Бел Дрим

Бел Дрим
Местоположба
Физички особености
Устие	42°5′30″N 20°23′41″E
Должина	175 км
Особености на сливот

Бел Дрим (албански: Drini i Bardhë) — една од двете реки со чие спојување настанува реката Дрим во Албанија. Другата река е Црн Дрим. Тие две се спојуваат во североисточна Албанија кај градот Кукуш.

Должината на Бел Дрим изнесува 175 км (156 во Косово и 19 во Албанија). Реката извира во подножјето на планината Жлеб во Пеќскиот округ, северно од градот Пеќ. Реката потоа тече преку Ѓаковскиот округ и Призренскиот округ во Албанија. Во почетниот дел на течението, реката е понорница која се појавува како силен извор и водопад со висина од 25 метри во близина на Радовац. Изворот на реката во подножјето на Русолија се наоѓа на надморска височина од 580м, а котата на местото на спојување со Црн Дрим е на 240,8 метри.

Реката, на исток тече покрај Пеќската бања, а потоа потоа ги прима водите од притоката Источка река и течението оди кон југ. Останатиот дел од течението поминува низ доста плодната и густо населена област Подримље. Необично е тоа што на самата река не се наоѓаат големи градови. Најголемото место по течението на Бел Дрим е областа Клина.

Бел Дрим има многу значајни притоки: Пеќска Бистрица, Дечанска Бистрица и Ереник од десна стрна, а Источка река, Клима, Мируша, Римник, Топлуга и Призренска Бистрица од левата страна.

Сливот на Бел Дрим зазема површина од 4,360 км² во Косово. Албанскиот дел од сливот има површина од 604км². Во овој дел на реката не постајат населени места, а реката тука ја прима левата притока Плавска река која доаѓа од областа Гора. Течението на самата река не е пловен.

Вештачкото хидроакумулационо езеро Фјерза го има поплавено брегот по целокупното течение на реката низ Албанија, како и дел од течението во Косово.

Литература

• Мала енциклопедија Просвета, Трето издание (1985); Белград: „Просвета“; ISBN 86-07-00001-2
• Јован Ќ. Марковиќ (1990): Енциклопедијски географски лексикон Југославије Сараево: „Светлост“; ISBN 86-01-02651-6