Carrán cristado

Thalasseus sandvicensis

Pouco preocupante^[1]

Reino:	Animalia
Filo:	Chordata
Clase:	Aves
Orde:	Charadriiformes
Familia:	Sternidae
Xénero:	Thalasseus
Especie:	T. sandvicensis

Nome binomial

'Thalasseus sandvicensis'
(Latham, 1787)

Distribución: Cría Anual Inverno

Sinonimia

Sterna sandvicensis
Sterna cantiaca Gmelin, 1788

O carrán cristado,^[2] coñecida nalgúns lugares da ría de Vigo (Cangas, Panxón, A Guarda) como mascateira^[3], (Thalasseus sandvicensis) é unha ave da familia dos Sternidae.

Morfoloxía e hábitos

Ten unha lonxitude entre 37–43 cm, unha envergadura de 85–97 cm e un peso de 250 gramos. Ten o peteiro esvelto e negro, coa punta amarela. Testa branca. Presenta unha pequena crista negra e patas da mesma cor. A especie non presenta dimorfismo sexual. Os xoves teñen manchas pardas na cabeza e na parte superior do corpo.

Son do carrán cristado.

É unha ave moi gregaria, que garula con frecuencia. Alimentación baseada en peixes que pesca mergullándose. Tamén depreda crustáceos, moluscos e vermes.

Reprodución

Cría en colonias en praias areosas ou illas baixas. Ás veces tamén en augas estancadas que sexan salobres. O período de cría vai de maio a xullo cunha posta de 2 ovos. O tempo de incubación é de 22-26 días. Os polos comezan a voar ós 30-35 días.

Distribución

Estival no norte de Europa. Invérnante no Sur de Europa e África. Escaso ou inexistente lonxe da costa. Ó revés do carrán do Caspio segue a costa cando emigra.

Non cría en Galicia, pero é relativamente abondosa nos pasos migratorios, especialmente de setembro a outubro.

Notas

↑ BirdLife International (2012). "Sterna sandvicensis". Lista Vermella de especies ameazadas. Versión 2013.2 (en inglés). Unión Internacional para a Conservación da Natureza. Consultado o 26 de novembro de 2013.
↑ "Denominación das aves". Real Academia Galega. Consultado o 2024-12-20.
↑ Ríos Panisse, M. do Carme (1983). Nomenclatura de la flora y fauna marítimas de Galicia. II. Mamíferos, aves y algas. Verba. Anexo 19 (USC).

Véxase tamén

Bibliografía

"Illas Cíes: Parque Nacional Marítimo-Terrestre das Illas Atlánticas". Edicións A Nosa Terra. ISBN 978-84-96203-67-9
"100 aves comúns do concello de O Grove e áreas veciñas". C.D. Romay Cousido, Antonio Fontoira García, Emilio Martínez Sabarís, Atocha Ramos Martínez. Editado polo Concello do Grove. Depósito Legal: C 2423-2009
Guía de Aves: España, Europa y Región Mediterránea. Lars Svensson, Killian Mullarney, Dan Zetterstïons. Ediciones Omega (en castelán).
Gran Guía de la Naturaleza AVES. Nicolai, Singer, Wothe. Editorial Everest, s.a. (en castelán)

[IUCN-1] BirdLife International (2012). "Sterna sandvicensis". Lista Vermella de especies ameazadas. Versión 2013.2 (en inglés). Unión Internacional para a Conservación da Natureza. Consultado o 26 de novembro de 2013.

[2] "Denominación das aves". Real Academia Galega. Consultado o 2024-12-20.

[3] Ríos Panisse, M. do Carme (1983). Nomenclatura de la flora y fauna marítimas de Galicia. II. Mamíferos, aves y algas. Verba. Anexo 19 (USC).

[1]

[2]

[3]