Ciro in Babilonia

Ciro in Babilonia Ciro en Babilonia
Forma	Ópera
Actos e escenas	2 actos
Idioma orixinal do libreto	Italiano
Libretista	Francesco Aventi
Fontes literarias	Biblia, Libro de Daniel 5, 1-30
Estrea	14 de marzo de 1812
Teatro da estrea	Teatro Comunale
Lugar da estrea	Ferrara
Música
Compositor	Gioachino Rossini
Localización da partitura	Perdida
Personaxes
Baldassare (tenor) Ciro (contralto) Amira (soprano) Argene (soprano) Zambri (baixo) Arbace (tenor) Daniello (baixo)

Ciro in Babilonia, ossia La caduta di Baldassare (en galego Ciro en Babilonia, ou a caída de Baldassare) é unha ópera en dous actos con música de Gioachino Rossini sobre un libreto en italiano de Francesco Aventi baseado no Libro de Daniel 5, 1-30 da Biblia. A ópera foi estreada no Teatro Comunale de Ferrara o 14 de marzo de 1812.

Historia

A primeira representación tivo lugar o 14 de marzo de 1812 no Teatro Comunale de Ferrara. A pesar de que o propio Rossini a definiu como "un dos meus fiascos", a ópera tivo unha boa acollida, como se deduce das múltiples representacións que se fixeron da mesma nos seguintes anos (o mesmo Stendhal a definiu como unha "ópera chea de graza"). Porén, trátase dun dos traballos máis febles do compositor de Pésaro.

A ópera tivo un escaso éxito debido á insuficiencia e a algúns elementos do elenco. A segunda muller Anna Savineli, segundo Rossini, había unha única nota que lle resultaba ben: o Si bemol central. O compositor, logo, tivo que escribir un aria de serbetto para Savinelli, escrita para a aria Chi disprezza gl'infelici centrada nesa única nota, garantindo deste xeito o éxito para a cantante.

A ópera caeu no esquecemento case inmediatamente: a primeira representación en tempos modernos tivo lugar en 1988 en Savona, con Daniela Dessì no papel de Amira e Ernesto Palacio no de Baldassare. Logo unha representación en Bad Wildbad en 2004 e unha en versión de concerto en París no 2008, a ópera foi finalmente representada por primeira vez no Rossini Opera Festival de Pésaro en 2012, con Ewa Podles no papel principal.

Esta ópera rara vez se representa na actualidade, aparecendo nas estatísticas de Operabase con tan só dúas representacións no período 2005-2010.

Personaxes

Personaxe	Tesitura	Elenco na estrea, 14 de marzo de 1812 (Director: - )
Baldassare, rei dos asirios en Babilonia	tenor	Eliodoro Bianchi
Ciro, rei de Persia	contralto	Marietta Marcolini
Amira, muller de Ciro, prisioneira de Baldassare	soprano	Elisabetta Manfredini-Guarmani
Argene, confidente de Amira	mezzosoprano	Anna Savinelli
Zambri, príncipe babilonio	baixo	Giovanni Layner
Arbace, capitán dos exércitos de Baldassare	tenor	Francesco Savinelli
Daniello, profeta	baixo	Giovanni Fraschi
Bambino	personaxe mudo
Coro masculino de Grandes do reino e soldados.

Argumento

Data: 539 a.C.

Lugar: Babilonia

Baldassare quere casar coa fermosa Amira, a muller de Ciro e agora leal a el. Ciro tenta salvar á súa muller e a seu fillo prisioneiros do cruel tirano, mais é descuberto e capturado. Baldassare cre que gañou, mais durante unha celebración un prodixio anúncialle a súa próxima morte. Os sacerdotes suxírenlle que secrifique aos prisioneiros, mais os persas están preparados para derrotar aos babilonios, liberando así a Ciro e á súa familia. Baldassare morre, e finalmente os dous esposos poden vivir en paz finalmente.

Orquestración

A partitura de Rossini require o uso de:

• 2 frautas (II tamén piccolo), 2 óboes, 2 clarinetes, 2 fagots
• 2 trompa, 2 trompeta, trombón
• Timbal
• Archi

Estrutura

• Sinfonia

Acto I

• 1 Introduzione Di Babilonia i popoli (Coro, Zambri, Baldassare)
• 2 Duetto T'arrendi, alfin dipende (Baldassare, Amira)
• 3 Coro e cavatina Veh come pallido - Ciro infelice! (Ciro)
• 4 Aria Avrai tu pur vendetta (Arbace)
• 5 Aria Vorrei veder lo sposo (Amira)
• 6 Final do primeiro acto Guardie, olà! (Baldassare, Zambri, Ciro, Amira, Coro)

Acto II

• 7 Introduzione Sì bell'alma soccorrete (Coro)
• 8 Escena, duettino e terzetto Nello stringerti al mio petto (Ciro, Amira, Baldassare)
• 9 Coro Intorno fumino
• 10 Recitativo, temporale e scena Daniello io son (Daniele)
• 11 Cavatina con coro Misero me, che intesi! (Baldassare)
• 12 Aria Deh, per me non v'affliggete (Amira)
• 13 Aria Chi disprezza gl'infelici (Argene)
• 14 Coro, scena ed aria T'abbraccio, ti stringo (Ciro, Coro)
• 15 Final do segundo acto Al vincitor clemente (Coro, Ciro, Amira, Zambri)

Gravacións

Ano	Elenco: Baldassare, Ciro, Amira, Argene	Director, Teatro de ópera e orquestra	Selo
1988	Ernesto Palacio, Caterina Calvi, Daniela Dessi, Oriana Ferraris	Carlo Rizzi, Orchestra Sinfonica di Sanremo e Coro Francesco Cilea di Reggio (Gravación dunha representación no Teatro Chiabrera, Savona o 30 de outubro)	CD de son: Hunt, Cat: 105; Arkadia, Cat: CDAK 105.2; Celestial Audio, Cat: CA 502
2004	Riccardo Botta, Annarita Gemmabella, Luisa Islam-Ali-Zade, Maria Soulis	Antonino Fogliani, Württembergische Philharmonie Orchestra e ARS Brunensis Chamber Choir (Gravado en 3 rerpesentacións no Wildbad Festival, July)	CD de son: Naxos Cat: 8.660203/4
2008	Cyril Auvity, Nora Gubisch, Elena de la Merced, Sophie Daneman	Jean-Claude Malgoire, La Grande Ecurie et La Chambre du Roy e Choeur de Chambre de Namur (Gravado nunha versión de concerto no Théâtre des Champs-Elysées o 12 de xaneiro)	CD de son: Premiere Opera Cat: ??

Véxase tamén

Ligazóns externas

• Libreto (en italiano)