o principal centro urbano do país. A súa poboación calculábase nuns 578.156 habitantes (2005). E tamén a capital do distrito do Estuaire.

A cidade é un porto á beira do río Gabón, na súa desembocadura no golfo de Guinea.

Clima

O clima de Libreville é de tipo ecuatorial. A temperatura media anual é de 26 °C (a oscilación das maiores está entre 26 e 30 °C, mentres as máis baixas móvense entre os 22 e os 24 °C), e as precipitación alcanzan os 2.509,5 mm como media. A temporada seca comeza en maio e remata en setembro. O mes máis chuvioso é novembro con 373,4 mm, e o máis seco xullo cun 2,5 mm, como media.

Historia

Foi fundada no ano 1843 como posto avanzado comercial nunha zona área naquela altura próxima dos Mpongwè. Os escravos liberados eran enviados á nacente cidade, polo que en 1848 a foi nomeada Libreville (en francés cidade libre).

Entre 1934 e 1946 foi o porto principal da África Ecuatorial Francesa.

Economía

Libreville é un dos máis importantes centros do comercio de madeira (okumé especialmente) da África central. A zona industrial e portuaria atópase na periferia sur da cidade, no concello de Owendo. Acolle infraestruturas para minerais, portuarias e industriais. O porto de minerais exporta a produción de manganeso do Alto-Ogooué (Haut-Ogooué), que chegan a través do ferrocarril do Transgabonais. Para alén dos servizos centrais do Estado, a capital gabonesa agrupa numerosas actividades terciarias. En Mont-Bouët áchase o maior mercado do país con centenares de tendas de venda ao detall. Hai aínda dous grandes hipermercados, un denominado Mbolo ("bo día" nalgunhas linguas indíxenas) e o xigante Ceca.

Institucións educativas

A Universidade Omar Bongo é o centro educativo superior máis importante do país. Libreville é tamén a sede da Escola de Administración e da Escola de Leis do Gabón.