Adam Smith

Adam Smith
Fødd	juni 1723 Kirkcaldy
Død	17. juli 1790 Edinburgh
Nasjonalitet	Kongeriket Storbritannia
Område	samfunnsøkonomi, etikk, politisk filosofi, økonomisk teori, marknadsliberalisme, filosofi, Opplysingstida
Yrke	samfunnsøkonom, faglitterær forfattar, filosof, skribent, universitetslærar, dei franske moralistane, forleggjar
Institusjonar	University of Edinburgh University of Glasgow
Alma mater	University of Glasgow Balliol College Kirkcaldy High School
Doktorgradsrettleiar	Francis Hutcheson
Medlem	Royal Society Royal Society of Edinburgh The Select Society The Poker Club

Adam Smith (1723–17. juli 1790) var ein skotsk filosof og samfunnsøkonom (sosialøkonom), og blir rekna som grunnleggjaren av økonomisk liberalisme. Adam Smith var fødd i Kirkacaldy i Fife i Skottland. Den eksakte fødselsdatoen hans er ukjend, men han vart døypt 5. juni 1723. Smith vart namngjeten som grunnleggjar av samfunnsøkonomien på grunn av boka Wealth of Nations (på norsk 'Velstanden til nasjonane') skriven i 1776.

Biografi

Inquiry into the nature and causes of the wealth of nations, 1922

I 1751 vart Smith utnemnd som professor i logikk ved Glasgow universitet, og året etter vart han professor i moralfilosofi. Som professor underviste han i felta etikk, retorikk, juss og politisk økonomi. I 1759 gav han ut boka The Theory of Moral Sentiments (på norsk 'Moralske kjensler'), som gjorde Smith vidgjeten som filosof både i Storbritannia og på kontinentet, og som kom i heile seks opplag berre i Smith si levetid. Denne boka tok opp kva som styrer kjenslene og handlingane våre, og korleis menneske fungerer i høve til kvarandre i samfunnet.

Smith flytta til London i 1776, der han utgav boka som har den fulle tittelen «An Inquiry into the Nature and Causes of the Wealth of Nations», som omhandlar det forfattaren meiner er dei positive konsekvensane av økonomisk liberalisme. Ho dekte tema som eigeninteresse, korleis marknaden fungerer og kor viktig frihandel og internasjonal spesialisering etter forfattaren sitt syn er.

Hans marknadsliberalisme går ut på at det beste for samfunnet er om politiske styresmakter ikkje får blande seg borti den frie utfaldinga av marknadskreftene og marknadsmekanismen, «lova» om tilbod og etterspurnad. Økonomisk liberalisme har som føresetnad ein kapitalistisk økonomi, med privat eige av dei viktigaste produksjonsmidla. Det er altså eit program for mest mogleg uregulert kapitalisme.

”Wealth of nations” etablerte økonomien som eit eige fag med den frie marknaden som utgangspunkt.

Litteratur

Adam Smith i norsk omsetjing (bokmål)

• Smith, Adam: Verker i fire bind. Omsatt av Åshild Sonstad. Sonstad Forlag. Trondheim, 2007-8.
• Smith, Adam: Moralske følelser Bind 1. Omsatt av Åshild Sonstad. Sonstad Forlag. Trondheim, 2006.

Adam Smith i engelsk originalutgåve

• The Glasgow Edition of the Works and Correspondence of Adam Smith in 7 volumes. Oxford University Press. Oxford, 1976.
• Theory of Moral Sentiments (1759).
• An Inquiry into the Nature and Causes of the Wealth of Nations (1776)
• Essays on Philosophical Subjects (publisert posthumt 1795)
• Lectures on Jurisprudence (publisert posthumt 1904 / 1976)

Bakgrunnsstoff

Engelsk Wikiquote har ei sitatsamling som gjeld: Adam Smith

Commons har multimedium som gjeld: Adam Smith

• Adam Smith på norsk - www.adamsmith.no Arkivert 2013-01-12 ved Archive.is
• biografi frå «Concise Encyclopedia of Economics»
• Smith sine verk Arkivert 2009-03-21 ved Wayback Machine.
• Brad deLong si Adam Smith-side Arkivert 2005-09-14 ved Wayback Machine.
• The Adam Smith Institute (Adam Smith-instituttet)
• The Wealth of Nations frå The Library of Economics and Liberty Arkivert 2008-10-03 ved Wayback Machine.
• The Wealth of Nations fråMondo Politico Library
• The Wealth of Nations Arkivert 2006-09-27 ved Wayback Machine.

Sekundærlitteratur om Adam Smith

• Buchan, James: The Authentic Adam Smith: His Life and Ideas (Norton, 2006)
• Haakonssen, Knud: Adam Smith. (Ashgate Publishing, 1998)
• The Cambridge Companion to Adam Smith (Cambridge University Press. Cambridge, 2006)

Denne økonomiartikkelen er ei spire. Du kan hjelpe Nynorsk Wikipedia gjennom å utvide han.