Annette Meakin
Biografía | |
---|---|
Nacemento | 12 de agosto de 1867 ![]() Clifton, Reino Unido (en) ![]() ![]() |
Morte | 26 de xullo de 1959 ![]() Chipping Ongar, Reino Unido (en) ![]() ![]() |
Educación | Royal College of Music (pt) ![]() Stern Conservatory (en) ![]() University College de Londres ![]() |
Actividade | |
Ocupación | escritora de viaxes ![]() |
Obra | |
Arquivos en |
|
Familia | |
Irmáns | James Edward Budgett-Meakin Ethilda Budgett-Meakin Herford ![]() |
Premios | |
Annette Mary Budgett Meakin, nada en Bristol o 12 de agosto de 1867[1] e finada en Chipping Ongar (Essex) o 26 de xullo de 1959, foi unha escritora inglesa de libros de viaxes.
Traxectoria
[editar | editar a fonte]Foi filla de Edward Ebenezer Meakin e Sarah Budgett. O seu pai traballaba nunha plantación de té en Almora, na India.[2] Foi á escola en Inglaterra e Alemaña. Estudou música no Royal College of Music de Kensington e no Stern Conservatoire de Berlín, e estivo na University College London.[3] Durante a primeira guerra mundial traballou como asistente de química.[4]
Ela e a súa nai foron as primeiras mulleres inglesas en viaxar ao Xapón no ferrocarril Transiberiano. Saíron de Londres en xaneiro de 1900 e chegaron a Rusia o 21 de maio logo de parar un tempo en París. Escribiu un texto sobre a viaxe, publicado ao ano seguinte. No libro, A Ribbon of Iron[5], relata tamén as súas paradas en Omsk, Tomsk, Krasnoyarsk e unha ruta polo río Ienisei, que desemboca no océano Ártico.[4] A obra aparece citada con frecuencia no libro de Harmon Tupper To the Great Ocean - Siberia and the Trans-Siberian Railway (1965).
En 1921 demandou por plaxio á autora Catherine Gasquoine Hartley, quen en 1912 publicara The Story of Santiago de Compostela. O texto tiña moitas similitudes co libro de Meakin Galicia, the Switzerland of Spain (1909). Como parte do acordo, o libro de Hartley foi retirado das bibliotecas.[6]
A autora doou os seus fondos á Bodleian Library, da Universidade de Oxford[7]
Obra
[editar | editar a fonte]- A Ribbon Of Iron (1901)
- In Russian Turkestan: A Garden of Asia (1903)
- Russia Travels and Studies (1906)
- Woman In Transition (1907)
- Galicia, The Switzerland Of Spain (1909)[8]
- Hannah More (1911)
- What America Is Doing, Letters From The New World (1911)[9]
- Enlistment Or Conscription? (1914)
- Nausikaa (1926/1938)
- Polyeuctes (1929)
- Goethe and Schiller: 1785-1805 The Story of a Friendship (1932, 3 volumes)
Notas
[editar | editar a fonte]- ↑ Certificado de nacemento nos papeis da Biblioteca Bodleian, volume 1 páx. 19.
- ↑ Fryer, S. E. (2004): ‘Meakin, James Edward Budgett (1866–1906)’, rev. Mark Pottle, Oxford Dictionary of National Biography, Oxford University Press.
- ↑ Obituario en The Times, 11 de agosto de 1959.
- ↑ 4,0 4,1 Deborah Manley (8 de decembro de 2011). Andrews UK Limited, ed. The Trans-Siberian Railway: A Traveller's Anthology. pp. 271–272. ISBN 978-1-908493-30-9.
- ↑ Annette M. B. Meakin (1970). Arno Press, ed. A ribbon of iron.
- ↑ Hooper, Kirsty (2011). "Hartley, Catherine Gasquoine (1866 / 7-1928)". Oxford Dictionary of National Biography. Oxford University Press.
- ↑ Annette Mary Meakin, National Archives.
- ↑ Rolland, Eduardo (2021-02-06). "Vigo, “la ciudad más moderna de Galicia”". VigoÉ (en castelán). Consultado o 2021-08-06.
- ↑ "Review: What America Is Doing, Letters from the New World by Annette M. B. Meakin". The Athenæum (4350): 274. 11 de marzo de 1911.