Ричард Лауренcе Миллингтон Сйнге (1914.28.10, Ливерпул – 1994.18.8, Норwич), инглиз биокимёгари. Лондон қироллик жамияти аъзоси (1950-йилдан). Кембриж университетини тугатган (1936). 1941–43 йилларда жун саноати бирлашмасида, 1943-йилдан Лондондаги Листеров институтида, 1948-йилдан Абердиндаги Роуэт илмий тадқиқот институтида, 1967–76 йилларда Норвичдаги Озиқ-овқат институтида ишлаган. Илмий ишлари биологик муҳим бирикмаларни ажратиб олиш ва нарчалаш жараёнларини ўрганишга, оқсиллар аналитик кимёсига оид. А. Ж. Мартин билан ҳамкорликда янги оқсиллар ва антибиотикларни ўрганишда аналитик мақсадда қўлланадиган қоғоздаги хроматография усулини ишлаб чикди (1944). Турли полисаҳаридлар, электрокинетик ултрафилтрлаш бўйича тадқиқотлар ўтказди (1946–50). Нобел мукофоти лауреати (1952, А. Ж. Мартин билан ҳамкорликда).[1]
