天蛾科

天蛾科（粵拼：tin1 ngo4 fo1；英文：hawk moth / sphinx moth；學名：Sphingidae）係一個科嘅飛蛾。

天蛾科其中一樣大特徵係啲成蟲會食嘢：飛蛾嘅毛蟲都會猛咁勁食嘢儲起養份，生到咁上下（途中會脫皮增齡）就會結蛹，蛹過咗一段時間之後就會有隻成蟲捐出嚟；隻成蟲好多時甚至乎連口器都冇－佢哋由個蛹捐出嚟之後要做嘅，就係有咁快得咁快去搵返個伴侶交配傳宗接代，生完蛋之後冇幾耐，就算佢哋冇俾獵食者食落肚，最後都會監生餓死；天蛾科就唔同，啲成蟲會食嘢，多數係食花蜜或者類似嘅流體（好似蝴蝶噉），例如鬼面天蛾就出嗮名會入蜜蜂竇偷蜜糖。